लौ हेरौं नबील बैंकको प्रगति - तीन अर्ब ६२ करोड आठ लाख रुपैयाँ खुद मुनाफा २८ प्रतिशतले वृद्धि, लाभांश क्षमता ४७ प्रतिशत !

नबील बैंक लिमिटेड (Nabil Bank Ltd., NABIL) ले आर्थिक वर्ष २०७३/७४ को चौथो त्रैमासमा तीन अर्ब ६२ करोड आठ लाख रुपैयाँ खुद मुनाफा कमाउन सफल भएको छ । गत आर्थिक बर्ष २०७२/७३ को तुलनामा यो २८ दशमलव ४२ प्रतिशतले वृद्धि गरेको हो । बैंकले अघिल्लो आ. व. को अन्त्यसम्ममा दुइ अर्ब ८१ करोड ९३ लाख रुपैयाँ कमाएको थियो । बैंक ठूलो भएमा उसले गर्ने प्रगतिको दर झन् धेरै बढ्दै जान्छ भन्ने कुराको उदाहरण नबिल बैंकले देखाएको छ । गत आर्थिक बर्षको प्रगति बिबरण पस्कदा नबिलले समकालीन बाणिज्य बैंकहरुलाई उछिन्दै सबैभन्दा अगाडि रहने संभावना देखाएको हो । ११ महिनासम्ममा अन्य कुनै पनि बैंकले तीन अर्ब नाफा कमाउन नसकेकाले नबिल नै सर्वाधिक कमाउने बैंक बन्ने निश्चितप्रायः भएको छ ।

ShareUpdateNepal

बैंकले गत आर्थिक बर्षमा खुद ब्याज आम्दानी पाँच अर्ब ४५ करोड रुपैयाँ गरेको छ भने अघिल्लो बर्षमा बैंकको यस्तो आम्दानी ४ अर्ब ३२ करोड रुपैयाँ थियो । बैंकले जगेडा कोषमा करिब तीन अर्ब थपेर नौ अर्ब तीन करोड तीन लाख रुपैयाँ कायम गरेको छ । नबिल बैंकको रिजर्भमा नौ अर्ब १० करोड रुपैयाँ रहेको छ । अघिल्लो आ. व. को अन्त्यसम्ममा सो मात्रा छ अर्ब १३ करोड रहेको थियो । निक्षेप संकलनमा नविल बैंक खर्बपति क्लबमा उक्लिन सफल भएको छ । वित्तिय क्षेत्रमा निक्षेप वृद्धि हुन नसकि रहेको बेला नविलले एक बर्षमा १२ अर्ब रुपैयाँ निक्षेप बढाएको छ । बैंकसँग १७ अर्ब ४७ करोड रुपैयाँ विदेशी मुद्रा निक्षेप समेत रहेको छ। यो अवधिमा नबील बैंकले निक्षेपमा अघिल्लो वर्षको तुलनामा सात दशमलव २७ प्रतिशतले वृद्धि गरी एक खर्ब १८ अर्ब ८९ करोड ६१ लाख रुपैयाँ संकलन गरेको छ । जसबाट बैंकले कर्जामा ९१ अर्ब ४९ लाख रुपैयाँ ऋण लगानी गरेकोे छ जुन अघिल्लो वर्षको तुलनामा १८ दशमलव १८ प्रतिशतले वृद्धि गरेको हो । यसरी एक बर्षमा १४ अर्ब रुपैयाँले बैंकको कर्जा लगानी बढेको हो । बैंकले कर्जा लगानी गरी खुद व्याज आम्दानी २६ दशमलव २१ प्रतिशतले बढेर पाँच अर्ब ४५ करोड ९५ लाख रुपैयाँ पुगेको छ ।

