गोर्खाज फाइनान्स लि. (Gurkhas Finance Ltd., GUFL), नेपाल एसबिआई बैंक लि. (Nepal SBI Bank Ltd., SBI) र हाम्रो विकास बैंक लि. (Hamro Bikas Bank Ltd., HAMRO), यी तिनै कम्पनीले क्रमश: गत २०७४ साल जेष्ठ १ गते सोमबार, ७ गते आइतबार र ७ गते आइतबार देखि निष्कासन तथा बिक्री खुला गरेका आ-आफ्ना हकप्रद (Right) सेयरमा आवेदन गर्ने मिति अब यही २०७४ साल असार ११ गते आइतबार भोलि नै एकै साथ् समाप्त हुँदैछ ।
गोर्खाज फाइनान्सको पच्चास प्रतिशत (५०%), नेपाल एसबिआईको चालिस प्रतिशत (४०%) र हाम्रो विकासको दुई सय प्रतिशत (२००%) हकप्रद छन् । गोर्खाजको २ कित्ता साधारण सेयर बराबर नयाँ १ कित्ता साधारण सेयर (२:१) को अनुपातमा १०० रुपैयाँ अंकित दरका २८ लाख ९३ हजार ३ सय १३ कित्ता हकप्रद सेयर, एसबिआईको १० कित्ता साधारण सेयर बराबर नयाँ ४ कित्ता साधारण सेयर (१०:४) को अनुपातमा १०० रुपैयाँ अंकित दरका १ करोड ९९ लाख १९ हजार ४ सय २३ दशमलव ६० कित्ता हकप्रद सेयर र हाम्रोको १ कित्ता साधारण सेयर बराबर नयाँ २ कित्ता साधारण सेयर (१:२) को अनुपातमा १०० रुपैयाँ अंकित दरका ३० लाख ५८ हजार ३ सय ३८ दशमलव ७५ कित्ता कित्ता हकप्रद सेयरमा आवेदन खुला गरेका थिए । यी तिनै कम्पनीले आ-आफ्ना हकप्रद निष्काशनका लागि क्रमश: गत २०७४ साल वैशाख २० गते बुधबार, २६ गते मंगलबार र ११ गते सोमबार सेयरधनी दर्ता पुस्तिका बन्द गरेका थिए । यसरी यी कम्पनीहरुको हकप्रद सेयर दर्ता पुस्तिका बन्द हुन १ दिन अघि क्रमश: वैशाख १९ गते मंगलबार, २५ गते सोमबार र १० गते आइतबारसम्म नेपाल स्टक एक्सचेन्ज लि. मा कारोबार भई कायम साविक सेयरधनीहरुले मात्र आवेदन दिन सक्नेछन् ।
गोर्खाज फाइनान्स (GUFL) को हाल निष्काशन भैरहेको हकप्रद सेयर बारे बिष्तृत सूचना, जांच र फाराम डाउनलोड गर्न निम्न लिंक्समा क्लिक गर्नुहोला !
