विचार/विश्‍लेषण: बैंकको ब्याज !

एक मित्रले एउटा बैंकबाट घर बनाउन ऋण लियो । १० प्रतिशत ब्याजमा लिएको ऋण केही वर्षअघि बढाएको बढायै गरेर १६ प्रतिशत पुग्यो । बीचमा यस्तो अवस्था आयो, बैंकहरूले ब्याज घटाउन थाले । नयाँ ऋणीले ६ प्रतिशतसम्ममा पाउन थाले । उसको १६ प्रतिशत घटेन । ऋणीलाई एक शब्द नसोधी आफूखुसी ब्याज बढाउने बैंकले आफैं घटाउने त कुरै थिएन, आग्रह गर्दा बल्ल १३ मा झार्‍यो । त्यसबाट तल झार्न टसको मस भएन । उसले अर्को बैंकमा ऋण सार्न चाह्यो । त्यहाँ साढे ७ प्रतिशतमा पायो । जग्गाको पुन: मूल्यांकन, सेवा शुल्कसहित जोड्दा ५० हजारभन्दा बढी अतिरिक्त खर्च गरेर ऋण सार्‍यो । एक वर्ष नभई उसले पनि बढाउन थाल्यो । ११ प्रतिशत पुर्‍याइसकेको छ ।

फेरि अर्कामा सारौ भने सबैले मिलेर ब्याज बढाएका छन् । केही समयपछि ब्याज घटाउने लहर चल्यो भने उसको घट्दैन । बरु अर्कामा सार्न ‘अफर’ आउँछ । त्यति बेला हजारौं सेवा शुल्क र प्रशासनिक खर्च लाग्छ । यसरी ब्याजलाई वल्टाइपल्टाइ गर्ने ‘लंगुरबुर्जा’ खेलाउने आकर्षक कार्यालय भएका निकायलाई हामी बैंक भनिरहेका छौं । तिनले ब्याजको यस्तो खेल खेलाउँछन् जसमा आफू कहिल्यै हार्दैनन् । कसैलाई घरिघरि जिताएजस्तो गराएर धेरैलाई लोभ्याउँछन्, खेल्नेलाई जहिल्यै हराइदिन्छन् । अनि, वर्ष–वर्षमा फलाना बैंकको यति अर्ब नाफा, उति अर्ब नाफा भनेर तथ्यांक सार्वजनिक गर्छन् । त्यसो गर्दा मैले कति ऋणीलाई रुवाएँ, अनधिकृत पैसा कति उठाएँ भनेर कहिल्यै खुलाउँदैनन् ।

अहिले सर्वसाधारण त्यसरी नै रोइरहेका छन् । बैंकले आफूखुसी बढाएको ब्याज चुपचाप तिर्न बाध्य छन् । कुनै व्यवसाय गर्नेले पहिला योजना बनाउनुपर्छ, बजेटिङसहित । त्यही आधारमा ऋण लिएका हुन्छन् । ब्याज यति तिर्नेछु भनेर खाका बनाएका हुन्छन् । बैंक पनि बैंक पद्धतिबाट चल्नुपर्छ, योजना हुनुपर्छ । बैंकलाई अनुमति दिंदै उसका कार्ययोजना हेरिनुपर्छ । त्यसमा कर्जा र बचतको ब्याज, त्यसको प्रतिफल, सम्भावित लगानी र बचतका क्षेत्र, त्यसको स्थिरतालगायत केलाउनुपर्छ । ब्याज घटाउने र बढाउने गर्न पाइने छैन भन्ने कडा सर्त राखिनुपर्छ । तर, नाफा घट्नुलाई बैंकहरू घाटा भन्छन् । कहिले घटी, कहिले बढी नाफा अवश्य हुन्छ । त्यसमा आत्तिएर सर्वसाधारणमाथि भारी बोकाउँछन् । बैंक कुन त्यस्तो सर्वाधिकारसम्पन्न व्यवसाय हो, जसलाई लापरबाही गरेर चलाउँदा पनि नाफा नै हुन छुट मिलोस् ? त्यसमा राष्ट्र बैंकले अंकुश लगाइदिनुपर्छ । 

