Thursday, August 10, 2017

के तपाईंको बोनस सेयर खातामा अझै आएन? कर तिर्नु पर्ने हो कि? कसरी थाहा पाउने त ? बिष्तृत जानकारीको लागि यहाँ विबरण हेर्नुहोस् !

गत आर्थिक बर्षमा बैंकहरुले वितरण गरेको बाेनस सेयर हितग्राही खातामा आएन ? त्यसो भए यी १३ बैंकको सेयर बोनस पाउने मितिमा किन्नुभएको छ ? यदि तपाईले उल्लेखित मितिमा सेयर किन्नुभएर बोनस सेयर पाउन योग्य हुनुहुन्छ भने बोनस सेयर बापत सिर्जना हुने कर दायित्व रकम सम्बन्धित कम्पनीले उल्लेख गरेको खातामा जम्मा गर्नुपर्ने छ । ती १३ वटा कम्पनी मध्येमा तपाइँको बैंक पनि परेको भए, त्यसको कर नतिरी तपाइँको खातामा बोनस सेयर आउँदैन ।


आर्थिक बर्ष २०७२/७३ मा बोनस वितरण गरेका तर बोनसमा लाग्ने कर वापतको नगद लाभांश साधारणसभाबाट पारित नगरेका १३ कम्पनीका सेयरधनीले बोनस वापतको कर तिरेपछि मात्र खातामा बोनस सेयर आउँछ । तीन वाणिज्य बैंक र १० विकास बैंक गरी अहिलेसम्म जम्मा १३ कम्पनीको सेयरधनीले बोनस वापतको कति रकम सम्बन्धित बैंकले तोकेको खातामा कर रकम तिर्न सूचना जारी गरिसकेका छन् । हेर्नुहोस् ती बैकहरु कुन कुन हुन् त अनि कहिले देखि कहिले सम्म सेयर खरिद गरे बापत कुन बैंकको बोनसमा कति कर तिर्नुपर्छ ।

गत आर्थिक बर्षमा बोनस वितरण गरेका तीनवटा बाणिज्य बैंक सनराईज (SRBL), ग्लोबल आईएमई (GBIME) र सेञ्चुरी (CCBL) का सेयरधनीले कर तिर्न सूचना जारी गरेका छन् । त्यस्तै १० वटा विकास बैंकहरु कैलाश (KBBL), मुक्तिनाथ (MNBBL), कामना (KMBL), ज्याेति (JBBL),  गरिमा (GBBL), देव (DBBL), हाम्रो (HAMRO), ओम (ODBL) र फेवा-गण्डकी (FBBL) र मर्जरपुर्वकाे महालक्ष्मी विकास बैंक (MLBL) ले समेत कर तिर्न सूचना जारी गरिसकेका छन् ।


यसरी कर तिर्न सूचना जारी गरेका बैंकका माथि उल्लेखित तालिकामा उल्लेखित मितिमा सेयर किनेर गत आर्थिक बर्ष २०७२/७३ मा वितरण गरेको बोनस सेयर प्राप्त गर्न योग्य सेयरधनीले बोनस सेयर वापत लाग्ने ५ प्रतिशत कर रकम माथि उल्लेखित सम्बन्धित रजिष्टारको कार्यालयमा सम्पर्क राखी तिरेपछि मात्र हितग्राही खातामा बोनस सेयर प्राप्त गर्न सक्दछन् । सो मितिभन्दा अगाडि सेयर किनेर बोनस पाउने सेयरधनीले भने बोनसमा कर तिर्नुपर्देन ।

सार्वजनिक कम्पनीहरुले आर्थिक बर्षको अन्तसँगै साधारणसभाबाट बोनस घोषणा गर्ने गर्दछन् । कम्पनीहरुले बोनस वापतको कर व्यवस्था नगरिदिँदा सानो रकम तिर्नको लागि नै सम्बन्धित बैंक तथा विक्री प्रबन्धक कहाँ पुगेर बोनसको कर तिनुपर्ने झण्झट आईलाग्ने गरेको हो । यसरी बोनस वापतको कर कम्पनीले नतिरिदिँदा सेयरधनी आफैले बोनस वापतको कर रकम तिरेपछि मात्र कम्पनीले घोषणा गरेको बोनस  हिताग्राही खातामा जम्मा हुने गर्दछ ।


पछिल्लो समय बोनस सेयर प्रदान गर्दा सेयरधनीको सजिलोको लागि कर प्रयोजनका लागि नगद लाभांश पनि साधारणसभाबाट पारित गर्ने चलन छ । तर अझैपनि कतिपय कम्पनीले कर बापतको रकम सेयरधनीलाई तिर्न लगाउने गरेका छन् । जसले जुम्लाका लगानीकर्ता १० कित्ता बोनसको कर तिर्न पनि काठमाडौ नै आउनुपर्ने बाध्यता छ ।

पैसा तिरेपछि तुरुन्तै हितग्राही खातामा सेयर आए त केही राहत हुनेथियो तर पैसा तिरेर निक्षेप सदस्य र सेयर रजिष्ट्रारको कार्यालयमा रसिद देखाएपछि पनि हप्तौ सेयर नआउँदा लगानीकर्ताहरुलाई हदैसम्मको सास्ती हुने गरेको छ ।

आफनो स्वार्थ पुरा गर्न लगानीकर्तालाई अनाबश्यक दुख दिने र विना वित्थाको आर्थिक भार थोपर्ने कम्पनीहरुलाई धितोपत्र बोर्ड र राष्ट्र बैंकले कस्न सकेका छैनन् । उनीहरु कम्पनीहरुको मनलाग्दीको रमिते मात्र बनिरहेका छन् ।

