सेयर लगानीका आधारभूत पक्षहरु !

पूँजीबजारको आधारभूत पक्ष नबुझेकाहरु जुवाघरको संज्ञा दिन्छन । जुवामा जीत बाहेक प्रतिफल हुँदैन र हारेको खण्डमा राखिएको बाजी एकैपटक गुम्छ तर सेयरबजारमा गरेको लगानी जुवामा जस्तो एकैपटक गुम्दैन ।सेयर लगानीमा जोखिम पक्ष भएपनि उचित व्यवस्थापन गर्न सक्नेले घट्दो मूल्यमा पनि नाफा आर्जन गर्न सक्छन । वारेन बफेट भन्छन ‘म सेयरबजारबाट कहिल्यै पैसा कमाउने प्रयास गर्दिन र सेयर किन्दा भोलि नै बजार बन्द गर्छन र आगामी पाँच वर्षसम्म खोल्दैन भन्ने मान्यता राख्छु’ । बफेटको भनाईलाई आत्मसात गरेर लगानी गर्नेले नाफा नकमाए पनि घाटा चाहिं खाँदैनन ।

लेखक सेयर विश्लेषक एवं लगानीकर्ता हुन् !

प्रवेश विन्दु:

नवप्रवेशीले प्राथमिक बजारबाट सिक्न सकिन्छ । प्राथमिक सेयर जारी हुन लागेको जानकारीपत्रपत्रिकाबाट पाउन सकिछ । कुनै पनि कम्पनी सेयरबजारमा आउनु अघि धितोपत्र सम्बन्धि कानुनको पालना गरि तोकिएका शर्त पुरा गरेपछि नेपाल धितोपत्र बोर्ड (सेबोन) ले स्वीकृति दिन्छ । सेयर किन्नु अघि धितोपत्र सम्बन्धि प्रचलित कानुनको परिपालना भइ स्वीकृत प्राप्त हो कि हैन बुझ्नुपर्छ । सेबोनलेस्वीकृति दिएपछी प्राथमिक सेयर जारी हुन्छ र नेपाल स्टक एक्सचेन्ज (नेप्से) मा सूचीकरण भएर कारोबार हुन्छ । प्राथमिक र हकप्रद सेयर कहिले आउँछ सेबोनको वेवसाइटमा राखिएको हुन्छ ।

सेयर जारी गर्ने कम्पनी:

नेपालको सन्दर्भमा बैंक र बिमाले अनिवार्यरुपमा यसका नियमकले तोकेबमोजिम सेयर बेच्नैपर्ने व्यवस्था छ ।जलविद्युत, दूरसञ्चार, उत्पादन, प्रशोधन तथा होटेलहरुले स्वेच्छिकरुपमा सेयर जारी गरेका छन् । यस्ता कम्पनीले धितोपत्र सम्बन्धि प्रचलित कानून पालना गरेर आएका खण्डमा सेयर जारी गर्ने स्वीकृति पाउँछन् । धितोपत्र निष्काशन सम्बन्धि नियमावलीले वास्तविक क्षेत्रका कम्पनीलाई पनि सेयर जारी गराउन प्रोत्साहन गर्न खोजेको छ । प्रचलित व्यवस्था अनुसार प्रति एक सेयरको चुक्ता मूल्य १ सय हुन्छ । १ सय रुपैयाँमा बेच्ने प्रक्रियालाई परल मूल्य भनिन्छ ।तोकिएका शर्त पुरा गरेका कम्पनीले परल मूल्यमा केहि थप गरेर बेच्न पनि पाउँछन यसलाई प्रिमियम मूल्य भनिन्छ ।म्युचुअल फण्डको प्रति इकाई चुक्ता मूल्य रु. १० हुन्छ ।

सेयरको दोस्रो बजार:

प्राथमिक सेयर जारी भइ बाँडफाँड भएपछी कारोबारको लागि नेप्सेमा सूचीकरण हुन्छ । दोस्रो बजारमा सेयर कारोबार गराउनको लागि नेप्सेले आफनो सदस्यको रुपमा दलाल तोकेको छ । दलालको सूचीनेप्से वा सेबोनको वेबमा हेर्न सकिन्छ । दलालको कार्यालयमा गएर सम्पूर्ण व्यहोरा खुल्ने ‘ग्राहक पहिचान फारम’ भरेपछि प्राप्त हुने कसैसँग नमिल्ने छुट्टै ग्राहक संकेत मार्फत कारोबार गर्नुपर्छ । पारिवारिक सेयर कारोबार नगरी सिधै नेप्सेले नामसारीको लागि कम्पनीलाई पत्राचार गरिदिन्छ । आफू-आफू बीच कुनै करार गरि वा नगरी अन्य सम्पती जस्तो सेयर किनबेच गर्न सकिन्न । किनेका सेयर विद्युतीय स्वरुपमा भण्डारण गर्नको लागि अभौतिकीकारण (डिम्याट) खाता खोल्नुपर्छ ।यसलाई हिताग्राही खाता (बिओ) पनि भनिन्छ । यो बैंक खाता जस्तै हो र यसमा सेयर भण्डारण हुन्छ । यस्तो खाता खोल्नको लागि निक्षेप सदस्य (डिपी) को रुपमा कार्य गर्न सेबोनले बिभिन्न मर्चेन्ट बैंक, वाणिज्य बैंक, वित्त कम्पनी र दलाललाई अनुमति दिएको छ । विओ खातामा हुने शुरुको आठ अंक डिपी नं. र पछिल्लो आठ अंक ग्राहक नं. हो । यो नम्बर प्राथमिक र हकप्रद सेयर आवेदन फारममा समेत निर्दिष्ट स्थानमा उल्लेख गर्नुपर्छ । दोस्रो बजारमा कारोबार गर्न जाँदा अग्रिम रकम भुक्तान गर्नुपर्छ भन्ने अनिवार्य छैन तर भर्खर आएकालाई भने शुरुशुरुमा अग्रिम रकम बुझाउनुपर्ने पनि हुनसक्छ । तर कारोबार गर्दै गएपछि अग्रिम दिनुपर्ने हुँदैन ।

बजारसम्बन्धि सूचना:

सेयरबजारमा कारोबारको लागि प्रवेश गरेपछि कुन कम्पनीको सेयर किन्ने, कहिले किन्ने, कहिले बेच्ने यस्ता सूचना र जानकारी बिभिन्न स्रोतबाट लिएर त्यसको प्रशोधन गर्नुपर्छ । यस्ता जानकारीका लागि नेप्से, सेबोन, नेपाल राष्ट्र बैंक, विमा समिति जस्ता नियमकले बेलाबेलामा जारी गर्ने सूचना, परिपत्र निर्देशिका अध्ययन गर्नुपर्छ । त्यस्तै सम्बन्धित कम्पनीले प्रकाशन गर्ने त्रैमासिक वित्तीय विवरण र अन्य सूचनाको बारेमा जानकार हुनुपर्छ । लगानीकर्ताले आफूले लगानी गर्न चाहेको कम्पनीको वार्षिक प्रतिवेदन समेत अध्ययन गर्नुपर्छ । सेयरबजारसँग सम्बन्ध राख्ने कम्पनी ऐन, नेपाल राष्ट्र बैंक ऐन, बैंक तथा वित्तीय संस्था सम्बन्धि ऐन, विमा ऐन/नियमावली, धितोपत्र सम्बन्धि ऐन/नियमावलीको सामान्य जानकारी लिनुपर्छ ।

कस्ता कम्पनी रोज्ने:

कस्ता कम्पनी रोज्ने यो अलि जटिल विषय हो । तैपनि सूचना र जानकारी लिएको खण्डमा मुश्किल पर्दैन ।अर्काले के किन्यो वा बेच्यो भनेर चियोचर्चो गर्नु भन्दा आफूले के र कस्तो किने भन्ने मूल प्रश्न हो । सेयरबजार कति बेला झर्छ र बढ्छ भन्ने कुनै निश्चित सुत्र छैन जुनसुकै बेला तलमाथिहुनसक्छ । नेपालको सन्दर्भमा सामान्यतया श्रावणदेखि पौष मसान्तसम्म बढ्ने र त्यसपछिको तीन महिना तल झर्ने समय हो । बैशाख लाग्दा तेश्रो त्रैमासिक वित्तीय विवरण आएपछि सामान्य बढ्दै जाने क्रम शुरु हुन्छ तर यस्तै हुन्छ भन्ने छैन । बढ्ने बेला घट्ने र घट्ने बेला बढ्ने पनि देखिएको छ ।कम्पनी रोज्दा कम्पनीले विगतमा दिएको प्रतिफल र चालु अवधिको वित्तीय विवरण कस्तो छ त्यसको विश्लेषण गर्नुपर्छ । सेयरमा लगानी गरेर एकैपटक कमाउने सपना देख्नु भन्दा बैंकले दिने व्याजदरसँगपनि तुलना गर्नुपर्छ । बैंकमा राख्दा कति आँउथ्यो र सेयरमा लगानी गरेर कति आउँछ त्यसको लेखाजोखा गर्नुपर्छ । मूल्य आम्दानी अनुपात, खूद सम्पति, कूल सम्पति, प्रतिसेयर आम्दानी, संचित नोक्सानी, संचालन खर्च जस्ता आधारभूत कुराको जानकारी लिनुपर्छ । यी उल्लेखित सूचक सामान्यतया सबै कम्पनीको हकमा लागू हुन्छ । यसवाहेक बैंक, बिमा, जलविद्युतका आ-आफ्नै सूचक पनि हुन्छन । बैंकको हकमा खराब कर्जा, पूँजीकोष, निक्षेप-कर्जा अनुपात, लागत मूल्य, आधार दर, स्प्रेड दर जस्ता सूचक पनि महत्वपूर्ण हुन्छन् । लगानी गर्दा ‘बथान प्रवृति’ देखाउनु हुन्न । सन् २०१०/११ मा बंगलादेशको सेयरबजारमा घटेको घटनामा ‘बथान प्रवृति’ हावी देखिएको थियो जसको परिणामस्वरूप लाखौं बंगाली लगानीकर्ताले करोडौं गुमाएका थिए ।