नबिलले जोखिम ब्यवस्थापनका सबै उपाय अबलम्बन गरी निक्षेप संकलन र कर्जा बिस्तार गरेर खुद नाफा कमाईमा उल्लेखनीय बढोत्तरी गरेको छ । अरु बाणिज्य बैंकहरुले तछाड मछाड गर्दै निक्षेप र कर्जाको ब्याज बढाएर कोषको लागत धान्नै नसक्ने अबस्थामा पुर्याएपनि नबिल भने आफ्नै सुरमा रह्यो । उसको कोषको लागत ‘कष्ट अफ फण्ड’ दुइ दशमलव ७० प्रतिशत मात्र रहँदा अघिल्लो आर्थिक बर्षको तुलनामा शुन्य दशमलव ६२ प्रतिशत बिन्दुले बढेको हो । तथापी अरु बैंकको तुलनामा नविलको कष्ट अफ फण्ड अझै पनि न्यून छ । नबिलले आठ अर्ब छ करोड ब्याज आम्दानी गरेकोमा दुई अर्ब ६० करोड मात्र ब्याज खर्च गर्नुपर्यो । त्यसैगरी बैंकको सञ्चालन मुनाफा २५ दशमलव ७८ प्रतिशतले वृद्धि गरी पाँच अर्ब ४६ करोड ४५ लाख रुपैयाँ पुगेको छ । बैंकले प्रोभिजनमा एक करोड ९३ लाख रुपैयाँ राखिएको छ भने चार करोड २९ लाख रुपैयाँ खराब कर्जा उठाउन सफल भएको छ ।

बैंकको पूँजी कोष अनुपात समेत फराकिलो बनेको छ । जुन अघिल्लो बर्ष ११ दशमलव ७३ प्रतिशत रहेको पूँजी कोष अनुपात एक दशमलव ६१ प्रतिशतले बढेर १३ दशमलव ३४ प्रतिशत रहेको छ भने निष्कृय कर्जातर्फ शुन्य दशमलव ३५ प्रतिशतले घटेर एक दशमलव १४ प्रतिशत रहेको छ । बैंकले निस्क्रिय कर्जालाई घटाएर शुन्य दशमलव ७९ प्रतिशतमा झारेको छ भने बैंकको लागत खर्च दुइ दशमलव आठ प्रतिशत रहेकोमा त्यो बढेर यो वर्ष दुइ दशमलव ७० प्रतिशत पुुगेको छ । यद्यपी बैंकको प्रति सेयर आम्दानी केही घटेको छ । बैंकको यो बर्षको प्रति शेयर आम्दानी वार्षिक ५८ दशमलव ५४ रुपैयाँ छ भने प्रति शेयर नेटवर्थ दुइ सय ४६ रुपैयाँ, तरलत अनुपात २५ दशमलव ८४ प्रतिशत र मूल्य आम्दानीेको अनुपात २६ दशमलव शुन्य दुइ गुणा कायम भएको छ ।

नविल बैंकको चुक्ता पूँजी हाल छ अर्ब १८ करोड ५५ लाख रुपैयाँ छ। गत बर्षको नाफाबाट बैंकले वोनस शेयर जारी गरि बैंकले पूँजी आठ अर्ब रुपैयाँ पुर्याउनेछ । बैंकले कम्तीमा एक अर्ब ८२ करोड रुपैयाँको बोनस शेयर प्रदान गर्नुपर्ने हुन्छ, जुन करिब ३० प्रतिशत हुन आउँछ । करिब ६० प्रतिशत प्रतिशेयर आम्दानी गरेको सो बैंकले सोपछि पनि ३० प्रतिशतसम्म नगद लाभांश दिन सक्ने क्षमता राख्दछ । यसरी हालको चुक्ता पुँजी र मुनाफाको आधारमा बैंकले शेयरधनीहरुलाई अझ ४७ प्रतिशतसम्म पनि लाभांश दिन सक्ने देखिन्छ । बैंकको रिजर्भमा पनि प्रशस्त रकम रहेकाले लगानकिर्ताहरुले उल्लेख्य लाभ पाउन सक्ने सम्भावना प्रशस्तै छ । अन्य ठुला बैंकहरुको प्रतिशेयर आम्दानीमा भारी गिरावट आएको भए पनि नबिलले भने आफ्नो शाख उच्च बनाएको हो ।

नविल बैंकको आर्थिक बर्ष २०७२/७३ र २०७३/७४ को चौथो त्रैमासिक बित्तिय प्रतिबेदन हेर्न निम्न लिंक्समा क्लिक गर्नुहोस् !

२०७३/७४ बित्तिय प्रतिबेदन लिंक

२०७२/७३ बित्तिय प्रतिबेदन लिंक

कम्पनी विश्लेषण लिंक

२०७४ साउन २१ शनिबार , सेयरअपडेटनेपाल
यो पनि पढ्ने कि !