मर्जर वा एक्विजिशनमा गएका कम्पनीलाई राष्ट्र बैंकले दिएको आयकर र पूँजीगत लाभकरको छुट लगानीकर्तालाई सास्तीको कारक सावित भएको छ ।


हालसम्म जम्मा गर्नुपर्ने उक्त रकमबारे तपाईले तल उल्लेखित सम्बन्धित बैंकको लिंकबाट हेर्न सक्नुहुन्छ ।
सेञ्चुरी कमर्सियल बैंकको १० प्रतिशत बोनसमा लाग्ने कर रकम निम्न लिंकमा क्लिक गरी यकिन गर्नुहोस् । सबैभन्दा पहिला सेयरधनीको पहिलो नाम भर्नुहोस् । त्यसपछि तपाईले सेयर डिम्याट गराईसक्नु भएको छ भने हितग्राही खाता (डिम्याट) नम्बर अथवा कागजी प्रमाणपत्र रहेका अथवा भर्खर मात्र डिम्याट गरेका लगानीकर्ताले सेयरधनी नम्बर राखेर खोज्नुहोस् ।

ग्लोवल आईएमई बैंकको १५.७६ प्रतिशत बोनसमा लाग्ने कर रकम थाहा पाउन निम्न लिंकमा क्लिक गरी खोज्नुहोस् । पहिला कम्पनी छनौट गर्नुहोस्, त्यसपछि हितग्राही खाता वा सेयरधनी नम्बर मघ्ये एउटा छनौट गरीसकेपछि सेयरधनीको पहिलो नाम राखेर चेक गर्न सक्नुहुन्छ ।

सनराईज बैंकको ३३.३३ प्रतिशत बोनसमा लाग्ने कर रकम सनराईज बैंक तथा सेयर रजिष्टार सनराईज क्यापिटलमा उपलब्ध नभएकाले यहाँ राख्न सकिएको छैन । बैंकले वितरण गरेको बोनसमा लाग्ने कर रकम बारे सेयरधनीले सनराईज बैंकको सबै शाखा कार्यालय तथा सेयर रजिष्ट्रार सनराईज क्यापिटलबाट अाफै गएर वा टेलिफाेनबाट समेत प्राप्त गर्न सकिने क्पापिटलले जनाएको छ ।

कैलाश विकास बैंकले प्रदान गरेको २५ प्रतिशत बोनसको तिर्नुपर्ने कर रकम निम्न लिंकमा क्लिक गरी थाहा पाउनुहोस् । पहिला कम्पनी छनौट गर्नुहोस्, त्यसपछि हितग्राही खाता वा सेयरधनी नम्बर मघ्ये एउटा छनौट गरीसकेपछि सेयरधनीको पहिलो नाम राखेर खाेजि गर्न सक्नुहुन्छ ।

ज्योति विकास बैंकको ११.६४ प्रतिशत बोनसको कर वापतको रकम कति तिर्ने, निम्न लिंकमा क्लिक गरी चेक गर्नुहोस् । पहिला कम्पनी ज्योति विकास बैंक छनौट गर्नुहोस्, त्यसपछि हितग्राही खाता वा सेयरधनी नम्बर मघ्ये एउटा छनौट गरीसकेपछि सेयरधनीको पहिलो नाम राखेर चेक गर्न सक्नुहुन्छ ।

मुक्तिनाथ विकास बैंकको ३४ प्रतिशत बोनसको कर वापतको रकम कति तिर्ने, निम्न लिंकमा क्लिक गरी चेक गर्नुहोस् ।


ओम डेभलपमेन्ट बैंकको २९.२० प्रतिशत बोनसको कर कति तिर्नुपर्छ ? यस निम्न लिंकमा क्लिक गरी आफ्नो हितग्राही र सेयरधनीको नाम खोजेर कति बोनस वापतको कर तिर्नुपर्छ थाहा पाउन सक्नुहुन्छ ।

हाम्रो विकास बैंकको २५ प्रतिशत बोनसको कर तिर्नुभएको छैन भने यहाँबाट हेर्नुहोस्, तपाईले कति तिर्नुपर्छ ? यस निम्न लिंक क्लिक गरी खोलेर सेयरधनीको नाम तथा ठेगानाबाट कति रकम कर वापत बुझाउनुपर्छ हेर्न सक्नुहुन्छ ।

देव विकास बैंकको १४ प्रतिशत बोनसको कर रकम थाहा पाउन यस निम्न लिंक क्लिक गर्नुहोस् । सेयरधनीले यस लिंकमा गएर आफ्नो हितग्राही नम्बर तथा सेयरधनीको नामबाट तपाईले बोनस वापत तिर्नुपर्ने करको विबरणबारे जानकारी लिनुहोस् ।

कामना विकास बैंकको २१.५८ प्रतिशत बोनसको कर कति तिर्नुपर्छ भनेर चिन्तित हुनुहुन्छ ? निम्न लिंक क्लिक गरी हेर्नुहोस् । बोनस सेयरको कर वापतको रकम थाहा पाउन कागजी सेयर प्रमाणपत्र रहेका सेयरधनीले नाम र सेयरधनी नम्बरबाट खोज्न सक्नुहुन्छ । डिम्याट गरिसकेका सेयरधनीले निक्षेप सदस्य तथा हितग्राही खाता भरेर खोज्न सक्नुहुन्छ ।