सेयरबाट पाइने लाभ:

सेयर लगानी गर्दा दुई प्रकारले लाभमा सहभागी बन्न सकिन्छ । पहिलो, बढ्दो मूल्यबाट पूँजीगत लाभ र दोस्रो, कम्पनीले वार्षिकरुपमा वितरण गर्ने प्रतिफल पाउन सकिन्छ । बफेटको ‘पाँचवर्षसम्म बजार खोल्दैनन’ भन्ने सन्दर्भ सम्भवत दोस्रो लाभप्रति लक्षित हुनुपर्छ । सेयरबजार प्रायश: अस्थिर नै हुने गर्छ । निरन्तर घटिरहने र बढिरहने भन्ने हुन्न । यसको चरित्रलाई झन्डै रोटेपिंगसँग तुलना गर्न सकिन्छ । तलमाथि हुनु नै रोटेपिंगको मजा हो । सेयरबजार पनि यहि तलमाथिको चक्रमा चलिरहन्छ । रोटेपिंगमा माथि पुगेर मजा लिए जस्तो सेयरको भाउ माथि चढेको बेला बेच्न सक्नुपर्छ । कतिबेला बेच्ने र किन्ने समयको तालमेल मिलाउन सकिएन भने पूँजीगत लाभबाट बन्चित हुनुपर्छ । पूँजीगत लाभ लिन पनि नसक्ने र प्रतिफल पनि न्यून भएका कम्पनीमा लगानी गर्दा मूलधन समेत गुम्न सक्छ । त्यसैले प्रतिफल दिनसक्ने क्षमतालाई पनि लगानीको एउटा आधार बनाउनुपर्छ । लागत र लाभको उचित तालमेल मिलाउन सक्नेको लागि सेयरबजारमा गरिने लगानी दीर्घकालीन निवृतिभरण पनि हुनसक्छ ।

श्रोत: कारोबार दैनिक, २०७३ साल चैत्र १३ गते आइतबार !

यो पनि पढ्ने कि !
बढ्नु र घट्नु सेयर बजारको नियमित चक्र !
शेयरमा लगानी गर्दा ध्यान गर्नु पर्ने कुरा "धैर्य गरौँ, सेयर बजारमा सोच्दै नसोचेका कुराहरु एकदिन 'एकादेशको कथा'बन्नेछ" (रोहन शर्माको ब्लग)
Know 3 Ways How You Can Lose All of Your Money in the Stock Market !
सेयर बजारमा अबको लगानी, यसरी बनाऔं तीन चरणमा रणनीति ।
लगानी फाल्न हतार नगर्नुहोस्, हेर्नुहोस्, यस्ता छन् १० उत्कृष्ट कम्पनीमा तत्काल अर्बौँ लगानीको अवसर (आईपीओ, एफपीओ र लीलामीसमेत), कुन कम्पनीको अवस्था के र लगानी कति गर्ने त ?
घाटा नखाने भए यसरी गर्नुस लगानी ।
बुबाको पेन्सन सेयर बजारमा डुबेपछि निन्द्रा लाग्न छोड्यो ।

नेपाल स्टक एक्सचेन्जमा सुचिकृत लघुवित्त कम्पनीहरुमध्ये आर्थिक बर्ष २०७३/७४ को चौथो त्रैमासको वित्तीय विवरण अनुसार कुन कुन लघुबित्त अब्बल रहे त? (सुचिकृत ३४ वटै लघुवित्त कम्पनीहरुको वित्तीय विश्लेषण तालिका सहित)