बजारमा आर्थिक हलचल हुनासाथ हल्लिनु बैंकको आफ्नो कमजोरी हो । आफ्नो गल्तीको सजाय ऋणीलाई दिनु हुँदैन । तिर्न सक्ने हैसियत वा स्रोत छ/छैन हेरेर, तौलिएर बैंकले ऋण प्रवाह गरेका हुन्छन् । उसलाई ब्याज बढाएर त्यसभन्दा बढ्ता भार बोकाउँदा तिर्न सक्दैन भन्ने सर्वसिद्ध विषय हो । त्यो ऋण डुब्ने जोखिम हुन्छ । त्यसैले बेला–बेला ब्याज बढाउने बतासे काममा बैंक लाग्नुहुँदैन । बजारमा उपभोग्य वस्तुको मूल्य बढ्छ, सर्वसाधारणले तिर्नुपर्ने । बैंकको ब्याज बढ्छ, सर्वसाधारणले तिर्नुपर्ने । तिनको कमाइँचाहिँ कहिल्यै नबढ्ने । कहाँबाट सक्छन् धान्न ? राष्ट्र बैंकले त्यस्ता ऋणीलाई किन कहिल्यै हेर्दैन ? 

अर्कातिर संस्था बचाउने नाममा सर्वसाधारण मार्ने नीति नियम अन्त्य गरिनुपर्छ । ‘आवश्यक परे बैंकले स्वविवेकले ब्याज घटबढ गर्न सक्नेछ’ भने ऋण लिंदा कागजमा सर्त घुसाउन बन्द गरिनुपर्छ । जसरी सर्तअनुसार नतिर्दा ऋणीको धितो लिलाम हुन्छ, बैंकले सर्त उल्लंघन गर्दा उसको के लिलाम गर्ने ? ऋणी टाट पल्टिँदा बैंकले जायजेथाबाट उठाउन मिल्ने, बैंक टाट पल्टिन थाल्यो भने चाहिँ ऋणीले नै जायजेथा बेचेर बढी ब्याज तिरी नाफा दिलाइदिनुपर्ने ? बैंकलाई यस्तो जथाभावी गर्ने असीमित अधिकार कसले दियो ? किन त्यसमा कोही बोल्दैन ? 

सत प्रतिशतसम्म लगानी, ६ प्रतिशतभन्दा तल ब्याजमा सवारी साधन किन्न बैंकले माछा पसलमा जस्तो ग्राहक बोलाउँदा राष्ट्र बैंक टोलाएर बस्यो । त्यसरी पैसा सकेपछि लगानीयोग्य पुँजी कहाँबाट रहन्छ ? गत वर्ष ब्याज घटाउने होडबाजी चल्यो, यति बेला बढाउने । त्यो पनि बैंकलाई फाइदै फाइदा दिलाउने नाममा । बैंक डुब्न लागे भने जोगाउने काम राज्यको हो, सर्वसाधारणको होइन । 

बकम्फुसे ‘अफर’ ल्याएर ह्वार्र पैसा बटुल्ने, जथाभावी छर्ने, अनि पैसा छैन भनेर फेरि ऋणको ब्याज बढाउने– कहाँसम्मको अत्याचार हो ? सस्तो ब्याजमा दिन्छु भन्दै एउटा बैंकको ऋणीलाई अर्को बैंकमा तान्ने, अनि केही समयमा ह्वात्तै ब्वाज बढाएर ढाडमा बञ्चरोले हान्ने– कहाँसम्मको नीचता हो ? खोज्दै जानुभयो भने बैंकहरूको कार्टेलिङले उपभोक्ता सताइएका छन् । कर्जाको ब्याज बढाउँदा सबै मिल्छन् । विस्तारै केही खुकुलो देखिन्छन् । एउटाको ग्राहक अर्काले तान्छन् । सेवा शुल्कका नाममा उसबाट असुल्नु असुल्छन् । फेरि ब्याज बढाएर थला पार्छन् । राज्य टुलुटुलु हेर्छ । बैंक बदल्ने ऋणी कति छन्, के आश्वासनमा बदले, उता गएर कसरी फसे भन्ने राष्ट्र बैंकले कहिल्यै अध्ययन गरेको छ ? 