फेवा विकास बैंकको २०.६० प्रतिशत बोनस वापतको कर रकम निम्न लिंक क्लिक गरी हेर्नुहोस् । साविकको फेवा हाल गण्डकी विकास बैंकको सेयरधनीले आफुले तिर्नुपर्ने कर वापतको रकम थाहा पाउन कागजी सेयर प्रमाणपत्र रहेका सेयरधनीले नाम र सेयरधनी नम्बर तथा डिम्याट गरिसकेका सेयरधनीले निक्षेप सदस्य तथा हितग्राही खाता भरेर खोज्न सक्नुहुन्छ ।

तपाईले साविक महालक्ष्मी विकास बैंकको ६.९० प्रतिशत बोनस वापत तिर्नुपर्ने कर रकम निम्न लिंक क्लिक गरी हेनुहोस् । जहाँ तपाईले आफ्नो हितग्राही खाता नम्बर वा नाम राखेर खाेजी तिर्नुपर्ने कर रकम थाहा पाउन सक्नुहुन्छ ।

गरिमा विकास बैंकले सेयरधनीलाई वितरण गरेको २० प्रतिशत बोनसको कर कति तिर्नुपर्छ भन्ने विवरण हेर्नका लागि यस निम्न लिंक क्लिक गरी हितग्राही खाता नम्बर तथा सेयरधनीको नामबाट बोनस वापतको कर विबरण हेर्नुहोस् ।

गरिमा विकास बैंक (GBBL) बोनस सेयर कर (TAX) लिंक

Source: merolagani, 1 Aug 2017

यो पनि पढ्ने कि !


Posted by at No comments:
Labels: , , , , , , , , , , , , , , , , , , ,

Wednesday, August 9, 2017

राष्ट्रिय बीमा कम्पनी (RBCL) ले तीन आर्थिक बर्षको एकसाथ साधारणसभा गर्ने तयारी !

राष्ट्रिय बीमा कम्पनी (Rastriya Beema Company Ltd., RBCL) ले थप तीन आर्थिक बर्षको बक्यौता साधारणसभा एकसाथ गर्ने तयारी थालेको छ । कम्पनीले एघार बक्यौता आर्थिक वर्षहरुको साधारण सभा गर्न बाँकी रहेकोमा आर्थिक बर्ष २०६३।०६४, २०६४।०६५ र ०६५।०६६ को गरी तीन बर्षको साधारणसभा गर्ने तयारी थालेको हो ।


कम्पनीले गत वैशाख २२ गते आर्थिक बर्ष २०६०।०६१, २०६१।०६२ र ०६२।०६३ को साधारणसभा एकसाथ गरेको थियो ।

यस बीमा कम्पनीको बार्षिक साधारण सभा पुस्तिका तथा आर्थिक विवरणहरु हेर्न निम्न लिंक्समा क्लिक गर्नुहोला !
कम्पनीको दुई आर्थिक बर्ष २०६३।०६४ र २०६४।०६५ को वित्तीय विवरण बीमा समितिबाट स्वीकृत भईसकेको पत्र कम्पनीलाई प्राप्त भईसकेको छ । थप एक आर्थिक बर्षको विवरण बीमा समिति पठाइसकिएको छ, सम्भवत हप्ता दिनमा थप एक आर्थिक बर्षको वित्तीय विवरण बीमा समितिबाट स्वीकृत हुन्छ, बीमा कम्पनीका एक अधिकारीले भने । आर्थिक बर्ष ०६५।०६६ को आर्थिक प्रतिवेदन स्वीकृत हुनासाथ तीन आर्थिक बर्षको साधारणसभा बोलाउने तयारी छ, उनले भने ।

त्यसपश्चात क्रमिक रुपमा अन्य आर्थिक बर्षको साधारणसभा राख्ने कम्पनीको योजना छ । आर्थिक बर्ष ०६६।०६७ देखी ०६९।०७० को लेखापरीक्षणको काम अन्तिम चरणमा पुगेको र ०७०।०७१ को लेखापरीक्षण बारे परामर्श चलिरहेको छ ।

महालेखा परीक्षकको कार्यालयले भदौ मसान्तसम्ममा लेखापरीक्षण सक्न निर्देशन दिएकाले सोही अवधिमा एक आर्थिक बर्ष बाहेक सबै बर्षको लेखा परीक्षण सकिने कम्पनीका एक उच्च अधिकारीले मेरो लगानीलाई जानकारी दिए ।

कम्पनीले आर्थिक बर्ष ०७१।०७२ को लेखापरीक्षण सकिसकेको र ०७२।०७३ को चलिरहेको जानकारी समेत दिएको छ ।

बिगतमा राष्ट्रिय बीमा संस्थानको निर्जिवन बीमा बिभागको रुपमा रहेको कम्पनी ०७१ साउनमा अलग भएर राष्ट्रिय बीमा कम्पनी बनेको हो । अलग्गै कम्पनी बनेपछिका बर्षहरुको भने कम्पनीले नियमित रुपमा लेखा परीक्षण गराउदै आएको छ ।

०६३ सालसम्मको साधारण सभा सम्पन्न गरी लाभांस वितरण गरेको कम्पनीको हाल चुक्ता पूँजी २६ करोड ६६ लाख ३९ हजार रुपैंया छ ।

यस अघि तीन आर्थिक वर्षको एकैसाथ साधारण सभा गरेको कम्पनीले बक्यौता आर्थिक वर्षहरुको लेखापरीक्षण सकेर थप नयाँ साधारण सेयर (एफपीओ) निष्काशन गर्ने निर्णय गरेको थियो । कम्पनीले हाल कायम सेयर संरचनालाई संस्थापकतर्फ ७० तथा सर्वसाधारणतर्फ ३० प्रतिशत बनाउन एफपीओ जारी गर्ने योजना अघि सारेको हो ।