Nabil Bank posts tremendous growth in Q4; Reserve surges by 47.48% to Rs 9.03 arba, EPS at Rs 58.54 -sharesansar
नबिलले गर्यो यस्तो प्रगति, नाफा साढे ३ अर्ब माथि ! -arthasarokar
तीन अर्ब ६२ करोड खुद नाफा कमाउने नबिल बैंक सबैभन्दा अगाडि हुने संभावना -merolagani
नबिल बैंकको मुनाफा २८ प्रतिशतले वृद्धि, लाभांश क्षमता ४७ प्रतिशत -aarthiknews
नविल बैंकले कमायो सुपर नाफा, खुद आर्जन तीन अर्ब ६२ करोड, ४५% सम्म लाभांश दिन सक्ने -bizmandu
नबिल बैंकको नाफा ३६२ करोड, शेयरधनीलाई लाभैलाभ, सर्वाधिक कमाउने बैंकमा बोनसको यस्तो सम्भावना -nigarani

नबिल बैंकको उत्साहजनक प्रगति, खुद नाफा २८.४३% वृद्धि हुँदा पुग्यो ३ अर्ब ६२ करोड माथि -nepalipaisa

नबिल बैङ्क लिमिटेड : कम्पनी विश्लेषण -dhitopatra
३ अर्ब ६२ करोड कमाउन सफल नबिल बैंक -investonepal
Nabil Bank profit surges by 34.67% in Q4; reserve increased to Rs 7.59 arba -sharesansar

लौ हेरौं महुली सामुदायिक लघुवित्तको प्रगति - चार करोड ३१ लाख ६९ हजार रुपैंयाँ खुद मुनाफा, चुक्तापूँजीभन्दा नाफा बढी !

महुली सामुदायिक लघुवित्त वित्तीय संस्था (Mahuli Samudayik Laghubitta Bittiya Sanstha Ltd., MSLBSL) ले आर्थिक वर्ष २०७३/७४ को चौथो त्रैमासमा खुद मु्नाफामा चार करोड ३१ लाख ६९ हजार रुपैयाँ कमाएको छ ।गत आर्थिक वर्षको तुलनामा यो एक दशमलव ४२ प्रतिशतले घटेको हो । अघिल्लो गत वर्षको सोहि अवधिमा मुनाफा चार करोड ३७ लाख रुपैयाँ आर्जन गरेको थियो । कर्मचारी बोनस तथा करको आकार अधिक बढेका कारण लघ्वित्तको खुद नाफा अघिल्लो वर्षको तुलनामा केही घटेको हो । केही समय अघि एक लाख २० हजार कित्ता साधारण सेयर निष्काशनले पूँजी बढ्दा नाफामा आएको गिरावटका बिच पनि लघुवित्तको वित्तीय अवस्था राम्रो देखिएको हो ।

ShareUpdateNepal

महुली सामुदायिक लघुवित्तले गत आर्थिक वर्षमा चुक्ता पूँजीभन्दा धेरै खुद नाफा कमाएको हो । चार करोड रुपैयाँ चुक्ता पूँजी भएको महुली सामुदायिकले जगेडाकोषमा १३ करोड ८४ लाख रुपैयाँ राखिएको छ । निक्षेप तथा कर्जाको आकार बढाएर खुद व्याज आम्दानीमा उल्लेख्य सुधार गरेको लघुवित्तले एक करोड ६४ लाख रुपैंया सम्भावित जोखिमका लागि छुट्याएको छ । जसले निक्षेपमा २३ दशमलव ४९ प्रतिशतले वृद्धि गरी ५९ करोड ४९ लाख रुपैयाँ संकलन गरिएको छ । जसले कर्जामा एक अर्ब २१ करोड दुइ लाख रुपैयाँ लगानी गरेको छ । महुली सामुदायिकको खुद व्याज आम्दानी ३२ दशमलव ४७ प्रतिशतले वृद्धि गरेर १५ करोड ५० लाख रुपैयाँ पुगेको छ भने संचालन मुनाफा १४ दशमलव ८१ प्रतिशतले वृद्धि गरेर छ करोड २९ लाख रुपैयाँ पुर्याएको छ । लघुवित्तले एक करोड ८४ लाख रुपैयाँ प्रोभिजनमा राखिएको छ ।

अघिल्लो आर्थिक वर्षमा लघुवित्तको प्रतिसेयर आम्दानी दुई सय तीन रुपैंया ६८ पैसा थियो भने यस आर्थिक बर्षमा प्रतिशेयर आम्दानी वार्षिक एक सय सात रुपैंया ९२ पैसा छ । महुली सामुदायिकको पूँजीकोषको अनुपात १३ दशमलव ८६ प्रतिशत, प्रतिशेयर नेटवर्थ चार सय ४६ रुपैंया १६ पैसा र तरलता अनुपात १२ दशमलव ९० प्रतिशत रहेको छ ।