त्यसैले अब ऋणीले पनि अधिकारका लागि बोल्नु जरुरी छ । कागजमा जति लेखिएको छ, त्यति ब्याज तिरेर चुपचाप बस्ने बेला भएको छ । त्यसमा बैंकले गडबड गरे र ऋणीका पक्षमा राष्ट्र बैंक नबोले अदालतकै ढोकामा पुगेर किन नहोस्, मनपरी नियन्त्रण गर्नुपर्छ । ऋणी ‘ख’ र बैंक ‘क’ वर्ग होइन, दुवै समान वर्ग हुने वातावरण बनाइनुपर्छ । जसरी ऋणीका लागि बैंक चाहिन्छ, बैंकका लागि ऋणी पनि चाहिन्छ । त्यो दुवैले बुझ्नुपर्छ । न ऋणीले चाहेर ब्याज घटाउन सकोस्, न बैंकले चाहेर बढाउन ।

श्रोत: कान्तिपुर, फाल्गुन १६, २०७३

बीमा कम्पनीको शेयर किन्दै हुनुहुन्छ ? हेर्नुहोस् यस्तो छ जीवन बीमा कम्पनीको पछिल्लो अवस्था !

बजारमा बीमा कम्पनीहरु (INSURANCE COMPANIES) को शेयरप्रति लगानीकर्ताको निकै चासो रहेको हुन्छ । त्यसमा पनि छोटो समयमा शेयर खरिदबिक्री गरेर आफ्नो आम्दानी बढाउने लगानीकर्ता पनि बीमा कम्पनीको शेयरप्रति आकर्षण देखिन्छन् । त्यसमा पनि बीमा समितिले बीमा कम्पनीहरुको पूँजी चार गुणाले बढाउने निर्देशन दिएसँगै यसप्रति लगानीकर्ता थप आकर्षित देखिन्छन् । यस्तैमा आज हामी नेपालमा सञ्चालित जीवन बीमा कम्पनीको पछिल्लो अवस्था केलाउने प्रयास गरेका छौं ।

खुद मुनाफा चुक्ता पूँजी

आर्थिक वर्ष २०७३/७४ को प्रकाशित तेस्रो त्रैमासमा जीवन बीमा कम्पनीहरु मध्ये खुद मुनाफा हेर्दा सबैभन्दा उत्कृष्ट नेपाल लाइफ इन्स्योरेन्स रहेको छ । ४० करोड ९६ लाख रुपैयाँ खुद मुनाफामा कमाएको नेपाल लाईफ इन्स्योरेन्सको चुक्ता पूँजी पनि सबैभन्दा बढी ३ अर्ब ९ करोड ६४ लाख रुपैयाँ रहेको छ । त्यस्तै खुद मुनाफा सबैभन्दा कम राष्ट्रिय बीमा संस्थानको ६६ लाख रुपैयाँ मात्र कमाएको छ । जसको चुक्ता पूँजी पनि सबैभन्दा कम ९३ लाख रुपैयाँ रहेको छ । अघिल्लो वर्षको तुलनामा सबैभन्दा बढी मुनाफा सुर्य लाइफ इन्स्योरेन्स कम्पनीको ६ सय ६२ दशमलव ७५ प्रतिशत र सबैभन्दा कम राष्ट्रिय बीमा संस्थानको २० दशमलव ९१ प्रतिशतले गिरावट आएको छ ।

जगेडाकोष, जीवन बीमाकोष र आम्दानी

जीवन बीमा कम्पनीहरुमध्ये जगेडाकोषमा, बीमा कोष र आम्दानीमा सबैभन्दा बढी नेपाल लाइफ इन्स्योरेन्सको रहेको छ । जगेडाकोषमा सबै भन्दा बढी ४ अर्ब ७३ करोड ३७ लाख रुपैयाँ, बीमाकोषमा ३७ अर्ब १८ करोड ८१ लाख रुपैयाँ र आम्दानी ५४ करोड २१ लाख रुपैयाँ रहेको छ । जगेडाकोषमा सबैभन्दा कम एशियन लाइफ इन्स्योरेन्सको १७ करोड ७४ लाख रुपैयाँ रहेको छ भने बीमा कोषमा सबैभन्दा कम सुर्य लाईफ इन्स्योरेन्सको २ अर्ब १४ करोड ५ लाख रुपैयाँ रहेको छ । आम्दानीमा सबैभन्दा कम राष्ट्रिय बीमा संस्थानको १ करोड ६२ लाख रुपैयाँ रहेको छ ।

