साधारण शेयर (ordinary or common Share)
कम्पनीले आर्जन गरेको नाफाबाट अग्राधिकार शेयरवालाहरुलाई तोकिएको दरमा लाभांश वितरण गरिसकेपछि बाँकि हुने रकमबाट लाभांश वितरण गरिने गरि गरिएको धितोपत्रलाई साधारण शेयर भनिन्छ । साधारण शेयरमा लगानी गर्ने लगानीकर्ताहरुले आफ्नो लगानीको मात्रा अनुसार सम्बन्धित कम्पनीको स्वामित्व प्राप्त गरेका हुन्छन् र उनीहरुलाई कम्पनीको स्वामित्व मानिन्छ ।
कम्पनीको स्वामित्वको हैसियतले साधारण शेयरवालाहरुले बढी जोखिम उठाउनु पर्दछ । साधारण शेयरमा दिईने लाभांशको दर निश्चित हुदैँन र कम्पनीले आर्जन गर्ने नाफाको घटबढ अनुसार यो पनि घटीबढी हुनसक्छ । अर्कोतर्फ कम्पनीले नाफा आर्जन गर्दैमा साधारण शेयरवालाहरुलाई लाभांश प्राप्त हुन्छ भन्ने हुँदैन अर्थात् साधारण शेयरमा लाभांश दिनै पर्ने बाध्यात्मक अवस्था हुदैँन । तर कम्पनीले जति बढी नाफा आर्जन गर्दछ, उति नै बढी दरमा लाभांश प्राप्त हुने सम्भावना भने रहन्छ, साथै लाभांशको रुपमा कम्पनीले साधारण शेयरवालाहरुलाई बोनस शेयर पनि वितरण गर्न सक्छ ।
Source: aarthiknews