समिक्षा अवधिमा लघुवित्तको निष्कृय कर्जा अनुपात ०.५२ प्रतिशतबाट बढेर १.८२ प्रतिशत अर्थात् निष्कृय कर्जा आठ दशमलव १४ प्रतिशत पुगेको छ । लघुवित्तको जेगा कोष अघिल्लो आर्थिक वर्षमा नौ करोड ५० लाख रुपैंया रहेकोमा गत आर्थिक वर्षमा १३ करोड ८४ लाख रुपैंया पुगेको छ । कोषको यो आकार चुक्ता पूँजीभन्दा तीन गुणाभन्दा बढी हो ।

महुली सामुदायिक लघुवित्त वित्तीय संस्थाको आर्थिक बर्ष २०७३/७४ को चौथो त्रैमासिक बित्तिय प्रतिबेदन हेर्न निम्न लिंक्समा क्लिक गर्नुहोस् !

२०७३/७४ बित्तिय प्रतिबेदन लिंक

२०७२/७३ बित्तिय प्रतिबेदन लिंक

२०७४ साउन २०शुक्रबार, सेयरअपडेटनेपाल

यो पनि पढ्ने कि !

चुक्तापूँजीभन्दा नाफा बढी, इपीएस १०८ रुपैयाँ -bizshala

प्रतिसेयर आम्दानी १०८ रुपैंया भएको महुली सामुदायिक लघुवित्तको वित्तीय विबरण -merolagani

महुली सामुदायिक लघुवित्त वि. सं. लि.को नाफा ४ करोड ३१ लाख आ.व.०७३/७४ को चौथो त्रैमास -bizmandu

महुली सामुदायिक लघुवित्त वि. सं. लि.को नाफा ४ करोड ३१ लाख आ.व.०७३/७४ को चौथो त्रैमास -arthasarokar

महुली सामुदायिक लघुवित्तको नाफामा सामान्य गिरावट -aarthiknews

महुली सामुदायिक लघुवित्तको चौथो साधारण सभा -newstoday

लौ हेरौं नमस्ते वित्तीय संस्थाको प्रगति - १ करोड ३६ लाख ५९ हजार रुपैंयाँ खुद मुनाफा २३ प्रतिशतले वृद्धि !

नमस्ते वित्तीय संस्था लि. (Namaste Bittiya Sanstha Ltd., NBSL) ले आर्थिक वर्ष २०७३/७४ को चौथो त्रैमासमा खुद मुनाफा एक करोड ३६ लाख ५९ हजार रुपैंयाँ कमाएको छ । गत वर्षको तुलनामा यो २३ दशमलव ३७ प्रतिशतले वृद्धि भएको छ । गत आर्थिक वर्षमा झण्डै दोब्बरले पूँजी बढाएको यस संस्थाको कमाई यस पालि झिनो अंकले बढेको छ । अघिल्लो आर्थिक वर्षको सोहि अवधिमा नमस्ते वित्तीय संस्थाले एक करोड १० लाख ७१ हजार रुपैंयाँ खुद नाफा कमाएको थियो ।

ShareUpdateNepal

संस्थाले समिक्षा अवधिमा चार करोड ६५ लाख रुपैंयाँको चुक्ता पूँजी बढाएर आठ करोड ४० लाख रुपैंयाँ पुर्याएको छ । निक्षेप संकलनको आकार घटेको कम्पनीको कर्जा परिचालनमा सामान्य बढोत्तरी देखिएको छ । संस्थाको निक्षेपमा १५ दशमलव ५१ प्रतिशतले वृद्धि गरी ३४ करोड ३७ लाख रुपैयाँ संकलन गरेको छ । जसबाट संस्थाले कर्जामा २६ करोड ३७ लाख रुपैयाँ लगानी गरेको छ । उसको खुद व्याज आम्दानी ४० प्रतिशतले बढेर दुई करोड चार लाख ५५ हजारबाट बढेर दुई करोड ८६ लाख ७१ हजार रुपैंया पुगेको छ ।