प्रिमियम संकलन र जारी बीमालेख संख्या

बीमा कम्पनीहरुको खुद मुनाफा बढ्नु र घट्नुमा प्रिमियम संकलनको प्रमुख भूमिका रहने गर्दछ । नेपाल लाईफ इन्स्योरेन्सले सबैभन्दा बढी खुद प्रिमियम संकलन ७ अर्ब ८१ करोड ७३ लाख रुपैयाँ, जम्मा प्रिमियम संकलनमा पनि सबैभन्दा बढी ४८ अर्ब १० करोड १३ लाख रुपैयाँ र जारी बीमालेख संख्या १० लाख २४ हजार ६ सय ४२ वटा रहेको छ । तेस्रो त्रैमासमा सबैभन्दा कम खुद प्रिमियम गुराँस लाईफ इन्स्योरेन्सको ७० करोड १० लाख रुपैयाँ र बीमा लेख संख्यामा १ लाख ५४ हजार ७७ वटा रहेको छ । जम्मा प्रिमियम संकलनमा सबैभन्दा कम सुर्य लाइफ इन्स्योरेन्सको ८३ करोड ४० लाख रुपैयाँ रहेको छ ।

दाबी भुक्तानी र दाबी भुक्तानी संख्या

चालु आर्थिक बर्षको तेस्रो त्रैमासमा खुद दाबी भुक्तानीको आधारमा सबैभन्दा बढी राष्ट्रिय बीमा संस्थानको २ अर्ब ९३ करोड ३९ लाख रुपैयाँ रहेको छ भने सबैभन्दा कम गुराँस लाइफ इन्स्योरेन्सको ६ करोड ८५ लाख रुपैयाँ रहेको छ । त्यस्तै जम्मा दाबी भुक्तानी र दाबी भुक्तानी संख्यामा सबैभन्दा बढी नेपाल लाइफ इन्स्योरेन्सको रहेको छ । जसको जम्मा दाबी भुक्तानी १ अर्ब ९४ करोड ५७ लाख रुपैयाँ र दाबी भुक्तानी संख्या १७ हजार ८ सय ९५ वटा रहेको छ । जम्मा दाबी भुक्तानी र दाबी भुक्तानी संख्यामा सबैभन्दा कम सुर्य लाइफ इन्स्योरेन्सको १ लाख रुपैयाँ र ५ सय ७४ वटा रहेको छ ।

प्रतिशेयर आम्दानी, प्रतिशेयर नेटवर्थ र बजार मूल्य

तेस्रो त्रैमासमा लाइफ इन्स्योरेन्स कम्पनीमा प्रतिशेयर आम्दानी र प्रतिशेयर नेटवर्थमा सबैभन्दा बढी प्राइम लाइफ इन्स्योरेन्सको २९ दशमलव ३५ रुपैयाँ र २६५ दशमलव ७५ रुपैयाँ रहेको छ । त्यस्तै प्रतिशेयर आम्दानीमा सबैभन्दा कम राष्ट्रिय बीमा संस्थानको ४ दशमलव ९१ रुपैयाँ भने प्रतिशेयर नेटवर्थमा लाइफ इन्स्योरेन्सको १२५ दशमलव ७२ रुपैयाँ रहेको छ ।

प्रतिशेयर बजार मुल्यको आधारमा सबै भन्दा बढी लाइफ इन्स्योरेन्सको २ हजार १ सय ७० रुपैयाँ र सबैभन्दा कम गुराँस लाइफ इन्स्योरेन्सको १ हजार २ सय २५ रुपैयाँ रहेको छ ।

श्रोत: आर्थिकन्यूज, जेष्ठ २० गते शनिबार ।

प्राइम लाइफ इन्सुरेन्सले चुक्ता पुँजी पुर्याउन १ः२ बराबर हकप्रद र आकर्षक बोनस सेयर देला त? आउनुस हेरौं !

प्राइम लाइफ इन्सुरेन्स कम्पनी लिमिटेड (Prime Life Insurance Company Ltd., PLIC) ले चालु आर्थिक वर्षको तेस्रो त्रैमासमा १० करोड ७४ लाख ५३ हजार रुपैयाँ खुद नाफा कमाएको छ । यो नाफा रकम गत वर्षको तेस्रो त्रैमासमा भन्दा १ करोड ३० लाख २५ हजार रुपैयाँले बढी हो । गत वर्ष प्राइमले ९ करोड ४४ लाख २८ हजार रुपैयाँमात्र खुद नाफा कमाएको छ । खुद नाफा १३.७९ प्रतिशतले वृद्धि भएको हो । प्राइमको खुद बिमा शुल्क १ अर्ब २२ लाख ५ लाख ३१ हजार रुपैयाँ छ । यो खुद बिमा शुल्क गत वर्षको भन्दा १८ करोड ९३ लाख १५ हजार रुपैयाँले बढी हो । गत वर्ष प्राइमले १ अर्ब ३ करोड १२ लाख १६ हजार रुपैयाँ खुद बिमा शुल्क आर्जन गरेको थियो । यो त्रैमाससम्ममा कम्पनीले २१ करोड ३४ लाख १४ हजार रुपैयाँ खुद दाबी भुक्तानी गरेको छ भने ५ करोड ६६ लाख ९२ हजार रुपैयाँ महाबिपत्ति कोषको लागि छुट्याएको छ । त्यस्तै, कम्पनीले ९१५ वटा कुल दाबी भुक्तानी गरेको छ भने कुल दाबी भुक्तानी हुन बाँकी संख्या ४५ वटा छ ।

