सेञ्चुरी कमर्शियल बैंक लि. (Century Commercial Bank Ltd., CCBL) ले आफ्ना सेयरधनीलाई गत आर्थिक बर्षको नाफाबाट वितरण गरेको १० प्रतिशत बोनस सेयरको कर तिर्न सूचना निकालेको छ । बैंकले गत साल २०७३ चैत ३१ गते बसेको छैठौँ वार्षिक साधारण सभाले गत आर्थिक वर्षको कमाईबाट लगानीकर्तालाई १०% बोनस सेयर मात्र प्रस्ताव पारित गरेको थियो । कर वापतको नगद लाभांस प्रस्ताव नगरेको सेञ्चुरी बैंकले सेयरधनीलाई आफ्नो हितग्राही खातामा उक्त बोनस सेयर जम्मा गरी दिन पूर्ब ऋणीलाई जसरी कर बुझाउन ताकेता गर्दै भनेको छ ।
साथै बैंकले बोनस वापतको कर रकम भुक्तानी गरेपछि सोको भौचर सहित निवेदन समेत लेखेर बैंक तथा बैंकको सेयर निष्काशन तथा बिक्री प्रबन्धक सिभिल क्यापिटल सुनधारामा बुझाउन भनेको छ । उक्त भौचर तथा निवेदन बुझाएपछि मात्र बैंकले सेयरधनीको हितग्राही खातामा बोनस सेयर जम्मा गर्ने भएको छ ।
सेञ्चुरी बैंकको प्रधान कार्यालय पुतलीसडमा रहेको खाता नम्बर ९२६ ०२० ०११०२ मा बोनस सेयरमा लाग्ने कर वापतको रकम जम्मा गर्न बैंकले लगानीकर्तालाई ताकेता गरेको छ ।
बोनस बितरणका दौरान सुचिकृत कम्पनीहरुले कर वापतको रकम बितरण नगर्दा कतिपय कम्पनीका लगानीकर्ताले सास्ती व्यहोर्दै आएका छन् । अहिले एक पटक फेरि सेञ्चुरी कमर्शियल बैंकका लगानीकर्ताले पनि यस्तै सास्ती खेप्नु पर्ने भएको छ । लाखौं रुपैंया लगानी गरेका सेयरधनीले सोको बोनसमा लाग्ने कर वापतको बीस पच्चीस रुपैंया तिर्नका लागि बैंक धाउनु पर्ने भएको छ ।
पछिल्ला दिनमा सेयरधनीले बोनस वापतको कर आफ्नो थाप्लोमा नलगाउन साधारणसभामा आग्रह गर्दै आएका छन् । अधिकांस कम्पनीको साधारण सभामा यो विषय उठान भए पनि लगानीकर्ताको समस्यालाई नहेरी कम्पनीहरुले गर्ने यस्ता निर्णयले सानो रकम बुझाउने नाममा लगानीकर्तालाई सास्ती थपिएको हो ।
सेञ्चुरीको विशेष साधारणसभामा समेत सेयरधनीले यस विषयमा चर्को आवाज उठाएका थिए ।
उसो भए सेञ्चुरीको उक्त बोनस सेयर वापतको कर रकम तिर्न सेयरधनीले कति कसरी कहाँ के गर्ने त ? यसको लागि निम्न लिंक्समा क्लिक गर्नुहोस् !
श्रोत सहयोग: मेरो लगानी
No comments:
Post a Comment