सनराइज बैंक लिमिटेड (Sunrise Bank Ltd., SRBL) ले २०७४ साल जेठ १६ गते मंगलबारदेखि तीस प्रतिशत अर्थात ३०% हकप्रद (Right) सेयर निष्कासन तथा आवेदन खुल्ला गरेको छ । बैंकको १० कित्ता साधारण सेयर बराबर नयाँ ३ कित्ता साधारण सेयर (१०ः३) को अनुपातमा १०० रुपैयाँ अंकित दरका १ करोड ६३ लाख ५९ हजार ६ सय ३६ कित्ता हकप्रद सेयर मिति २०७४ साल बैशाख २८ गते विहीबारसम्म नेपाल स्टक एक्सचेन्ज लि. मा कारोबार भई बैंकको सेयरमा स्वामित्व कायम गरेका साविक शेयरधनीहरुको लागि बिक्री खुला गरिसकेको छ । यसरी बैंकको यस हकप्रद सेयरमा २०७४ साल बैशाख २८ गते विहीबारसम्म कायम रहेका सेयरधनीले मात्र आवेदन दिन सक्नेछन् । सनराइज बैंकको यो हकप्रद सेयर असार १९ गते सम्म भरी सक्नु पर्ने छ ।
हाल बैंकको चुक्ता पूँजी ५ अर्ब ४५ करोड ३२ लाख रुपैंया रहेको छ । राष्ट्र बैंकले तोकेको चुक्ता पुँजी पुर्याउन बैंकले ३०% हकप्रद सेयर बिक्री खुला गरेको हो । यो हकप्रद बिक्रीबाट बैंकको चुक्तापुँजी थप ३०% बृद्धि हुनेछ । यस हकप्रद सेयर निष्कासन बाँडफाँट गरे पश्चात बैंकको चुक्ता पूँजी ७ अर्ब ९ करोड रुपैंया नाघ्ने अनुमान छ । राष्ट्र बैंकले तोकेको ८ अर्ब पुर्याउन बैंकले चालु आर्थिक बर्षको नाफाबाट ९० करोड बढी रकम बराबरको बोनस सेयर बितरण गर्नु पर्ने देखिन्छ । बैंकको सेयर आईतबार नेप्सेमा प्रतिकित्ता ४०० रुपैयाँमा कारोबार भएको छ ।
यो हकप्रदका सेयरका लागि बैकले मिति २०७४ साल बैशाख २९ गते गतेदेखि सेयरधनी दर्ता किताब बन्द गरी सकेको छ । यस हकप्रद शेयर विक्रीका लागि प्रभु क्यापिटल लिमिटेडलाई बिक्री प्रबन्धक तोकेको छ । बैंकको हकप्रद शेयर प्रभु क्यापिटल लिमिटेड कमलादी काठमाडौंबाट आवेदन दिन सकिनेछ । त्यसैगरी सनराइज बैंकको मुख्य कार्यालय सनराइज प्लाजा, गैह्रीधारा क्रसिङ्ग काठमाडौं तथा सनराईज बैंकको सम्पुर्ण शाखा कार्यालयहरुबाट आबेदन फारम प्राप्त गरि भर्न सक्नेछन् ।
सनराईज बैंकले चालु आर्थिक वर्षको तेस्रो त्रैमासमा गत बर्षको यसै अवधिको तुलनामा ४८ प्रतिशत बढी ८६ करोड ५२ लाख रुपैयाँ खुद नाफा कमाएको छ । सनराइजको प्रतिसेयर आम्दानी २० रुपैयाँ ९८ पैसा र प्रतिसेयर नटवर्थ १३६ रुपैयाँ ८३ पैसा रहेको छ ।
हकप्रद सेयर निष्कासन सम्बन्धी व्यवस्था तथा विवरणहरु कसरी थाहा पाउने ?
बैंकको हकप्रदको हकप्रद सेयर निष्कासन सम्बन्धी व्यवस्था तथा विवरणहरु थाहा पाउन यस लिंक्समा क्लिक गर्नुहोस् ।हकप्रद सेयरको निष्कासन तथा बिक्री खुल्ला बारेको सूचना थाहा पाउन यस लिंक्समा क्लिक गर्नुहोस् । हकप्रद सेयर निष्कासन सम्बन्धी सूचना थाहा पाउन यस लिंक्समा क्लिक गर्नुहोस् ।
को कसले हकप्रद किन्न पाउँछ ?
बैंकको हकप्रद सेयर मिति २०७४ साल बैशाख २८ गते विहीबारसम्म नेपाल स्टक एक्सचेन्ज लि. मा कारोबार भई कायम साविक शेयरधनीहरुले मात्र आवेदन दिन सक्नेछन् ।
कहिलेदेखि कहिलेसम्म आवेदन भरी सक्नु पर्ने ?
२०७४ साल जेठ १६ गते मंगलबारदेखि असार १९ गते सोमबारसम्म।
३०% हकप्रद कति सम्म भर्ने कसरी थाहा पाउने ?
बैंकको कति हकप्रद भर्नु पर्ने विवरण जाँच गर्न यस लिंक्स (?) मा क्लिक गर्नुहोस् । अन्यथा तीस प्रतिशत अर्थात ३०% हकप्रद सेयर निष्कासन भन्नाले बैंकको १० कित्ता साधारण सेयर बराबर नयाँ ३ कित्ता साधारण सेयर (१०ः३) को अनुपात बुझिन्छ र सनराइज बैंक वा सनराइजको यस हकप्रद तथा निष्कासन बिक्री प्रबन्धक प्रभु क्यापिटल लिमिटेडमा सोझै सम्पर्क गरी थाहा पाउन सकिन्छ ।
हकप्रद सेयर खरिद दरखास्त फाराम कहाँ बाट कसरी प्राप्त गर्ने ?
हकप्रद सेयर खरिद दरखास्त फाराम डाउनलोड गर्न यस लिंक्समा क्लिक गर्नुहोस् ।
कहाँ कुन ठाउँबाट आवेदन दिने ?
प्रभु क्यापिटल लिमिटेड कमलादी काठमाडौं तथा सनराइज बैंकको मुख्य कार्यालय सनराइज प्लाजा, गैह्रीधारा क्रसिङ्ग काठमाडौं एबं सनराईज बैंकको सम्पुर्ण शाखा कार्यालयहरु
No comments:
Post a Comment