प्राइमको चुक्ता पुँजी ४८ करोड ८१ लाख ६० हजार रुपैयाँ छ । गत वर्षको तुलनामा चुक्ता पुँजी वृद्धि भएको छैन । गत वर्ष पनि प्राइमको चुक्ता पुँजी ४८ करोड ८१ लाख ६० हजार रुपैयाँ नै थियो । कम्पनीको जगेडा कोषमा भने ७५ करोड २४ लाख ३५ हजार रुपैयाँ छ । चुक्ता पुँजी अनुपातमा जगेडा कोष भने राम्रो हो । जीवन बिमा कम्पनीले चुक्ता पुँजी २ अर्ब रुपैयाँ पुर्याउन बिमा समितिले निर्देशन दिइसकेको छ । यसआधारमा प्राइमले पनि हकप्रद, बोनसलगायतका बाटो रोज्नुपर्ने देखिन्छ । संस्थापकहरुका अनुसार प्राइमले चुक्ता पुँजी पुर्याउन १ः२ बराबर हकप्रद र आकर्षक बोनस सेयर दिने योजना अघि बढाइरहेको छ । यद्दपि, यो प्रस्ताव औपचारिकरुपमा सार्वजनिक भइसकेको छैन । साधारण सभा र बिमा समितिबाट पनि यसलाई अनुमोदन गराउनुपर्ने हुन्छ ।

कम्पनीको जीवन बिमा कोषमा ४ अर्ब ४६ करोड ४८ लाख ७५ हजार रुपैयाँ छ । जीवन बिमा कोषको आकार गत वर्षको यही त्रैमासको तुलनामा १ अर्ब १७ करोड ९८ लाख १३ हजार रुपैयाँले बढोत्तरी भएको हो । गत वर्ष तेस्रो त्रैमासमा प्राइमको जीवन बिमा कोषमा ३ अर्ब २८ करोड ५० लाख ६२ हजार रुपैयाँ मात्र थियो । प्राइमको प्रतिसेयर आम्दानी २९ रुपैयाँ ३५ पैसा र प्रतिसेयर नेटवर्थ २६५ रुपैयाँ ७५ पैसा छ । यसको सेयर नेप्सेमा गत विहीबार प्रतिकित्ता २४८५ रुपैयाँमा अन्तिम कारोबार भएको थियो ।

किन्दै हुनुहुन्छ त यस प्राइम लाइफ इन्सुरेन्सको सेयर? लाभदायक सावित हुन निम्न लिंकमा क्लिक गरी हेर्नुस् एक पल्ट यस कम्पनीको आर्थिक बर्ष २०७३-७४को तेश्रो त्रैमासिक बित्तिय विवरण !

क्लिक लिंक

तपाईलाई महुली लघुवित्तको आईपिओ सेयर पर्यो कि परेन ? नतिजा हेर्नुहोस् !

महुली सामुदायिक लघुवित्त वित्तीय संस्था (Mahuli Samudayik Laghubitta Bittiya Sanstha Ltd., MSLBSL) को साधारण सेयर आइपीओ (IPO) आज जेठ २० गते शनिबार बाँडफाँट भएको छ । जसमा आवेदन गर्ने सबै आवेदकलाई गोलाप्रथाबाट १० कित्ता सेयर बाँडफाँड गरिएको छ । महुलीले वैशाख ७ देखि ११ गतेसम्म सर्वसाधारणका लागि प्रति कित्ता १ सय रुपियाँका दरले १ करोड २० लाख रुपैयाँ बराबरको १ लाख २० हजार कित्ता साधारण आइपीओ सेयर निष्काशन गरेको थियो ।