नेपाल स्टक एक्सचेन्ज (नेप्से) मा सुचिकृत अधिकांश लघुवित्त (माइक्रोफाइनान्स) कम्पनीहरुले गत आर्थिक बर्ष २०७३/७४ को चौथो त्रैमासको वित्तीय विवरण सार्वजनिक गरिसकेका छन् । समग्रमा सबै लघुवित्त कम्पनीहरुको वित्तीय अवस्था सन्तोषजनक नै देखिएको छ । लघुवित्त कम्पनीको शेयर संख्या अन्य कम्पनीहरुको तुलनामा कम हुने र देशका बिकट क्षेत्रहरुमा पुगी लघुवित्त सेवा दिंदै आएका अधिकांश लघुवित्त कम्पनीहरुले उल्लेख्य प्रगती गरेको वित्तीय विवरण प्रस्तुत गरेका छन् । यसले गर्दा पछिल्लो समयमा यस्ता लघुवित्त कम्पनीहरुको शेयर मुल्य बजारमा उल्लेख्य बढेका छन् र लगानीकर्ताको आकर्षण समेत यी कम्पनीहरुमा बढी रहेको छ । अर्कोतिर सिमित ब्यक्तीले त्यसमा चलखेल गरेका कारण तिनीहरुको सेयर उचालिएको हो भन्नेको जमात पनि ठूलै रहेको छ । त्यसमा लाभांश समेत खुवाउन नसक्ने अवस्थामा रहेका र संचिति नोक्सानमा रहेका लघुवित्तको सेयर उचालिएर किन्दाको जोखिम पनि उत्तिकै रहेको छ।

सुचिकृत संस्थाहरुको वित्तीय विवरणलाई आधार मानेर लगानीकर्ताले आफ्नो लगानीको निर्णय गर्ने भएकाले नेप्सेमा सुचिकृत कम्पनीहरुको वित्तीय विवरणले बिशेष महत्त्व राखेको हुन्छ ।

हेरौं, कुन कम्पनीको कस्तो रह्यो स्थिति:

१. मुनाफा (Net Profit):

सूचीकृत ३४ वटा लघुवित्त कम्पनीहरुमध्ये चौथो त्रैमासमा सबैभन्दा बढी खुद मुनाफा आर्जन गर्नेमा निधर्न उत्थान विकास बैंक सफल भएको छ । निधर्न उत्थान विकास बैंकको खुद नाफा निकै राम्रो छ । यसले सबैभन्दा धेरै ५८ करोड ३४ लाख १० हजार रुपैयाँ खुद नाफा कमाएको छ । निर्धनले झन्डै आफ्नो चुक्ता पुँजीकै हाराहारीमा खुद नाफा गरेको हो ।

३४ लघुवित्त कम्पनीहरुको खुद मुनाफा आर्जनको आधारमा तुलनात्मक विश्लेषण सहित प्रश्तुत तालिका बिष्तृत जानकारीको लागि डाउनलोड गर्न निम्न लिंक्समा क्लिक गर्नु होस् !

मुनाफा तालिका डाउनलोड लिंक

ShareUpdateNepal

त्यस्तै, सूचीकृत ३४ वटा लघुवित्तमध्ये सिभिल लघुवित्त र सपोर्ट माईक्रोफाइनान्स भने सबैभन्दा कमजोर माइक्रोफाइनान्सको रुपमा देखा परेको छ । सिभिलले जम्मा ६२ लाख ७४ हजार रुपैयाँमात्र खुद नाफा कमाएको छ भने सपोर्टले त्यसभन्दा पनि अझ कम जम्मा ४८ लाख ४ हजार रुपैयाँ मात्र खुद नाफा कमाएको छ । सिभिल लघुवित्तको खुद मुनाफा गत वर्षको तुलनाभन्दा ६७ दशमलव २१ प्रतिशतले बढेको हो । अघिल्लो वर्षको सोहि अवधिमा मुनाफा ३७ लाख रुपैयाँ पुगेको थियो ।

२. चुक्तापूँजी (Paid Up Capital):

चुक्तापूँजीको आधारमा सबैभन्दा धेरै छिमेक लघुवित्तको ८३ करोड ४० लाख ७१ हजार रुपैयाँ चुक्तापूँजी छ भने सबैभन्दा बढी खुद मुनाफा आर्जन गर्ने निर्धनको चुक्तापूँजी ६० करोड रुपैयाँ मात्र छ ।

३४ लघुवित्त कम्पनीहरुको चुक्तापूँजीको आधारमा तुलनात्मक विश्लेषण सहित प्रश्तुत तालिका बिष्तृत जानकारीको लागि डाउनलोड गर्न निम्न लिंक्समा क्लिक गर्नु होस् !

