काठमाडौं, असोज १५ । नेपालीहरुको महान चाड दशैंको अवसर पारेर नेपाल राष्ट्र बैंकले यसपालि ८ अर्ब रुपैयाँका विभिन्न दरका नयाँ नोट बजारमा ल्याउँदै छ । गत वर्ष ५ अर्ब ६९ करोड रुपैयाँ नयाँ नोट वितरण गरेकोमा यसवर्ष करिब ८ अर्ब रुपैयाँ बराबरका नोट साटिने राष्ट्र बैंकको भनाई छ ।
एक व्यक्तिले ५, १०, २०, ५० र १०० दरका नयाँ नोट ३७ हजार रुपैयाँसम्म साट्न पाउने गरी वितरण व्यवस्था मिलाईएको राष्ट्र बैंकले जनाएको छ । गत वर्ष सर्वसाधारणलाई प्रतिव्यक्ति बढीमा २२ हजार रुपैयाँसम्म नयाँ नोट साट्न दिइएको थियो ।
सर्वसाधारणले वाणिज्य बैंक, विकास बैंक, फाइनान्स कम्पनी, सरकारी कार्यालय, सैनिक, प्रहरी र सहकारी संस्थामार्फत उक्त रकम बराबरका नयाँ नोट प्राप्त गर्न सक्नेछन् ।
Source: aarthiknews