नमस्ते वित्तीय संस्थाको निष्कृय कर्जा अनुपात शुन्य दशमलव ४४ प्रतिशतबाट बढेर शुन्य दशमलव ७२ प्रतिशत पुगेको छ भने कष्ट अफ फण्ड ७ दशमलव ०७ प्रतिशतबाट ६ दशमलव ८१ प्रतिशतमा झरेको छ । संस्थाको प्रतिसेयर आम्दानी १६ रुपैंयाँ २६ पैसा  अर्थात् वार्षिक १६ दशमलव ४४ रुपैयाँ रहेको छ भने मूल्य आम्दानी अनुपात ३३ दशमलव ८२ गुणाले बढी छ र पूँजीकोषको अनुपात ३३ दशमलव ४४ प्रतिशत छ । प्रतिशेयर नेटवर्थ १ सय ४८ दशमलव ५९ रुपैयाँ र तरलता अनुपात ५१ दशमलव ५० प्रतिशत रहेको छ । कम्पनीको जगेडा कोषमा दुई करोड ५३ लाख ८६ हजार रुपैंयाँ सञ्चित छ । 

फाइनान्स वेष्टर्न डेभलपमेण्ट बैंकमा मर्ज हुने प्रकृयामा छ ।

नमस्ते वित्तीय संस्थाको आर्थिक बर्ष २०७३/७४ को चौथो त्रैमासिक बित्तिय प्रतिबेदन हेर्न निम्न लिंक्समा क्लिक गर्नुहोस् !

२०७३/७४ बित्तिय प्रतिबेदन लिंक

२०७२/७३ बित्तिय प्रतिबेदन लिंक

वित्तीय विश्लेषण लिंक

२०७४ साउन १९ बिहिबार, सेयरअपडेटनेपाल ।

यो पनि पढ्ने कि !

नमस्ते वित्तीय संस्था लि. को नाफा १ करोड ३६ लाख आ.व.०७३/७४ को चौथो त्रैमासिक -arthasarokar

नमस्ते वित्तीय संस्थाले बोलायो असार २६ मा विशेष साधारण सभा, वेष्टर्नसँग मर्ज हुने -nepalipaisa

नमस्ते वित्तीय संस्थाको खुद मुनाफा २३ प्रतिशतले वृद्धि गदै १ करोड ३६ लाख कमाए -aarthiknews

नमस्ते वित्तीय संस्था लि. को नाफा १ करोड ३६ लाख आ.व.०७३/७४ को चौथो त्रैमासिक -bizmandu

लक्ष्मी लघुबित्तमा लगानी गर्नु अघि हेरौं यसको प्रगति बिबरण !

लक्ष्मी लघुवित्त वित्तीय संस्था लिमिटेड (Laxmi Laghubitta Bittiya Sanstha Ltd., (LLBS) गत आर्थिक वर्ष २०७३/७४ को चौथो त्रैमासिक वित्तीय विवरण नयाँ आर्थिक वर्ष सुरु भएको पहिलो दिन २०७४ साउन १ गते आइतबार नै सार्वजनिक गरेर लघुवित्त वित्तीय विबरण सार्वजनिक गर्नेमा पहिलो कम्पनी भएको छ । संस्थाले यस आर्थिक वर्षमा खुद मुनाफा ७१ दशमलव ५४ प्रतिशतले वृद्धि गरी १० करोड ७१ लाख १८ हजार रुपैयाँ कमाएको छ । अघिल्लो आर्थिक वर्षको सोही अवधिमा संस्थाले जम्मा छ करोड २४ लाख ४६ हजार रुपैयाँ मात्रै खुद मुनाफा आर्जन गरेको थियो ।

ShareUpdateNepal

गत आर्थिक वर्षको दुई करोड २० लाख रुपैंया बराबरको नगद लाभांस मात्र वितरण गरेको लघुवित्तको जगेडा कोषको आकार पनि बढेको छ । गत आर्थिक वर्षमा शत प्रतिशत हकप्रद जारी गरेर ११ करोडको चुक्ता पूँजीलाई शत प्रतिशतले बढाई २२ करोड रुपैयाँ चुक्ता पुँजी बनाएको लक्ष्मी लघुवित्तले समिक्षा अवधिमा आफ्नो जगेडा कोष सात करोड ८ लाख ८५ हजार रुपैंयाबाट बढाएर १६ करोड ९५ लाख ६६ हजार रुपैयाँ राख्न सफल भएको छ ।