चुक्तापूँजी तालिका डाउनलोड लिंक

ShareUpdateNepal

त्यस्तै, सबैभन्दा कम चुक्तापूँजी नागबेली लघुवित्तको २ करोड रुपैयाँ मात्र रहेको छ । सिभिल लघुवित्तको चुक्तापूँजी भने १० करोड ५० लाख रुपैयाँ रहेको छ ।

३. जगेडाकोष (Reserve & Surplus):

रुरल माईक्रोफाइनान्सले जगेडाकोषमा सबैभन्दा बढी १ अर्ब ३१ करोड ५३ लाख रुपैयाँ छुटाएको छ भने लगतै त्यसपछि निर्धनको जगेडाकोषमा १ अर्ब २२ करोड ३७ लाख १२ हजार रुपैयाँ छुटाएको छ ।

३४ लघुवित्त कम्पनीहरुको जगेडाकोषको आधारमा तुलनात्मक विश्लेषण सहित प्रश्तुत माथिको तालिका बिष्तृत जानकारीको लागि डाउनलोड गर्न निम्न लिंक्समा क्लिक गर्नु होस् !

जगेडाकोष तालिका डाउनलोड लिंक

ShareUpdateNepal

त्यस्तै, जगेडाकोषको आधारमा सबैभन्दा कम जगेडाकोष सिभिल लघुवित्तको देखा परेको छ । जसकोले रिजर्भ कोषमा जम्मा १८ लाख ६५ हजार रुपैयाँ मात्र जम्मा गरेको छ । 

४. प्रतिशेयर नेटवर्थ (Networth per Share):

प्रतिशेयर नेटवर्थको आधारमा हालैमात्र नेप्सेमा सूचीकृत भएको महुली सामुदायिक लघुवित्तको प्रतिशेयर नेटवर्थ भने अरु सबै माइक्रोफाइनान्सको भन्दा धेरै छ । यसको प्रतिशेयर नेटवर्थ ४४६ रुपैयाँ १५ पैसा छ ।

३४ लघुवित्त कम्पनीहरुको प्रतिशेयर नेटवर्थको आधारमा तुलनात्मक विश्लेषण सहित प्रश्तुत माथिको तालिका बिष्तृत जानकारीको लागि डाउनलोड गर्न निम्न लिंक्समा क्लिक गर्नु होस् !

प्रतिशेयर नेटवर्थ तालिका डाउनलोड लिंक

ShareUpdateNepal

त्यसै गरी,  सबैभन्दा कम प्रतिशेयर नेटवर्थ सिभिल लघुवित्तको १०१ दशमलव ७८ रुपैयाँ मात्र रहेको छ । सूचीकृत ३४ वटा लघुवित्त कम्पनीहरुमध्ये यसको नेटवर्थ भने सबैभन्दा कमजोर माइक्रोफाइनान्सको रुपमा देखा परेको छ ।

५. प्रतिशेयर आम्दानी (Earning per Share - EPS):

प्रतिशेयर आम्दानीबाट कम्पनीले एक कित्ता बराबर कति रुपैयाँ कमायो भन्ने बुझ्न सकिन्छ । लघुवित्त कम्पनीहरुमध्ये चौथो त्रैमासको बित्तिय बिवरण अनुसार महुलीको प्रतिशेयर आम्दानी १०७ रुपैयाँ ९२ पैसा छ । यो लघुवित्त कम्पनीहरुमध्ये दोस्रो बढी प्रतिशेयर आम्दानी हो । यता, प्रतिशेयर आम्दानीमा फरवार्ड कम्युनिटी सबैभन्दा अघि छ । फरवार्डको प्रतिशेयर आम्दानी १२५ रुपैयाँ ३४ पैसा छ । फरवार्ड पनि हालै मात्र नेप्सेमा सूचीकृत भएको हो ।

३४ लघुवित्त कम्पनीहरुको प्रतिशेयर आम्दानीको आधारमा तुलनात्मक विश्लेषण सहित प्रश्तुत माथिको तालिका बिष्तृत जानकारीको लागि डाउनलोड गर्न निम्न लिंक्समा क्लिक गर्नु होस् !