महुलीको यस आइपीओमा कुल ८१ हजार ७४१ जनाले आवेदन दिएकोमा ११ सय ५५ जानाको आवेदन रद्द भएको छ । बाँकी ८० हजार ५९६ जनाको आवेदनमा कुल १० हजार ९२० जना सबै आवेदकले गोला प्रथाद्धारा १० कित्ता सेयर पाएका छन् ।निष्काशन गरेका जम्मा एक लाख २० हजार कित्ता साधारण सेयरमध्ये ४ हजार ८०० कित्ता सेयर १ सय ६ जना कम्पनीका कर्मचारीलाई र ६ हजार कित्ता सेयर ७ वटा सामुहिक लगानी कोष (म्युचुअल फन्ड) हरुका ११ योजनालाईलाई सुरक्षित गरिएको थियो र आम सर्वसाधारणलाई बिक्री गरिएको बाँकी १ लाख ९ हजार २०० कित्ता सेयर मात्रै आज बाँडफाँट भएको हो ।

महुली लघुवित्तको आईपिओ सेयर तपाईलाई पर्यो कि परेन? सेयरसंसारबाट नतिजा हेर्न लागि निम्न लिंकमा क्लिक गरी हेर्नुस् !

लिंक

आइपीओको बिक्री प्रबन्धक सनराइज क्यपिटल (साबिकको एनसिएम मर्चेन्ट बैंकिङ) हो । बिक्री प्रबन्धकका अनुसार एक अर्ब ५० करोड मध्ये एक अर्ब १० करोड रुपैंयाको सेयर आवेदन कम्पनीले उपलब्ध गराएको नियमित तरिकाबाट आवेदन परेको थियो भने बाँकी ४० हजार आस्बा प्रणालीबाट लगानीकर्ताले आवेदन दिएका थिए । जुन कम्पनीले माग गरेभन्दा १३७ गुणा बढी आवेदन परेको थियो । बिक्री प्रबन्धकका अनुसार साना लगानीकर्ताले ९० लाख २० हजार ४ सय ४० कित्ता र अन्य लगानीकर्ताले १ करोड २३ लाख २१ हजार ६ सय ४० कित्ता शेयर आवेदन गरेका थिए । साधारण सेयरमा न्यूनतम ५० कित्ता अर्थात ५ हजार रुपैयाँ देखि अधिकतम ६०० कित्ता अर्थात ६० हजार रुपैयाँ बराबरको आवेदन गर्न पाउने व्यवस्था थियो ।

महुली लघुवित्तले जारी पुँजी ४ करोड रुपैयाँको ३०% सेयर सर्वसाधारणमा बिक्री गरेको हो । आइपीओ बिक्रीपछि संस्थापक सेयरधनीको स्वामित्व ७०% र सर्वसाधारणको स्वामित्व ३०% भएको छ । सर्वसाधारणमा सेयर जारी गरेपछि यसरी माहुलीको चुक्तापूँजी अब ४ करोड रुपैयाँ पुगेको छ भने संस्थापक साधारण सेयरधनी अनुपात ७०:३० कायम भएको छ । १५ करोड रुपैयाँ अधिकृत पूँजी रहेको यस लघुवित्तले सप्तरीको केन्द्रिय कार्यालय सहित २८ वटा शाखा कार्यलयहरु मार्फत १० जिल्लामा वित्तीय सेवा प्रदान गर्दै आएको छ ।को अधिकृत पुँजी १५ करोड रुपैयाँ छ ।

आईपिओ नतिजा

एनबि इन्स्योरेन्स (NBIL) को १००% हकप्रद (RIGHT) असार ५ गतेदेखि !

एनबि इन्स्योरेन्स कम्पनी लिमिटेड (NB Insurance Company Ltd., NBIL) ले २०७४ साल असार ५ गते सोमबारदेखि शतप्रतिशत (१००%) अर्थात एक बराबर एक (१:१) नयाँ कित्ताको अनुपातमा हकप्रद सेयर निष्काशन गर्दै छ । गत वैशाख १४ गते नेपाल धितोपत्र बोर्डबाट यसरी हकप्रद निष्काशनको अनुमति पाएको एनबिले असार ५ गते सोमबारदेखि साउन ९ गते सोमबारसम्म उक्त अनुपातमा हकप्रद सेयर निष्काशन तथा विक्री खुला गर्दै छ । एनबिले एक सय रुपैयाँ अंकित मूल्यमा २७ करोड रुपैयाँ बराबरको २७ लाख कित्ता हकप्रद सेयर जारी गर्दै छ ।

हकप्रद सेयर निष्काशनका लागि कम्पनीले ग्लोबल आईएमई क्यापिटल लिमिटेडलाई सेयर निष्काशन तथा विक्री प्रबन्धकमा नियुक्त गरेको छ । इच्छुक लगानीकर्ताले ग्लोबल आइएमई क्यापिटलको कार्यालय तथा एनबिका सम्पूर्ण शाखाहरुबाट हकप्रद फारम लिन सक्नेछन् । यसको बिष्तृत विवरणको लागि निम्न लिंकमा क्लिक गरी हेर्नुस् !

