हाल नेपालमा २८ वटा वाणिज्य बैंकहरु सञ्चालनमा छन् । नेपाल राष्ट्र बैंकले पुँजीवृद्धिको योजना ल्याएपछि बैंक अफ काठमाण्डू र लुम्बिनी बैंक गाभिएर बैंक अफ काठमाण्डू लुम्बिनी बनेपछि बैंकको संख्या २८ मा झरेको हो ।
राष्ट्र बैंकको निर्देशनअनुसार यी वाणिज्य बैंकहरु आगामी असार मसान्तसम्ममा चुक्तापुँजी आठ अर्ब पुर्याउनुपर्ने हुन्छ । सरकारी स्वामित्वमा रहेका राष्ट्रिय वाणिज्य बैंक र कृषि विकास बैंकको पुँजी आठ अर्ब पुगिसकेको छ । नेपाल बैंक र नेपाल इन्भेष्टमेन्ट बैंक र ग्लोबल आईएमई बैंकको चुक्तापुँजी हाल ६ अर्बभन्दा माथि छ ।
Source: bankingkhabar
