असोज १३, काठमाडौं । साताको अन्तिम दिन नेप्सेमा केही सुधार देखिएको छ । बैङ्किङ, होटल र उत्पादन तथा प्रशोधन समूहको परिसूचक बढेपछि समग्र नेप्से परिसूचक बढ्नमा टेवा पुगेको हो । कारोबार र परिसूचक बढेपनि शेयर सङ्ख्या भने अघिल्लो दिनको तुलनामा यस दिन करीब १७ प्रतिशतले घटेको छ ।
यस दिन अधिकांश वाणिज्य बैङ्कहरुको मूल्य भने बढेको छ । न्यून विन्दु १ हजार ७ सय ४४ विन्दुमा झरेको बजार तीन घण्टाको व्यापारमा परिसूचक बढेर १ हजार ७ सय ५८ विन्दुमा पुगेको थियो । दिनभरिको काराबारमा परिसूचक ४ दशमलव २८ अङ्कले बढेर १ हजार ७ सय ५३ दशमलव ३८ विन्दुमा पुगेर बन्द भएको हो । नेप्सेमा कारोबार रकम रू. ८ करोड १२ लाख पुगेको छ भने कुल बजार पूँजीकरण रू. १९ खर्ब ४० अर्ब पुगेको छ ।
Source: nepalipaisa
No comments:
Post a Comment