क्लिक लिंक

कम्पनीले जेठ ४ गते आईतबार नै सेयरधनी किताब बन्द गरी सकेकाले त्यसभन्दा अघिल्लो दिन जेठ ३ गतेसम्म सेयर किनेका कायम सेयरधनीले मात्र सो १०० प्रतिशत हकप्रद सेयर भर्न पाउनेछन् । कम्पनीको शेयर मूल्य पनि जेठ ४ गते समायोजन गरी सकेको छ । कम्पनीको समायोजन पछिको मूल्य एक हजार रुपैयाँ छ भने आधारभूत मूल्य ५ सय ५० रुपैयाँ छ । यसको जानकारीको लागि निम्न लिंकमा क्लिक गरी हेर्नुस् !

क्लिक लिंक

हाल यसको चुक्तापुँजी २७ करोड रुपैयाँ रहेको छ । शतप्रतिशत हकप्रद सेयर निष्काशन गरेपछि कम्पनीको चुक्तापुँजी ५४ करोड रुपैयाँ पुग्नेछ । ०७५ असार मसान्तसम्ममा कम्पनीले एक अर्ब रुपैयाँ चुक्तापुँजी पुर्याउनुपर्नेछ । चालु आर्थिक वर्षको तेस्रो त्रैमासमा यस कम्पनीले रू. ६ करोड २० लाख खुद नाफा आर्जन गर्न सफल भएको छ । यो गत आर्थिक वर्षको सोही अवधिको तुलनामा करिब ३ गुणा बढी हो । सो अवधिमा कम्पनीको चुक्तापूँजी रू. २७ करोड रहेको छ भने जगेडा कोष रू. ९ करोड ३५ लाख रहेको छ । कम्पनीको खुद बीमा शुल्क २९८.६४% र खुद दाबी भुक्तानी ६३.०८% बढेको छ । त्यसैगरी कम्पनीको आम्दानी २०२.७५% र खर्च तथा व्यवस्थाहरु २७१.८४% बढेको छ । यसको सेयर नेप्सेमा गत विहीबार प्रतिकित्ता ११३५ रुपैयाँमा अन्तिम कारोबार भएको थियो ।

किन्दै हुनुहुन्छ त यस एनबि इन्स्योरेन्सको शेयर? लाभदायक सावित हुन निम्न लिंकमा क्लिक गरी हेर्नुस् एक पल्ट यस कम्पनीको विश्लेषण !

क्लिक लिंक

मिर्मिरे माईक्रोफाईनान्स (MMFDB) को ५०% हकप्रद (RIGHT) असार ५ गतेदेखि !

मिर्मिरे माईक्रोफाईनान्स डेभलपमेन्ट बैंक (Mirmire Microfinance Development Bank Ltd., MMFDB) ले २०७४ साल असार ५ गते सोमबारदेखि ५० प्रतिशत अर्थात २ बराबर १ (२:१) नयाँ कित्ता अनुपातमा हकप्रद दिने भएको छ । यसरी मिर्मिरेले चुक्ता पूँजीको ५० प्रतिशत अर्थात एक करोड पचास लाख रुपैयाँको हकप्रद जारी गर्न लागेको हो । यस हकप्रद निष्काशनका लागि बैंकले प्रभु क्यापिटललाई सेयर विक्री प्रबन्धक नियुक्त गरेको छ ।

हकप्रदमा प्रभु क्यापिटल कमलादी तथा मिर्मिरे माईक्रोफाईनान्सको शाखाहरु बनेपा काभ्रे , भरतपुर चितवन, फेनहरा शाखा, नवलपरासी, हेटौडा मकवानपुर, चरिकोट दोलखा, पशुपतिडाँडा धादिङ र कालिकास्थान रसुवाबाट आवेदन सक्नेछन् । यस्तै प्रभु बैंकका शाखाहरु रंगेली रोड विराटनगर, आदर्शनगर वीरगंज, मिलन चोक बुटवल, गोदावरी रोड धनगढी र सुर्खेतरोड नेपालगंजबाट समेत आवेदन बुझ्ने व्यवस्था छ । हकप्रद जारीपछि लघुवित्तको चार करोड ५० लाख रुपैयाँ चुक्ता पूँजी पुग्नेछ । 

