काठमाडौं, असोज ११ । सर्वसाधारणमा ९ लाख ३१ हजार कित्ता शेयर निष्कासन गरेको खानीखोला जलविद्युत् आयोजनाको साउन ११ मा बाँडफाँट भयो । शेयर बाँडफाँट नै ढिला गरेको कम्पनीले सुचीकरणमा पनि ढिलाई गरिरहेको छ । ६२ दिन भइसक्दा पनि शेयर सुचीकरण भएको छैन् ।
बजार अस्थिर बन्दै गएको यो समयमा केही दिन बजार लगातार बढ्ने केही दिन लगातार घट्ने देखिएको छ । हालसम्मकै उच्च बिन्दुमा बजार पुगेको यो समयमा कम्पनीले मुल्य पनि राम्रो पाउँने हुनसक्छ । तर शेयर सुचीकरण नहुँदा लगानीकर्ताले समयमै शेयर कारोबार गर्न पाएका छैनन् ।
ग्रीन डेभलपमेन्ट बैंकको शेयर पनि असार २९ गते नै शेयर बाँडफाँट भएको हो । बाँडफाँट भएको ७५ दिन बितिसकेको छ । तर यस कम्पनीको पनि शेयर सुचीकरण हुन सकेको छैन् । यसले गर्दा कम्पनीका लगानीकर्ताहरु कारोबार गर्नबाट बञ्चित हुन परेको छ ।
Source: aarthiknews