बक्यौता सबै आर्थिक बर्षहरुको साधारणसभा सकेर बोनस वितरण र एफपीओ निष्काशन गरेर २०७५ असार मसान्तसम्ममा चुक्ता पूँजी एक अर्ब रुपैंया पुर्याउने लक्ष्य कम्पनीको छ । बीमा समितिले जीवन बीमा कम्पनीको चुक्ता पूँजी दुई अर्ब तथा निर्जीवन बीमा कम्पनीको चुक्ता पूँजी एक अर्ब रुपैंया हुनु पर्ने व्यवस्था गरेको छ ।

अहिले कम्पनीमा नेपाल सरकार, नेपाल बैंक लिमिटेड र कर्मचारी सञ्चय कोषको गरी ८०.४६ प्रतिशत संस्थापक सेयर स्वामित्व छ । त्यसै गरी सर्वसाधारणसँग १९.५४ प्रतिशत रहेकोमा पनि सोको ७.२४ प्रतिशत सेयर संस्थापक समुहमा नै रहेको छ ।

राष्ट्रिय बीमा कम्पनीले गत आर्थिक बर्षको तेस्रो त्रैमाससम्ममा २६ करोड नाफा कमाएको छ । 

राष्ट्रिय बीमा संस्थान (RBS) र राष्ट्रिय बीमा कम्पनी (RBCL) फरक - फरक हुन ।

Source: merolagani, 10 Aug 2017
यो पनि पढ्ने कि !
Posted by at No comments:
Labels: , , , , , , , , ,

Tuesday, August 8, 2017

राष्ट्रिय बीमा कम्पनी (RBCL) अर्को दुई बर्षको साधारणसभा गर्ने तयारीमा, थप एक बर्षको बित्तीय बिवरण स्वीकृत !

राष्ट्रिय बीमा कम्पनी (Rastriya Beema Company Ltd., RBCL) ले बीमा समितिले तोकेको पूँजी पुर्याउन तीब्र दबाबमा रहेको थप दुई आर्थिक बर्षको बक्यौता साधारणसभा गर्ने तयारी थालेको छ । ११ बक्यौता आर्थिक वर्षहरुको साधारण सभा गर्न बाँकी रहेकोमा दुई आर्थिक बर्ष २०६३।०६४ र २०६४।०६५ को साधारणसभा गर्ने तयारी अगाडि बढाएको हो ।



केही समय अघि तीन आर्थिक वर्षको साधारण सभा गरेको बीमा कम्पनीले त्यस पछिका छ आर्थिक वर्षको लेखा परीक्षण स्वीकृतिका लागि बीमा समिति पठाएको छ ।

बीमा कम्पनीका प्रमुख कार्यकारी अधिकृत बीरबिक्रम रायमाझीका अनुसार आर्थिक वर्ष २०६३/०६४ को लेखापरीक्षण बीमा समितिबाट स्वीकृत भएको छ । मेरोलगानीसँगको कुराकानीमा प्रमुख कार्यकारी अधिकृत रायमाझीले भने, ‘आर्थिक वर्ष २०६३/०६४ को वित्तीय विबरण बीमा समितिबाट स्वीकृत भएको छ । साता भित्रमा अरु दुई आर्थिक वर्षको विबरण स्वीकृत हुने प्रकृयामा छन् ।’

उनका अनुसार कम्पनीले दुई आर्थिक वर्षको साधारण सभा आह्वान गर्ने तयारी हुँदैछ । ‘बक्यौता वर्षहरुको एकै पटक साधारण सभा गर्नु पर्ने व्यवस्था छ । तर प्रकृया मिलाउन हामीले यस पटक दुई आर्थिक वर्षको साधारण सभा गर्ने सोच बनाएका छौं । त्यस पछि क्रमिक रुपमा बाँकी वर्षको प्रकृया चलिरहन्छ - प्रमुख कार्यकारी अधिकृत रायमाझीले भने ।

बीमा समितिका निमित्त कार्यकारी निर्देशक श्रीमान कार्कीले बक्यौता साधारणसभाहरु छिटो गर्न समितिले राष्ट्रिय बीमालाई भन्दै आएको र अहिले थप एक आर्थिक बर्षको बित्तीय बिबरण स्वीकृत भएको जानकारी दिए । 

यस अघि सम्पन्न तीन आर्थिक वर्षको साधारण सभाले बक्यौता आर्थिक वर्षहरुको लेखापरीक्षण सकेर थप नयाँ साधारण सेयर (एफपीओ) निष्काशन गर्ने निर्णय गरेको थियो । सेयर स्वामित्व परिवर्तनका क्रममा संकलन हुने प्रिमियमबाट थप पूँजी बिस्तार गर्न विशेष साधारण सभा आह्वान गर्ने निर्णय उक्त साधारण सभाले गरेको थियो ।

कम्पनीले हाल कायम सेयर संरचनालाई संस्थापकतर्फ ७० तथा सर्वसाधारणतर्फ ३० प्रतिशत बनाउन एफपीओ जारी गर्न लागेको हो । एफपीओ निष्काशन पश्चात बोनस बितरणबाट २०७५ असार मसान्तसम्ममा चुक्ता पूँजी एक अर्ब रुपैंया पुर्याउने लक्ष्य कम्पनीले लिएको छ ।

