काठमाडौं, असोज १४। तीन महिनाअघि एक नयाँ लघुवित्त कम्पनी सञ्चालनमा आएसँगै लघुवित्त कम्पनीहरुको संख्या ४२ पुगेको छ । यसमध्ये अझै पनि १० कम्पनीले सर्वसाधारणमा शेयर जारी गरिसकेका छैनन् ।
पहिले बैंक तथा वित्तीय संस्था सञ्चालनमा आएको २ वर्षमा सर्वसाधारणमा शेयर जारी गर्नुपर्ने नियम थियो । तर, राष्ट्र बैंकले केही वर्षअघि यो नियम परिमार्जन गर्दै यो अवधि ३ वर्ष तोकेको छ । कतिपय गैर सरकारी संस्थाको रुपमा काम गरिरहेका संस्थाहरु पनि लघुवित्तमा परिणत भएका छन् । यस्तो परिवर्तनको मितीकै आधारमा शेयर निष्कासनको अवधि यी संस्थाहरुले पनि प्राप्त गर्छन् । यसले पनि सञ्चालनमा आएका कतिपय संस्थाले शेयर निष्काशनको लागि पर्याप्त समय पाएका छन् ।
