कामना विकास बैंक लिमिटेड (Kamana Bikas Bank Ltd., KMBL) ले २०७४ साल असार ११ गते शुक्रबारदेखि तीस प्रतिशत अर्थात ३०% हकप्रद (Right) सेयर निष्कासन तथा आवेदन खुल्ला गरेको छ । बैंकको १० कित्ता साधारण सेयर बराबर नयाँ ३ कित्ता साधारण सेयर (१०ः३) को अनुपातमा २४ करोड १३ लाख १३ हजार ७६० रुपैयाँको एक सय अङ्कित दरका २४ लाख १३ हजार एक सय ३७ दशमलव ६० कित्ता हकप्रद सेयर मिति २०७३ साल मंसिर १० गते बिहिबारसम्म नेपाल स्टक एक्सचेन्ज लि. मा कारोबार भई बैंकको सेयरमा स्वामित्व कायम गरेका साविक शेयरधनीहरुको लागि बिक्री खुला गरिसकेको छ । यसरी बैंकको यस हकप्रद सेयरमा २०७३ साल मंसिर १० गते बिहिबारसम्म कायम रहेका सेयरधनीले मात्र आवेदन दिन सक्नेछन् । कामना विकास बैंकको यो हकप्रद सेयर साउन १५ गते शुक्रबारसम्म भरी सक्नु पर्ने छ ।
हाल बैंकको चुक्ता पूँजी ८० करोड ४३ लाख रुपैयाँ रहेको छ । राष्ट्र बैंकले तोकेको चुक्ता पुँजी पुर्याउन बैंकले ३०% हकप्रद सेयर बिक्री खुला गरेको हो । यो हकप्रद बिक्रीबाट बैंकको चुक्तापुँजी थप ३०% बृद्धि हुनेछ । यस हकप्रद सेयर निष्कासन बाँडफाँट गरे पश्चात बैंकको चुक्ता पूँजी एक अर्ब चार करोड ५६ लाख ९२ हजार रुपैयाँ पुग्नेछ । कामना विकास बैंक सेवा विकास बैंकसँग मर्जरको प्रकृयामा रहेका कारण मंसिर १० गतेयता बैंकको सेयर कारोबार भने बन्द रहेको छ । राष्ट्र बैंकले तोकेको ८ अर्ब पुर्याउन बैंकले चालु आर्थिक बर्षको नाफाबाट ९० करोड बढी रकम बराबरको बोनस सेयर बितरण गर्नु पर्ने देखिन्छ । बैंकको सेयर नेप्सेमा गत साल प्रतिकित्ता ३५५ रुपैयाँमा अन्तिम कारोबार भई बन्द भएको थियो ।
यो हकप्रदका सेयरका लागि बैकले मिति २०७३ साल मंसिर ११ गते शुक्रबारदेखि सेयरधनी दर्ता किताब बन्द गरी सकेको छ । यस हकप्रद सेयर निष्काशन तथा बिक्री प्रबन्धकका लागि एनआईबिएल क्यापिटल लिमिटेडलाई तोकेको छ । बैंकको हकप्रद सेयर एनआईबिएल क्यापिटल, लाजिम्पाट काठमाडौंका साथै कामना विकास बैंकको सम्पुर्ण शाखा कार्यालयहरुबाट आबेदन फारम प्राप्त गरि भर्न सक्नेछन् । त्यस्तै नेपाल इन्भेष्टमेन्ट बैंकको विराटनगर, वीरगञ्ज, बुटवल, नेपालगञ्ज र धनगढी शाखा कार्यालयहरुबाट समेत लगानीकर्ताले हकप्रदमा आवेदन बुझाउन सक्नेछन् । काठमाडौं तथा सनराईज बैंकको सम्पुर्ण शाखा कार्यालयहरुबाट आबेदन फारम प्राप्त गरि भर्न सक्नेछन् ।
कामनाले सेवा विकास बैंकसँग मर्जमा जाने प्रस्ताव जेठ २५ को विशेष साधारण सभाबाट पारित गराइसकेको छ । मर्जपछि बैंकको वित्तीय कारोवार कामना सेवा विकास बैंंकको नामबाट हुनेछ । बैंकले तेस्रो त्रैमासमा १४ करोड ४७ लाख ४५ हजार रुपैयाँ खुद नाफा कमाएको छ । बैंकको प्रतिसेयर आम्दानी १७ रुपैयाँ ९९ पैसा र प्रतिसेयर नेटवर्थ १३५ रुपैयाँ ५६ पैसा छ ।
कामना विकास बैंकको हाल निष्काशन भैरहेको हकप्रद सेयर बारे बिष्तृत सूचना, जांच र फाराम डाउनलोड गर्न निम्न लिंक्समा क्लिक गर्नुहोला !
यस विकास बैंकको सेयर भएका लगानीकर्ताहरुले एक पटक हेरी हाल्ने कि ? बैंकको आर्थिक बर्ष २०७३/७४ को तेश्रो त्रैमासिक बित्तिय प्रतिबेदन, बैंक विश्लेषण र सेयरधनी दर्ता पुस्तिका बन्द सूचना हेर्न निम्न लिंक्समा क्लिक गर्नुहोस् !
बैंक विश्लेषण लिंक