प्रतिशेयर आम्दानी तालिका डाउनलोड लिंक

ShareUpdateNepal

चौथो त्रैमासको बित्तिय बिवरण अनुसार लघुवित्त कम्पनीहरुमध्ये सबैभन्दा कम प्रतिशेयर आम्दानी सिभिल लघुवित्तको ५ रुपैयाँ ९८ पैसा मात्र छ । यसको प्रतिसेयर आम्दानी निराषाजनक छ ।

दोस्रो बजारमा निकै महँगो मूल्यमा शेयर कारोबार हुने माइक्रोफाइनान्स कम्पनीहरु पर्ने गरेका छन् । माइक्रोफाइनान्स कम्पनीहरुको शेयर मूल्यमा उतारचढाव पनि धेरै हुने गर्छ । माइक्रोफाइनान्सको एकै दिनको कारोबारमा पनि शेयर मूल्यमा उल्लेख्य वृद्धि वा गिरावट हुने गरेको छ । यसले गर्दा अल्पकालीन कारोबारीलाई पनि माइक्रोफाइनान्सप्रति आकर्षण हुने गरेको पाइन्छ । आमलगानीकर्तालाई पनि यी कम्पनीको वित्तीय विवरणमा उत्तिकै चासो हुने गरेको छ । लघुवित्त कम्पनीको भाउ माथि नै रहेकाले केही जोखिम भए पनि फाइदा पनि उच्च हुने हुँदा लगानीकर्ताको आकर्षण यसमा बढेको हो ।

श्रोत: नेपालीपैसा , २०७४ भदौ १३ मंगलबार !

यो पनि पढ्ने कि !

माइक्रोफाइनान्स फेरि पनि अब्बल, निर्धन र फरवार्डले छलाङ मार्दा अरु पनि छैनन् कमजोर

Most Commercial Banks Successful Maintaining Low Non-Performing Loan (NPL) Despite Huge Business Growth !

Non-performing loans (NPL), simply known as bad loans represents the portion of loans whose timely principal or interest are not received by the banks. Moreover, it is the fundamental ratio which shows percentage of loans which are default on scheduled payment of principal or interest.

NPL above 5% is considered to be riskier. So, investors must be cautious with the bank having high NPL before investing. Thus, more the NPL, more will the risk for banks and vice versa. Risk in the sense that higher NPL restricts the banks from providing dividends to its shareholders from the profit it earned and also it increases its risk weighted assets for which bank needs to maintain extra capital. This case may be the vital factor for diminishing the goodwill of the bank as well. Following are the main conditions on which loans loss provisions are made, incase;

• If lender becomes bankrupt
• It lender disappears or becomes out of contact
• If loans are misused
• If lenders are blacklisted by Credit Information Bureau (CIB)
• If lenders make delayed in payment of principal and interest as per scheduled set by Nepal Rashtra Bank (NRB).

Moreover, NPL is negative indicator which reduces the cash flows of the banks. NPL also reduces net profit as higher NPL compels banks to make higher loan loss provisions. Loan loss provisions are calculated as per the nature of loans which are basically categorized into 4 types and according to time duration of default by the lenders, percentage for the provision are determined.

Below table shows the NPL of last 4 fiscal year (FY):

Note: while calculating average NPL, NPL above 5% is not included as NPL of some banks above 5% may
affect the average NPL.

From the above data in the FY 2073/74, Sanima Bank Limited (SANIMA) stood at the top of table with NPL of 0.01% only, followed by Nepal SBI Bank Limited (SBI) and Standard Chartered Bank Nepal Limited (SCB) with NPL of 0.1% and 0.19% respectively. Civil Bank Limited (CBL), Prabhu Bank Limited (PRVU) and Nepal Credit and Commerce Bank Limited (NCCB) has highest NPL among the commercial bank above 4%. Average NPL stands at 1.55%.

Source: Sijan Bajracharya, ShareSansar; Monday August 28, 2017.

Also, Check These Out:

Best Insurance in Current Market Scenario? Comparative Study of Insurance’s Q4 of FY 2073/74 !


Not To Miss Current SIX Right Shares of These Companies !!! (Details with Right Checks, Financial Analysis and Download Links)


How to apply for Nepal Hydro IPO using online ASBA service (Step-by-Step Process of Global IME Bank online ASBA)


Do Investors Need to Apply Huge Amount on Upcoming IPO of Nepal Hydro & FPO of Pokhara Finance?


Know 3 Ways How You Can Lose All of Your Money in the Stock Market !


Why People are Skeptical About Bitcoin, 5 Reasons !


Why every investor should hold dividend stocks !


5 Stock Picks That Warren Buffett Has Blown !


Buy And Hold: Be An Investing Expert Like Warren Buffett

वाणिज्य बैंकमा शेयर लगानी : कुन संस्था कति रिस्की ? हेर्नुहोस्, कसले दिन्छन् सबैभन्दा बढी मुनाफा ।

खराब कर्जा भनेको पूर्णतः डुबेको लगानी पनि होइन । हाल सबैभन्दा बढी खराब कर्जा रहेको प्रभु बैंकको स्थिति सुधारोन्मुख हो ।