अहिले कम्पनीको चुक्ता पूँजी २६ करोड ६६ लाख ३९ हजार रुपैंया छ । बीमा समितिले जीवन बीमा कम्पनीको चुक्ता पूँजी दुई अर्ब तथा निर्जीन बीमा कम्पनीको चुक्ता पूँजी एक अर्ब रुपैंया हुनु पर्ने व्यवस्था गरेको छ ।

अहिले कम्पनीमा नेपाल सरकार, नेपाल बैंक लिमिटेड र कर्मचारी सञ्चय कोषको गरी ८०.४६ प्रतिशत सेयर होल्डिङ छ ।

Source: merolagani, 25 Jul, 2017

राष्ट्रिय बीमा कम्पनीको आर्थिक बर्ष २०७२/७३ र २०७३/७४ को क्रमश: चौथो र तेश्रो त्रैमासिक बित्तिय प्रतिबेदन हेर्न निम्न लिंक्समा क्लिक गर्नुहोस् !

यो पनि पढ्ने कि !

के साँचै अब आउने नै भो त बीमामा हकप्रद र बोनस सेयरको बाढी ?

Posted by at No comments:
Labels: , , , , , , , , ,

Sunday, August 6, 2017

Do Investors Need to Apply Huge Amount on Upcoming IPO of Nepal Hydro & FPO of Pokhara Finance?

Recently, Securities Board of Nepal (SEBON) has implemented the Securities Issue and Allotment Guidelines, 2074 including several guidelines for IPO/FPO allotment, IPO listing, bonus share registration, right share issuance and commencement of trading after merger/acquisition.
ShareUpdateNepal

Under the new regulation, IPO/FPO should be allotted within minimum 30 days and listed within 2 months of the IPO closing date. Likewise, the Board has also made it mandatory for all applicants to be allotted a minimum of 10 units of shares—now replacing the existing provision to set aside 40% shares for retail investors and 60% shares for other investors under the securities allotment guidelines, 2068.




General Investors are confused regarding whether to apply huge amount like before or apply shares on low quantities for upcoming IPO and FPO of Nepal Hydro and Pokhara Finance respectively. Sharesansar tries to identify the answer for the investors based on new provisions and past IPO trend.

Let’s see, what are the provisions related to IPO allotment in newly implemented Securities Issue and Allotment Guidelines, 2074:




The guidelines clearly stated that all the IPO/FPO investors will be first allotted 10 units and then remaining units will be allotted to the investors demanding 20 units and more. Here, again 10 units will be allotted to such investors and if all the investors are unable to get minimum 10 units each then allotment will be based on lottery basis.

So based on above new guidelines from SEBON, now it will be useless to apply huge amount on upcoming IPO and FPO of Nepal Hydro and Pokhara Finance respectively like before.

Let's analyze past IPO/FPO number of applicants trend,







Based on the past IPO/FPO number of applicants’ trend, we can expect minimum 1 lakh applicants on any IPO/FPO.

Then what will be the strategy on the upcoming IPO of Nepal Hydro and FPO of Pokhara Finance.

Nepal Hydro Developers Limited (NHDL) – Initial Public Offerings (IPO):

Nepal Hydro Developers Limited is issuing 3,90,000 units to general public from 27th Shrawan, 2074. Out of 3,90,000 units, 27,300 units is set aside for mutual fund and staff which means just 3,62,700 units will be left for general public. As per the company announcement, investors can apply minimum 50 units and maximum upto 1000 units.



Here, 3,62,700 units are set aside for general public which means only 36,270 investors are eligible to get 10 units shares.

The minimum expected applicants will be 1 lakhs which means all investors won’t be able to get 10 units. In this case there will be lottery as per new guidelines.

Recommendation: Applying 10 units will be good enough but since the company has made mandatory to apply minimum 50 units. Investors are advised to apply just 50 units.

Pokhara Finance Limited (PFL) – Further Public Offering (FPO):

Pokhara Finance Limited is issuing 9,83,682 units to general public from 29th Shrawan, 2074 at Rs 220. As per the company announcement, investors can apply minimum 10 units and maximum upto 4900 units.





Here, 9,83,682 units are set aside for general public which means only 98,368 investors are eligible to get 10 units shares.

The minimum expected applicants will be 1 lakhs which means all investors will get 10 units or there can be meager chances of lottery. If number of applicants exceeds 1 lakh then there will be confirm lottery.

Recommendation: Investors are recommended to apply 10 or 20 units maximum.

Pros of New Guidelines:
  • Small investors are benefited since there is high chance to get minimum 10 units.
  • No need to apply huge amount on IPO/FPO like before. This means investors interest cost will be saved.
  • Before there was a trend of selling shares on NEPSE and applying for IPO/FPO. Now people will apply less means there won’t be selling pressure on NEPSE due to IPO/FPO. NEPSE is positively affected.
Cons of New Guidelines:
  • High chance of increase in fake applicants.
  • Share will be scattered means manipulators can easily manipulate price of the share by holding just few thousand shares. (Cornering is possible)
Source: ShareSansar, August 6, 2017
Posted by at 1 comment:
Labels: , , ,

Saturday, August 5, 2017

एभरेष्ट बैंक लि. (Everest Bank Ltd., EBL) को ३३% हकप्रद (RIGHT) शेयर सुरक्षित गर्ने अवसर भोलि आइतबार अन्तिम दिन, हेरिहाल्ने कि ? कहाँ, कति र कसरी भर्ने, बिस्तृत लिंक्स सहित !