लिंक्स
गोर्खाजको यस हकप्रद सेयर निष्काशन तथा बिक्री प्रबन्धक एनआइबीएल क्यापिटल मार्केट्स लिमिटेड रहेको छ र यसका लागि एनआइबीएल क्यापिटल मार्केट्स लिमिटेड, लाजिम्पाट, काठमाडौं र गोर्खाज फाइनान्सको केन्द्रीय कार्यालय, डिल्लीबजार, काठमाडौं तथा शाखा कार्यालयहरु, बौद्ध, न्यूरोड, सातदोबाटो, सूर्य विनायक, धरान, इटहरी, दमक, बिर्तामोड, नारायणगढ, जनागल र रवि (पाँचथर) मा रहेका शाखा कार्यालय एबं नेपाल इन्भेष्टमेन्ट बैंकको शाखा कार्यालयहरु बीरगन्ज, विराटनगर, चिप्लेढुंगा पोखरा, नेपालगन्ज र धनगढीबाट समेत आवेदन फारम लिन र बुझाउन सक्नेछन् । यसै गरी एसबिआईको हकप्रद सेयर निष्काशन तथा बिक्री प्रबन्धक एनएमबि क्यापिटल लिमिटेड रहेको छ र यसका लागि एनएमबि क्यापिटल लिमिटेड, नागपोखरी, काठमाडौं तथा नेपाल एसबीआई बैंकको केन्द्रिय कार्यालय केशरमहल, लैनचौर, काठमाडौं एबं नेपाल एसबीआई मर्चेन्ट बैंकिङ लिमिटेड, हात्तिसार, काठमाडौं सहित देशभरका अधिकांश शाखा कार्यालयबाट हकप्रद सेयरमा आवेदन दिन सकिने छ भने हाम्रो विकास बैंकको हकप्रद सेयर निष्काशन तथा विक्री प्रबन्धक एनआइबीएल क्यापिटल मार्केट्स लिमिटेड रहेको छ र यसका लागि एनआइबीएल क्यापिटल मार्केट्स लिमिटेड, लाजिम्पाट, काठमाडौं तथा हाम्रो विकास बैंकको केन्द्रीय कार्यालय बिदुर, ३ बट्टार नुवाकोट र अधिकांश शाखा कार्यालय एबं नेपाल इन्भेष्टमेन्ट बैंकको शाखा कार्यालयहरु विराटनगर, चिप्लेढुङ्गा पोखरा, वीरगन्ज, नारायणगढ, नेपालगन्ज र धनगढीबाट पनि आवेदन दिन सकिने छ ।
नेपाल एसबिआई बैंक (SBI) को हाल निष्काशन भैरहेको हकप्रद सेयर बारे बिष्तृत सूचना, जांच र फाराम डाउनलोड गर्न निम्न लिंक्समा क्लिक गर्नुहोला !
लिंक्स
गोर्खाज फाइनान्सको अहिले ५७ करोड ८६ लाख ६२ हजार रुपैंया चुक्ता पूँजी रहेको छ र यस हकप्रद सेयर निष्काशन पश्चात चुक्ता पूँजी ८६ करोड ७९ लाख ९३ हजार आठ सय रुपैयाँ पुग्नेछ भने चालु आर्थिक वर्षको तेस्रो त्रैमासमा गोर्खाजले १० करोड ३० लाख २१ हजार रुपैयाँ खुद नाफा कमाएको छ र प्रतिसेयर आम्दानी २३ रुपैयाँ ७४ पैसा रहेको गोर्खाजको प्रतिसेयर नेटवर्थ १५१ रुपैयाँ ७४ पैसा छ । यसै गरी नेपाल एसबिआई बैंकको अहिले ४ अर्ब ९७ करोड चुक्ता पूँजी रहेको छ र यस हकप्रद सेयर निष्काशन पश्चात चुक्ता पूँजी ६ अर्ब ९७ करोड १७ लाख ९८ हजार २५९ रुपैयाँ पुग्नेछ भने चालु आर्थिक वर्षको तेस्रो त्रैमासमा एसबिआईले १ अर्ब १० करोड ४४ लाख रुपैयाँ खुद नाफा कमाएको छ र प्रतिसेयर आम्दानी २९ रुपैयाँ ५७ पैसा रहेको एसबिआईको प्रतिसेयर नेटवर्थ १६२ रुपैयाँ ४७ पैसा छ । यता हाम्रो विकास बैंकको चुक्ता पूँजी अहिले १५ करोड २९ लाख १६ हजार रुपैयाँ रहेको छ र हकप्रद सेयर जारी गरेपछि विकास बैंकको चुक्ता पुँजी ४५ करोड ८७ लाख ५० हजार ८१२ रुपैयाँ पुग्नेछ भने चालु आर्थिक वर्षको तेस्रो त्रैमासमा बैंकले ३ करोड १० लाख २ हजार रुपैयाँ खुद नाफा कमाएको छ र प्रतिसेयर आम्दानी २७ रुपैयाँ ३ पैसा (वार्षिक) रहेको यस बैंकको प्रतिसेयर नेटवर्थ १३० रुपैयाँ ५७ पैसा छ ।
हाम्रो विकास बैंक (HAMRO) को हाल निष्काशन भैरहेको हकप्रद सेयर बारे बिष्तृत सूचना, जांच र फाराम डाउनलोड गर्न निम्न लिंक्समा क्लिक गर्नुहोला !
लिंक्स
No comments:
Post a Comment