लगानी गर्न चाहनेले सबैभन्दा अगाडि आफूले लगानी गर्न चाहेको क्षेत्रका बारेमा चासो र जानकारी राख्नुपर्ने हुन्छ । अझै लगानीका क्षेत्रमध्ये पनि एकदमै गम्भीर हुनुपर्ने क्षेत्र शेयर बजारमा त झनै यसबारेमा चनाखो रहनुपर्दछ । यस आलेखमा नेपालका प्रमुख वाणिज्य बैंक तथा विकास बैंकमा देखिएको नाफाको दर तथा खराब कर्जाको आधारमा कुन बैंकमा लगानी गर्नु कति रिस्की छ भन्नेबारेमा प्रस्तुत गर्न लागिएको छ । हामीले यस आलेखका लागि चालु आवको पहिलो त्रैमासमा बैंक तथा विकास बैंकहरुले प्रस्तुत गरेको विवरणलाई आधार मानेका छौँ ।

Read more: वाणिज्य बैंकमा शेयर लगानी : कुन संस्था कति रिस्की ? हेर्नुहोस्, कसले दिन्छन् सबैभन्दा बढी मुनाफा ।

Source: nigarani

सेयर बजार धेरै घट्दा तपाइँले किन्ने कम्पनीको सेयर कति सुरक्षित ? ( सेयरको बजार मूल्य, प्रति सेयर आम्दानी र मूल्य आम्दानी अनुपातको तुलनात्मक अध्ययनसहित)

लगातारको गिरावट आएर सेयर बजारमा झण्डै चार खर्बले बजार पूँजीकरण घटेको बेला सेयर किनबेच गर्दा तुलनात्मक अध्ययन गरेर लगानी गरे जोखिमबाट बच्न सकिन्छ । सेयर मूल्य कति घट्यो भन्ने हिसाब त सजिलै निकाल्न सकिन्छ तर त्यो कम्पनीको प्रति कित्ता सेयर मूल्य र प्रति सेयर आम्दानीको आधारमा मूल्य आम्दानी अनुपात (पीई रेसियो) निकालेर आफुले किनबेच गर्ने सेयरमा जोखिम कति छ भनेर जोख्नु चाँही गाह्रो काम हो ।

Read more: सेयर बजार धेरै घट्दा तपाइँले किन्ने कम्पनीको सेयर कति सुरक्षित ? ( सेयरको बजार मूल्य, प्रति सेयर आम्दानी र मूल्य आम्दानी अनुपातको तुलनात्मक अध्ययनसहित)

Source: merolagani

बदलिँदो परिस्थितिबाट सेयर बजारमा यसरी लाभ लिनुहोस् ।

सेयर बजार उचालिएर माथि पुगेको बेला नयाँ लगानीकर्ताको प्रबेश जोखिमपूर्ण हुन्छ । तर जब बजार हदैसम्म घटेर तल आएको हुन्छ यस्तो बेलामा नयाँ लगानीकर्ताहरु प्रबेश गर्नु सुरक्षित हुन्छ । अहिले पनि नयाँ लगानीकर्ताको लागि पुरै सुरक्षित त छैनन् तर सेयर मूल्य तल आएका, लाभांश दिनसक्ने खालका, मूल्य आम्दानी अनुपात २० भन्दा कम भएका, केही तोकिएका कम्पनीहरुको हकमा साना लगानीकर्ताको प्रबेश सुरक्षित छ । सामुहिक लगानी कोषको ईकाई दोस्रो बजारबाट किन्दा पनि सुरक्षित नै छ ।

Read more: बदलिँदो परिस्थितिबाट सेयर बजारमा यसरी लाभ लिनुहोस् ।

Source: arthatantra

सेयर बजारमा लगानी गर्ने सोच्दैनुहुन्छ ? यो लेख तपाईलाई काम लाग्न सक्छ !

पछिल्लो समयमा सेयर बजारप्रति सर्वसाधारणको आकर्षण बढ्दै गएको छ । आफुसंग भएको केही रकम लगानी गर्दा धेरै प्रतिफल पाउने आशमा ठुलो संख्यामा नयाँ लगानीकर्ता समेत सेयर बजारमा प्रवेश गरिरहेका छन् । साधारण सेयरमा होस् वा दोस्रो बजारमा लगानीकर्ता ओइरिने क्रम बढ्दो छ । तर बजारमा बिचारै नपुर्याई लगानी गर्दा लगानी फस्ने जोखिम पनि उत्तिकै रहेको छ ।

Read more: सेयर बजारमा लगानी गर्ने सोच्दैनुहुन्छ ? यो लेख तपाईलाई काम लाग्न सक्छ !

Source: arthatantra

बैंकको २ करोड ५ सय २४ कित्ता सेयर किनेका सेयर धनीहरु डुब्ने खतरामा !

