गरिमा बिकास बैंक लि. (Garima Bikas Bank Ltd., GBBL) ले २०७४ साल बैशाख १४ गते बिहीबार देखि सत्तरी प्रतिशत अर्थात ७०% हकप्रद (Right) सेयर निष्कासन खुला गरी सकेको छ । बैंकको १० कित्ता साधारण सेयर बराबर नयाँ ७ कित्ता साधारण सेयर (१०ः७) को अनुपातमा १०० रुपैयाँ अंकित दरका ९० करोड ७६ लाख २९ हजार ६ सय ६६ रुपैयाँ बराबरको ९० लाख ७६ हजार २ सय ९६ दशमलब ६६ कित्ता हकप्रद सेयर मिति २०७३ साल चैत्र २९ गतेसम्म नेपाल स्टक एक्सचेन्ज लि. मा कारोबार भई कायम साविक शेयरधनीहरुको लागि बिक्री खुला गरिसकेको छ । यसरी बैंकको यस हकप्रद सेयरमा २०७३ साल चैत्र २९ गतेसम्म कायम रहेका सेयरधनीले मात्र आवेदन दिन सक्नेछन् । गरिमा बिकास बैंकको यो हकप्रद सेयर जेष्ठ १७ गतेसम्म भरी सक्नु पर्ने छ । राष्ट्र बैंकले तोकेको चुक्ता पुँजी पुर्याउन बैंकले ७०% हकप्रद सेयर बिक्री खुला गरेको हो । यो हकप्रद बिक्रीबाट बैंकको चुक्तापुँजी थप ७०% बृद्धि हुनेछ । बैंकले केही समयअघि मात्र बागमती डेभलपमेन्ट बैंकलाई गाभेर एकीकृत कारोबार पनि सुरु गरिसकेको छ । यस हकप्रद सेयर निष्कासन बाँडफाँट गरे पश्चात बैंकको चुक्ता पूँजी २ अर्ब २० करोड रुपैयाँपुग्ने अनुमान छ ।
हकप्रदका सेयरका लागि बैकले मिति २०७३ साल चैत्र ३० गतेदेखि सेयरधनी दर्ता किताब बन्द गरी सकेको छ । एस क्यापिटल लिमिटेड, लाल दरबार, काठमान्डू र एस डेभलपमेन्ट बैंक, गरिमा बिकास बैंक, महालक्ष्मी बिकास बैंक र एक्सेल डेभलपमेन्ट बैंकका सम्पूर्ण शाखा कार्यालयबाट आबेदन फारम प्राप्त गरि हकप्रद भर्न सक्ने छन।
गरिमाको यस हकप्रद तथा निष्कासन बिक्री प्रबन्धक एस क्यापिटल लिमिटेड रहेको छ । हाल गरिमाको चुक्ता १ अर्ब २९ करोड रुपैयाँ रहेको छ । चालु आर्थिक वर्षको तेस्रो त्रैमासमा गरिमाले झन्डै दुइ गुणाले बढोत्तरी गरि बिगतदेखिको 'गरिमा' लाई यथावत राखेको छ । गत आर्थिक बर्षको यस अवधिमा १४ करोड ६६ लाख कमाई गरेको बैंकले यस अवधिमा २४ करोड ८५ लाख खुद मुनाफा आर्जन गरेको छ।
यस अवधिमा बैंकको प्रति सेयर आम्दानि २५ रुपैयाँ ५६ पैसा, मूल्य आम्दानीको अनुपात १३ दशमलब ७३ गुणा, कर्जा निक्षेप अनुपात ७६ दशमलब ७६ दशमलब ०२ प्रतिशत, प्रति सेयर नेटवर्थ १३६ रुपैयाँ १७ पैसा, पुंजीकोष लागत १७ दशमलब १८ प्रतिशत, तरलता अनुपात २२ दशमलब ३६ प्रतिशत रहेको छ ।
हकप्रद सेयर निष्कासन सम्बन्धी व्यवस्था तथा विवरणहरु कसरी थाहा पाउने ?
बैंकको हकप्रदको हकप्रद सेयर निष्कासन सम्बन्धी व्यवस्था तथा विवरणहरु थाहा पाउन यस लिंक्समा क्लिक गर्नुहोस् ।हकप्रद सेयरको निष्कासन तथा बिक्री खुल्ला बारेको सूचना थाहा पाउन यस लिंक्समा क्लिक गर्नुहोस् । हकप्रद सेयर निष्कासन सम्बन्धी सूचना थाहा पाउन यस लिंक्समा क्लिक गर्नुहोस् ।
बैंकको हकप्रद सेयर मिति २०७३ साल चैत्र २९ गतेसम्म नेपाल स्टक एक्सचेन्ज लि. मा कारोबार भई कायम साविक शेयरधनीहरुले मात्र आवेदन दिन सक्नेछन् ।
कहिलेदेखि कहिलेसम्म आवेदन भरी सक्नु पर्ने ?
२०७४ साल बैशाख १४ गते बिहीबार देखि जेष्ठ १७ गते बुधबारसम्म मात्र।
७०% हकप्रद कति सम्म भर्ने कसरी थाहा पाउने ?
बैंकको कति हकप्रद भर्नु पर्ने विवरण जाँच गर्न मिल्ने लिंक्स क्लिक भने हाल उपलब्ध छैन। बरु सत्तरी प्रतिशत अर्थात ७०% हकप्रद सेयर निष्कासन भन्नाले बैंकको १० कित्ता साधारण सेयर बराबर नयाँ ७ कित्ता साधारण सेयर (१०ः७) को अनुपात बुझिन्छ र गरिमा बिकास बैंक वा गरिमाको यस हकप्रद तथा निष्कासन बिक्री प्रबन्धक एस क्यापिटल लिमिटेडमा सोझै सम्पर्क गरी थाहा पाउन सकिन्छ ।
हकप्रद सेयर खरिद दरखास्त फाराम कहाँ बाट कसरी प्राप्त गर्ने ?
हकप्रद सेयर खरिद दरखास्त फाराम डाउनलोड गर्न यस लिंक्समा क्लिक गर्नुहोस् ।
कहाँ कुन ठाउँबाट आवेदन दिने ?
एस क्यापिटल लिमिटेड, लाल दरबार, काठमान्डू र एस डेभलपमेन्ट बैंक, गरिमा बिकास बैंक, महालक्ष्मी बिकास बैंक र एक्सेल डेभलपमेन्ट बैंकका सम्पूर्ण शाखा कार्यालयबाट आबेदन फारम प्राप्त गरि हकप्रद भर्न सक्ने छन।
No comments:
Post a Comment