Share Update Nepal

Sunday, October 16, 2016

दशैं बिदापछीको सेयर कारोबार आजबाट सुरु हुँदै, यस्तो छ बजार गुरुको सुझाव !

दशैं बिदा पछीको सेयर कारोबार आजबाट सुरु हुँदैछ । एउटा सामान्य सुझाव दिन चाहन्छु। दशैंमा दक्षिणा स्वरुप जम्मा भएको आफ्नो तथा बच्चाको पैसालाई सदुपायोग गर्नुहोस्, उक्त रकमबाट आफ्नो बच्चाको नाम थोरैनै किन नहोस् राम्रा कम्पनीको सेयर किनेर राखिदिनुस् । बच्चालाई बचत र लगानी भन्ने कुराको बारेमा अहिले सानैदेखी जानकारी दिनुहोस् । थोपाथोपाबाटै हो समुन्द्र बन्ने। अहिले हेर्दा यो सानो कुरा भएतापनि भबिश्यको लागी ठुलो उपलब्धी हुनेछ।

Source: arthasarokar

बिदापछि खुलेको सेयर बजार दशैंकै मुडमा, कारोबार र सूचक दुबै घटे !

काठमाण्डौं । दशैं बिदापछि आज पहिलो दिन खुलेको सेयर बजारका सबै सूचक ओरालो लागेका छन्। नौ दिन पछि खुलेको बजारमा सूचक र कारोबार रकम दुबै घट्न पुगेका छन् ।

आज आइतबार सेयर बजारमा ६० करोड रुपैयाँको मात्र कारोबार भएको हो । १२२ कम्पनीको सात लाख ६७ हजार कित्ता सेयर खरिद बिक्री भएको हो। त्यस्तै, नेप्से परिसूचक १६.१४ अंकले घटेर १८०३.७४ अंकमा आएको छ।

Source: arthatantra

दसैंपछिको पहिलो दिन नै बिक्रीको चाप थाम्न सकेन सेयर बजारले, कारोबार रकम अपेक्षाकृत कम ।

नेपाल स्टक एक्सचेन्जको सेयर बजार नेप्सेमा दसैंपछिको पहिलो दिन नै बिक्रीको चाप परेपछि सूचक १६ अंकले तल झरेको छ । कारोबार रकम भने अपेक्षा गरे अनुसार नै कम हुँदा ६० करोड रुपैयाँ बराबरको सेयर किनबेच भएको छ । दसै अघिका दिनहरुमा लगानीकर्ताहरुमा तुलनात्मक रुपमा खरिद गर्ने प्रबृत्ति देखिएको थियो तर दसै मनाएर बजारमा फर्किएका लगानीकर्ताहरु सेयर बेचेरै बस्ने सोचमा देखिए ।

बजार भारी अंकले तल झर्दा पनि अधिक कमाउने सूचीमा रहेका कम्पनी यस्ता छन् ।

बजार ओरालो लाग्दा धेरै शेयर मूल्य घट्ने कम्पनीको सूची यस्तो छ ।

Source: merolagani

भोलीबाट सिभिल बैंक र इन्टरनेशनल लिजिङ्ग एण्ड फाईनान्सको एकिकृत कारोवार, चुक्ता पुँजी ५ अर्ब पुग्दै ।

काठमाडौं, असोज ३० । सभिल बैंक (Civil bank/CBL) र इन्टरनेशनल लिजिङ्ग एण्ड फाईनान्स कम्पनी (ILFC)को कात्तिक १ गते (भोली)बाट संयुक्त कारोवार शुरु हुने भएको छ । मर्जर पछि बैंकको नाम सिभिल बैंक नै रहेको र बैंकको संचालक तथा उच्च व्यवस्थापनमा पनि कुनै परिर्वतन नभएको बैंकले जनाएको छ ।

Source: aarthiknews

काष्ठमण्डप डेभलपमेन्ट बैंकले २३ प्रतिशत बोनस दिने, पूँजी ८३ करोड रुपैयाँ पुग्ने ।

काठमाडौं, ३० असोज । काष्ठमण्डप डेभलपमेन्ट बैंकले लगानीकर्तालाई २३ प्रतिशत बोनस दिने भएको छ । साथै, बैंकले एक दशमलब ६ प्रतिशत नगद लाभांश दिने निर्णय गरेको छ ।

उक्त निर्णय बैंकको आइतबार बसेको बैंक सञ्चालक समितिको बैठकले गरेको हो । बैठकको निर्णयलाई राष्ट्र बैंक तथा बैंकको अगामी साधारणसभाले पारित गर्नुपर्ने छ ।

Source: bikashnews

Friday, October 14, 2016

आइपिओको पर्खाइमा हुनुहुन्छ ? अब एक मात्र विकल्प जलविद्युत कम्पनी ।

काठमाडौं, २५ असोज । कम्पनीहरुले सर्बसाधारणलाई दिने साधारण सेयर ९आइपिओ० को पर्खाइमा हुनुहुन्छ भने अवको एक मात्र विकल्प जलविद्युत कम्पनी मात्रै हुन् । पूजी बजारमा उल्लेख्य सहभागिता रहेको बैंक तथा वित्तीय संस्थाको दर्ता बन्द भएको, बीमा कम्पनी पनि नयाँ आउन नदिने अघोषित नीति र उत्पादनमुलक क्षेत्रलाई पूजी बजारमा भित्र्याउन आवश्यक पहल नभएको कारण जलविद्युत कम्पनीको विकल्प नदेखिएको हो ।