काठमाण्डौं । एक अर्कामा गाभिएर संयुक्त कारोबार सुरु गरेका दुई कम्पनी प्रभु र ग्राण्ड बैंकमा राष्ट्र बैंकले प्रभुको मात्रै सेयर कारोबार खुला गरेपछि ग्रान्ड बैंकको २ करोड ५ सय २४ कित्ता सेयर किनेका सेयरधनीहरु डुब्ने खतरामा पुगेकाछ ।

मर्जर पश्चात दुवैको सेयर प्रभुको नामबाट कारोबार हुनुपर्ने थियो। तर प्रभु बैंकले ग्रान्डको सेयर आफ्नोमा कन्भर्ट नगरेपछि यस्तो अवस्था सिर्जना भएको स्रोतले बताएकोछ । आफूमा ग्राण्डको सेयर कन्भर्ट नगरेका कारण अहिले राष्ट्र बैंकले प्रभुको मात्रै सेयर कारोबार खोलेको बताइएकोछ ।

Read more: बैंकको २ करोड ५ सय २४ कित्ता सेयर किनेका सेयर धनीहरु डुब्ने खतरामा !

Source: arthatantra

६ म्युचुअल फण्डको मासिक रिपोर्ट : ३ फूके, ३ खुम्चिए ।

सिद्धार्थ ग्रोथ, सिद्धार्थ इक्वीटी, एनआइबिएलका नेट एसेट भ्यालू घट्यो, ग्लोबल, लक्ष्मी र नवीलको बढ्यो ।

काठमाण्डौ । पछिल्लो समय सामान्य लगानीकर्ता म्युचुअल फण्डतर्फ आकर्षित छन् । सेयर भन्दा यस्ता स्किममा लगानी कम जोखिमपूर्ण हुने ठानेर लगानीकर्ता आकर्षित भएका मानिएको छ । 

यसको पछिल्लो प्रमाण दुई कम्पनीले खुलाएका ८० करोड र १ सय अर्ब बढीको म्युचुअल फण्डमा परेको अचाक्ली आवेदन पनि एक हो । 

बैंक तथा बित्तीय संस्थामा लामो टर्ममा पैसा राख्दा जति ब्याज पाइन्छ, त्यस्ता बचतकर्ताले म्युचुअल फण्डमा लगानी गर्दा बढी नाफा प्राप्त गर्छन । यसमा सेयर बजारको भन्दा कम जोखिम हुन्छ । सेयर मार्केटमा कतिपय लगानीकर्ता आफैंले सेयर छनौट गर्न नसक्ने खालका हुन्छन् । तर, म्युचुअल फण्डको छनौट चाहि उसले मज्जाले गर्नसक्छ।

Read more: ६ म्युचुअल फण्डको मासिक रिपोर्ट : ३ फूके, ३ खुम्चिए ।

Mutual Funds of Nepal

Source: bizshala

सेयर बजार घट्दैछ, नआत्तिनुहोस्, यो जोखिमको क्षेत्र हो, यसरी जोगाउनुहोस् लगानी !

नेपाल सेयर बजार दिनदिनै तल जाँदै गर्दा कतिपय लगानीकर्ताको ओठ तालु सुक्न थालेको छ । केही महिनाअघि सेयर बजार तीब्र रुपमा बढ्न थाल्दा बजारमा प्रबेश गरेका नयाँ र साना लगानीकर्ता बजार खस्दा बढी आत्तिने नै भए कतिपय ठूलो संख्यामा सेयर उठाएका, करोड करोड लगानी गरेका ब्यापारिक मानसिकताका लगानीकर्ताहरुमा पनि अभुतपूर्व संकटको अबस्था आए जस्तो भएकोछ ।

Read more: सेयर बजार घट्दैछ, नआत्तिनुहोस्, यो जोखिमको क्षेत्र हो, यसरी जोगाउनुहोस् लगानी !

Source: arthatantra

म्युचल फण्ड भनेको के हो ?? सामान्य जानकारी सहित

काठमाडौँ, २०७३ भाद्र ३१ : सामान्यतया म्युचल फण्ड (Mutual Fund) भनेको धेरै साना-साना लगानीकर्ताहरुबाट संकलित कोष हो जसको व्यवस्थापन र संचालन पोर्टफोलियो म्यानेजरले गर्ने गर्छन । जो व्यक्तिलाइ दोश्रो बजार अर्थात् ब्रोकरबाट शेयर खरिद-बिक्रि गर्न जोखिम महसुस गर्छन तिनीहरुको लागि म्युचल फण्ड भनेको राम्रो लगानीको अवशर हुनसक्छ !

Read more: म्युचल फण्ड भनेको के हो ?? सामान्य जानकारी सहित

Source: nepbizinfo