असोज १८, काठमाडौं । लगातार घटिरहेको शेयर बजार केही दिन देखि बुलिश प्रवृत्तिमा रहेको छ । परिसूचकसँगै कारोबार रकममा पनि उल्लेख्य बृद्धि भएको छ । अघिल्लो दिनको तुलनामा कारोबार रकम करीब ४३ प्रतिशतले बढेको हो । यस दिन होटल, बीमा र बैङ्किङ समूहको परिसूचक उच्चदरले बढेको छ । वित्त कम्पनी समूह र ‘अन्य’ समूह बाहेक कारोबारमा आएका सबै समूहको परिसूचक बढेको हो । मङ्गलवार शेयर बजार १ दशमलव शून्य २ प्रतिशतले बढेको छ । दिनभरिको कारोबारमा परिसूचक १८ दशमलव १ अङ्कले बढेर १ हजार ७ सय ९८ दशमलव ५० विन्दुमा पुगेर बन्द भएको हो । नेप्सेमा कारोबार रकम रू. ३३ करोड बढेर रू. १ अर्ब १२ करोड पुगेको छ भने कुल बजार पूँजीकरण रू. १९ खर्ब ९२ अर्ब पुगेको छ ।
Source: nepalipaisa
No comments:
Post a Comment