एभरेष्ट बैंक लिमिटेड (Everest Bank Ltd., EBL) ले २०७४ साल असार १८ गते आइतबारदेखि निष्कासन तथा आवेदन खुल्ला गरेको ३३ प्रतिशत अर्थात ३३% हकप्रद (Right) सेयर अब भोलि आइतबार अन्तिम दिन सकिँदै छ । बैंकको तीन कित्ता साधारण सेयर बराबर नयाँ एक कित्ता साधारण सेयर (३:१) को अनुपातमा हुने एक अर्ब ५३ करोड ३१ लाख रुपैंया बराबरको एक सय रुपैयाँ अंकित दरका मूल्यमा एक करोड ५० लाख ८८ हजार ८७ कित्ता हकप्रद सेयर निष्काशन तथा बिक्रि वितरण गर्दै छ । बैंकको गत साल २०७३ पुस २३ गते बसेको वार्षिक साधारण सभाले ३३% हकप्रद जारी गर्ने प्रस्ताव पारित गरेको थियो ।

ShareUpdateNepal

यस हकप्रद प्रयोजनका लागि एभरेष्ट बैंकले गत मिति २०७४ साल असार ७ गते बुधबार सेयरधनी दर्ता पुस्तिका समेत बन्द गरिसकेको छ । यसको अर्थ असार ६ गते मंगलबारसम्म एभरेष्ट बैंकको सेयर किनेर कारोबार भई नेपाल स्टक एक्सचेन्ज लि.मा बैंकको सेयरमा आफ्नो नाममा नामसारी गरी स्वामित्व कायम गरेका साविक शेयरधनीहरुले मात्र हकप्रदका लागि आवेदन दिन पाउने छन् । यसरी बैंकको यस हकप्रद सेयरमा मिति २०७४ साल असार ६ गते मंगलबारसम्म सेयर किनीसकेका कायम सेयरधनीले मात्र आवेदन दिन सक्नेछन् । बैंकको यो हकप्रद सेयर आगामी साउन २२ गते आइतबारसम्म भरी सक्नु पर्ने छ ।


हाल तेस्रो त्रैमाससम्ममा एभरेष्ट बैंकको चुक्तापूँजी ४ अर्ब ६४ लाख २७ हजार रुपैयाँ रहेको छ । नेपाल राष्ट्र बैंकले तोकेको चुक्ता पुँजी पुर्याउन बैंकले ३३% हकप्रद सेयर बिक्री खुला गरेको हो । यो हकप्रद बिक्रीबाट बैंकको चुक्तापुँजी थप ३३% बृद्धि हुनेछ । यस हकप्रद सेयर निष्कासन बाँडफाँट गरे पश्चात बैंकको चुक्ता पूँजी ६ अर्ब ११ करोड ५२ लाख रुपैयाँ नाध्नेछ । बैंकले नेपाल राष्ट्र बैंकको निर्देशन अनुसार थप झन्डै करिब दुइ अर्ब रुपैंया पूँजी थप गर्नु पर्ने हुन्छ । यसरी राष्टबैंकले तोकेको ८ अर्ब चुक्ता पुँजी समयमै पुर्याउन यो बैंकलाई निकै ठूलो सकस हुने देखिन्छ । यही कारण एभरेष्टले मर्जर वा एक्वीजिसनको ढोका पनि खुल्लै राखेको छ । केही दिन अगाडि मात्रै बैंकले विशेष साधारणसभा मार्फत मर्ज तथा एक्विजिसनमा जाने प्रस्ताव पारित गरेको छ । लक्ष्मी बैंकसँग मर्जको प्रयास भइरहे पनि त्यसको सार्थकता पाउन सकिरहेको छैन । बैंकले हाल कम्पनीको ७० प्रतिशत संस्थापक सेयर रहेकोमा त्यसको १९ प्रतिशतलाई साधारणमा परिवर्तन गरी संस्थापकको ५१ र सर्बसाधारणको ४९ प्रतिशत हिस्सा कायम गर्ने प्रस्ताब पनि पारित गरेको छ । बैंकको सेयर असार १४ गते यो साता बुधबार नेप्सेमा प्रतिकित्ता १३९२ रुपैयाँसम्मको हाराहारीमा बढेर पछि १३६५ रुपैयाँमा अन्तिम कारोबार भई बन्द भएको थियो ।

एभरेष्ट बैंकले चालु अर्थिक वर्षको तेस्रो त्रैमाससम्म आइपुग्दा एक अर्ब ५२ करोड ५८ लाख ८२ हजार रुपैयाँ खुद नाफा कमाएको छ । एभरेष्टको प्रतिसेयर आम्दानी ४४ रुपैयाँ ९५ पैसा र प्रतिसेयर नेटवर्थ २२० रुपैयाँ चार पैसा छ ।

बैंकको यस हकप्रद सेयर निष्काशन तथा बिक्री प्रबन्धकको काम एनआइबिएल क्यापिटल लिमिटेडले गर्दै छ । बैंकको हकप्रद सेयर एनआईबिएल क्यापिटल मार्केट्स लिमिटेड, लाजिम्पाट, काठमाडौंका साथै एभरेष्ट बैंकको केन्द्रीय कार्यालय लाजिम्पाट, काठमाडौं तथा बैंकका सम्पूर्ण शाखा कार्यालयहरुबाट पनि लगानीकर्ताले आबेदन फारम प्राप्त गरि भर्न सक्नेछन् ।