असार ५ गते सोमबारदेखि निष्काशन खुला भएको हकप्रद साउन ९ गते सोमबार बन्द हुनेछ । कम्पनीले जेठ १७ गते बुधबार सेयरधनी किताब बन्द गरेकाले त्यसभन्दा अघिल्लो दिन जेठ १६ गते मंगलबारसम्म सेयर किनेका लगानीकर्ताले मात्र ५० प्रतिशत हकप्रद भर्न सक्नेछन् ।

गत आर्थिक बर्षको कमाईबाट ५० प्रतिशत बोनस प्रदान गरेको मिर्मिरेको हाल तीन करोड रुपैयाँ चुक्ता पुँजी रहेको छ । माईक्रोफाईनान्सले चालु आर्थिक वर्षको तेस्रो त्रैमाससम्ममा ५० दशमलव ५४ प्रतिशतले वृद्धि गरी एक करोड २१ लाख रुपैयाँ खुद नाफा कमाएर प्रतिसेयर आम्दानी वार्षिक ५४ दशमलव १८ रुपैयाँ कायम गरेको छ । जबकी अघिल्लो बर्षमा बैंकले मुनाफा ८० लाख रुपैयाँ मात्र कमाएको थियो । बैंकको सेयर नेप्सेमा गत विहीबार प्रतिकित्ता २३४३ रुपैयाँमा कारोबार भएको थियो ।

यस माईक्रोफाईनान्सको प्रगति विवरण हेर्न निम्न लिंकमा क्लिक गर्नुस !

क्लिक लिंक

गुराँस लाइफ इन्स्योरेन्स (GLICL) ले ८% बोनसपछि ५०% हकप्रद ल्याउने !

गुराँस लाइफ इन्सुरेन्स (Gurans Life Insurance Company Limited, GLICL) ले आठ प्रतिशत (८%) बोनस सेयर वितरण पश्चात पचास प्रतिशत (५०%) हकप्रद जारी गर्ने भएको छ । इन्सुरेन्स कम्पनीको बुधबार बसेको सञ्चालक समितिको बैठकले सेयरधनीलाई बोनसपछि दुई बराबर एक (२ः१) अनुपातमा हकप्रद निष्कासन गर्ने निर्णय गरेको हो । सञ्चालक समितिको निर्णयलाई कम्पनीको आगामी साधारण सभा र नियामक निकाय बिमा समितिले अनुमोदन गर्न भने बाँकी नै छ । बिमा समितिले जीवन बिमा कम्पनीको २०७५ साल अषाढ सम्ममा चुक्ता पुँजी २ अर्ब पुर्याउनुपर्ने निर्देशन दिएपछि गुराँसले बोनस र हकप्रदको बाटो समाएको हो ।

चालु आर्थिक वर्षको तेस्रो त्रैमासमा कम्पनीको चुक्ता पुँजी ५५ करोड रुपैयाँ रहेको छ । आठ प्रतिशत बोनसपछि कम्पनीको पूँजी ५९ करोड ४० लाख रुपैयाँ पुग्नेछ ।  त्यसपश्चात ५० प्रतिशत हकप्रद जारी गरेपछि कम्पनीको पूँजी ८९ करोड १० लाख रुपैयाँ पुग्नेछ । कम्पनीको जगेडा कोषमा २१ करोड र जीवन बिमा कोषमा २ अर्ब ७७ करोड ४१ लाख ४० हजार रुपैयाँ छ । कम्पनीले चालु आर्थिक बर्षको तेस्रो त्रैमाससम्ममा २ करोठ ८८ लाख ४२ हजार रुपैयाँ खुद नाफा कमाएको छ । यस अवधिमा कम्पनीले कुल बीमा शुल्क तीन अर्ब ८९ करोड उठाएको छ । यसको प्रतिसेयर आम्दानी (वार्षिक) ६ रुपैयाँ ९९ पैसा र प्रतिसेयर नेटवर्थ १३९ रुपैयाँ २९ पैसा छ ।

गुराँसको आर्थिक बर्ष २०७३-७४को तेश्रो त्रैमासिक बित्तिय विवरण हेर्न निम्न लिंकमा क्लिक गर्नुस !

क्लिक लिंक