एभरेष्ट बैंक र लक्ष्मी बैंकबीच मर्जरको आन्तरिक प्रक्रिया चलिरहेको बताउने गरिए पनि यो सम्बन्धमा आधिकारिक जानकारी बाहिर आइसकेको छैन । एभरेष्ट बैंकले १००:३५ को सेयर स्वाप अनुपातमा लक्ष्मी बैंकलाई खरीद गर्न लागेको हल्ला अझै कम भएको छैन । 

यदि लक्ष्मी बैंकलाई खरीद गर्ने प्रक्रिया सफल भएन भने यो बैंकले करिब २ अर्ब बराबरको बोनस सेयर वितरण गरेर तोकिएको चुक्तापूँजी ८ अर्ब पुर्याउने बताइएको छ ।

एभरेष्ट बैंकको यस हकप्रद सेयर बारे बिष्तृत सूचना, जांच र फाराम डाउनलोड गर्न निम्न लिंक्समा क्लिक गर्नुहोला !
साथै यस बैंकको सेयर भएका लगानीकर्ताहरुले एक पटक हेरी हाल्ने कि ? बैंकको आर्थिक बर्ष २०७३/७४ को तेश्रो त्रैमासिक बित्तिय प्रतिबेदन, बैंक विश्लेषण र सेयरधनी दर्ता पुस्तिका बन्द सूचना हेर्न निम्न लिंक्समा क्लिक गर्नुहोस् !
Posted by at No comments:
Labels: , , , , , , , , , , , , , , , , , ,

लौ हेरौं नबील बैंकको प्रगति - तीन अर्ब ६२ करोड आठ लाख रुपैयाँ खुद मुनाफा २८ प्रतिशतले वृद्धि, लाभांश क्षमता ४७ प्रतिशत !


नबील बैंक लिमिटेड (Nabil Bank Ltd., NABIL) ले आर्थिक वर्ष २०७३/७४ को चौथो त्रैमासमा तीन अर्ब ६२ करोड आठ लाख रुपैयाँ खुद मुनाफा कमाउन सफल भएको छ । गत आर्थिक बर्ष २०७२/७३ को तुलनामा यो २८ दशमलव ४२ प्रतिशतले वृद्धि गरेको हो । बैंकले अघिल्लो आ. व. को अन्त्यसम्ममा दुइ अर्ब ८१ करोड ९३ लाख रुपैयाँ कमाएको थियो । बैंक ठूलो भएमा उसले गर्ने प्रगतिको दर झन् धेरै बढ्दै जान्छ भन्ने कुराको उदाहरण नबिल बैंकले देखाएको छ । गत आर्थिक बर्षको प्रगति बिबरण पस्कदा नबिलले समकालीन बाणिज्य बैंकहरुलाई उछिन्दै सबैभन्दा अगाडि रहने संभावना देखाएको हो । ११ महिनासम्ममा अन्य कुनै पनि बैंकले तीन अर्ब नाफा कमाउन नसकेकाले नबिल नै सर्वाधिक कमाउने बैंक बन्ने निश्चितप्रायः भएको छ ।

ShareUpdateNepal

बैंकले गत आर्थिक बर्षमा खुद ब्याज आम्दानी पाँच अर्ब ४५ करोड रुपैयाँ गरेको छ भने अघिल्लो बर्षमा बैंकको यस्तो आम्दानी ४ अर्ब ३२ करोड रुपैयाँ थियो । बैंकले जगेडा कोषमा करिब तीन अर्ब थपेर नौ अर्ब तीन करोड तीन लाख रुपैयाँ कायम गरेको छ । नबिल बैंकको रिजर्भमा नौ अर्ब १० करोड रुपैयाँ रहेको छ । अघिल्लो आ. व. को अन्त्यसम्ममा सो मात्रा छ अर्ब १३ करोड रहेको थियो । निक्षेप संकलनमा नविल बैंक खर्बपति क्लबमा उक्लिन सफल भएको छ । वित्तिय क्षेत्रमा निक्षेप वृद्धि हुन नसकि रहेको बेला नविलले एक बर्षमा १२ अर्ब रुपैयाँ निक्षेप बढाएको छ । बैंकसँग १७ अर्ब ४७ करोड रुपैयाँ विदेशी मुद्रा निक्षेप समेत रहेको छ। यो अवधिमा नबील बैंकले निक्षेपमा अघिल्लो वर्षको तुलनामा सात दशमलव २७ प्रतिशतले वृद्धि गरी एक खर्ब १८ अर्ब ८९ करोड ६१ लाख रुपैयाँ संकलन गरेको छ । जसबाट बैंकले कर्जामा ९१ अर्ब ४९ लाख रुपैयाँ ऋण लगानी गरेकोे छ जुन अघिल्लो वर्षको तुलनामा १८ दशमलव १८ प्रतिशतले वृद्धि गरेको हो । यसरी एक बर्षमा १४ अर्ब रुपैयाँले बैंकको कर्जा लगानी बढेको हो । बैंकले कर्जा लगानी गरी खुद व्याज आम्दानी २६ दशमलव २१ प्रतिशतले बढेर पाँच अर्ब ४५ करोड ९५ लाख रुपैयाँ पुगेको छ ।

नबिलले जोखिम ब्यवस्थापनका सबै उपाय अबलम्बन गरी निक्षेप संकलन र कर्जा बिस्तार गरेर खुद नाफा कमाईमा उल्लेखनीय बढोत्तरी गरेको छ । अरु बाणिज्य बैंकहरुले तछाड मछाड गर्दै निक्षेप र कर्जाको ब्याज बढाएर कोषको लागत धान्नै नसक्ने अबस्थामा पुर्याएपनि नबिल भने आफ्नै सुरमा रह्यो । उसको कोषको लागत ‘कष्ट अफ फण्ड’ दुइ दशमलव ७० प्रतिशत मात्र रहँदा अघिल्लो आर्थिक बर्षको तुलनामा शुन्य दशमलव ६२ प्रतिशत बिन्दुले बढेको हो । तथापी अरु बैंकको तुलनामा नविलको कष्ट अफ फण्ड अझै पनि न्यून छ । नबिलले आठ अर्ब छ करोड ब्याज आम्दानी गरेकोमा दुई अर्ब ६० करोड मात्र ब्याज खर्च गर्नुपर्यो । त्यसैगरी बैंकको सञ्चालन मुनाफा २५ दशमलव ७८ प्रतिशतले वृद्धि गरी पाँच अर्ब ४६ करोड ४५ लाख रुपैयाँ पुगेको छ । बैंकले प्रोभिजनमा एक करोड ९३ लाख रुपैयाँ राखिएको छ भने चार करोड २९ लाख रुपैयाँ खराब कर्जा उठाउन सफल भएको छ ।

बैंकको पूँजी कोष अनुपात समेत फराकिलो बनेको छ । जुन अघिल्लो बर्ष ११ दशमलव ७३ प्रतिशत रहेको पूँजी कोष अनुपात एक दशमलव ६१ प्रतिशतले बढेर १३ दशमलव ३४ प्रतिशत रहेको छ भने निष्कृय कर्जातर्फ शुन्य दशमलव ३५ प्रतिशतले घटेर एक दशमलव १४ प्रतिशत रहेको छ । बैंकले निस्क्रिय कर्जालाई घटाएर शुन्य दशमलव ७९ प्रतिशतमा झारेको छ भने बैंकको लागत खर्च दुइ दशमलव आठ प्रतिशत रहेकोमा त्यो बढेर यो वर्ष दुइ दशमलव ७० प्रतिशत पुुगेको छ । यद्यपी बैंकको प्रति सेयर आम्दानी केही घटेको छ । बैंकको यो बर्षको प्रति शेयर आम्दानी वार्षिक ५८ दशमलव ५४ रुपैयाँ छ भने प्रति शेयर नेटवर्थ दुइ सय ४६ रुपैयाँ, तरलत अनुपात २५ दशमलव ८४ प्रतिशत र मूल्य आम्दानीेको अनुपात २६ दशमलव शुन्य दुइ गुणा कायम भएको छ ।

नविल बैंकको चुक्ता पूँजी हाल छ अर्ब १८ करोड ५५ लाख रुपैयाँ छ। गत बर्षको नाफाबाट बैंकले वोनस शेयर जारी गरि बैंकले पूँजी आठ अर्ब रुपैयाँ पुर्याउनेछ । बैंकले कम्तीमा एक अर्ब ८२ करोड रुपैयाँको बोनस शेयर प्रदान गर्नुपर्ने हुन्छ, जुन करिब ३० प्रतिशत हुन आउँछ । करिब ६० प्रतिशत प्रतिशेयर आम्दानी गरेको सो बैंकले सोपछि पनि ३० प्रतिशतसम्म नगद लाभांश दिन सक्ने क्षमता राख्दछ । यसरी हालको चुक्ता पुँजी र मुनाफाको आधारमा बैंकले शेयरधनीहरुलाई अझ ४७ प्रतिशतसम्म पनि लाभांश दिन सक्ने देखिन्छ । बैंकको रिजर्भमा पनि प्रशस्त रकम रहेकाले लगानकिर्ताहरुले उल्लेख्य लाभ पाउन सक्ने सम्भावना प्रशस्तै छ । अन्य ठुला बैंकहरुको प्रतिशेयर आम्दानीमा भारी गिरावट आएको भए पनि नबिलले भने आफ्नो शाख उच्च बनाएको हो ।


नविल बैंकको आर्थिक बर्ष २०७२/७३ र २०७३/७४ को चौथो त्रैमासिक बित्तिय प्रतिबेदन हेर्न निम्न लिंक्समा क्लिक गर्नुहोस् !




२०७४ साउन २१ शनिबार , सेयरअपडेटनेपाल
यो पनि पढ्ने कि !

Nabil Bank posts tremendous growth in Q4; Reserve surges by 47.48% to Rs 9.03 arba, EPS at Rs 58.54 -sharesansar
नबिलले गर्यो यस्तो प्रगति, नाफा साढे ३ अर्ब माथि ! -arthasarokar
तीन अर्ब ६२ करोड खुद नाफा कमाउने नबिल बैंक सबैभन्दा अगाडि हुने संभावना -merolagani
नबिल बैंकको मुनाफा २८ प्रतिशतले वृद्धि, लाभांश क्षमता ४७ प्रतिशत -aarthiknews
नविल बैंकले कमायो सुपर नाफा, खुद आर्जन तीन अर्ब ६२ करोड, ४५% सम्म लाभांश दिन सक्ने -bizmandu
नबिल बैंकको नाफा ३६२ करोड, शेयरधनीलाई लाभैलाभ, सर्वाधिक कमाउने बैंकमा बोनसको यस्तो सम्भावना -nigarani


नबिल बैङ्क लिमिटेड : कम्पनी विश्लेषण -dhitopatra
३ अर्ब ६२ करोड कमाउन सफल नबिल बैंक -investonepal
Nabil Bank profit surges by 34.67% in Q4; reserve increased to Rs 7.59 arba -sharesansar
Posted by at No comments:
Labels: , , , , , , , ,
Subscribe to: Posts (Atom)

AddToAny