सदस्यहरुबाट गरिने निक्षेप संकलनको आकार झण्डै दोब्बर मात्रामा बढाएको लघुवित्तले लघुवित्त कार्यक्रमका लागि गरेको ऋण प्रवाह पनि भारी मात्रामा बढाएको छ । यसरी आफ्नो निक्षेप ६६ दशमलव २९ प्रतिशतले वृद्धि गरी ६६ करोड १२ लाख ५३ हजार रुपैयाँ संकलन गरेको छ । अघिल्लो वर्षको सोहि अवधिमा ३९ करोड ७६ लाख ५६ हजार रुपैयाँ निक्षेप संकलन गरेको थियो । जसका कारण उसको खुद व्याज आम्दानी ६४ दशमलव ५७ प्रतिशतले वृद्धि गरी १४ करोड ९१ लाख ५१ हजार रुपैंयाबाट बढेर २४ करोड ५४ लाख ५४ हजार रुपैंया पुगेको छ ।

अन्य सञ्चालन मुनाफामा पनि राम्रो सुधार गरेको लघुवित्तको कर्मचारी खर्च तथा अन्य सञ्चालन खर्च बढेका कारण खुद नाफा व्याज आम्दानीको अनुपातमा बढ्न भने नसकेको हो । सम्भावित जोखिमका लागि समिक्षा अवधिमा केही रकम थप गरेर पनि लघुवित्तले सञ्चालन मुनाफा नौ करोड ५८ लाख आठ हजार रुपैंयाबाट ७२ दशमलव ५४ प्रतिशतले बढेर १६ करोड ५३ लाख आठ हजार रुपैंया पुर्याएको छ । लघुवित्तले प्रोभिजनमा एक करोड १५ लाख ५२ हजार रुपैयाँ राखिएको छ भने कर्जामा ५८ दशमलव शून्य तीन प्रतिशतले वृद्धि गरी दुई अर्ब १८ करोड ७९ लाख ७३ हजार रुपैयाँ लगानी गरेको छ ।

लघुवित्तको जोखिमयुक्त सम्पत्ति १७ दशमलव शून्य सात प्रतिशत रहेको छ । जसको प्रतिसेयर आम्दानी वार्षिक ४८ दशमलव ६९ रुपैयाँ रहेको छ । गत आर्थिक वर्षको यसै अवधिमा उसको प्रतिसेयर आम्दानी ५६ रुपैंया ७७ पैसा थियो । पूँजी अनुसार कमाई नबढेका कारण लघुवित्तको प्रतिसेयर आम्दानीमा भने सामान्य संकुचन देखिएको छ । निष्कृय कर्जा अनुपात शून्य दशमलव ३० बाट बढेर शून्य दशमलव ५० प्रतिशत पुगेको लघुवित्तको मूल्य आम्दानी अनुपात ३८ दशमलव २२ गुणाले बढी छ । प्रतिसेयर नेटवर्थ एक सय ७७ दशमलव आठ रुपैयाँ रहेको लघुवित्तको तरलता अनुपात १४ दशमलव ४९ प्रतिशत रहेको छ ।

पूँजी वृद्धिको अनुपातमा कमाईको अनुपात केही कम भए पनि आफुलाई अब्बल बनाउने बाटोमा लघुवित्त अघि बढेको देखिन्छ । राष्ट्रिय स्तरको थोक कर्जा प्रबाह गर्ने लघुबित्त भएकाले राष्ट्र बैंकद्वारा जारी नयाँ मौद्रिक नीतिअनुसार माइक्रोफ़ाइनान्सले आगामी २०७५ साल असार मसान्तसम्म चुक्ता पूँजी ६० करोड पुर्याउनु पर्ने भएको छ।

लक्ष्मी लघुवित्तको आर्थिक वर्ष २०७३/७४ को चौथो त्रैमासिक वित्तीय प्रतिवेदन प्रगति बिबरण तालिका हेर्न र डाउनलोड गर्न निम्न लिंक्समा क्लिक गर्नुस !

प्रगति बिबरण तालिका डाउनलोड लिंक

ShareUpdateNepal

यस लघुवित्तकोको सेयरमा लगानी गर्ने सोच्दै हुनुहुन्छ कि ? लगानी गर्नु पूर्व र यस कम्पनीको सेयर भएका लगानीकर्ताले समेत, एक पटक हेरी हाल्ने कि? कम्पनीको आर्थिक बर्ष २०७२/७३ र २०७३/७४ को चौंथो त्रैमासिक बित्तिय प्रतिबेदन र कम्पनी विश्लेषण हेर्न निम्न लिंक्समा क्लिक गर्नुस !

बित्तिय प्रतिबेदन लिंक - २०७२/७३

बित्तिय प्रतिबेदन लिंक - २०७३/७४

कम्पनी विश्लेषण लिंक - २०७२/७३

कम्पनी विश्लेषण लिंक - २०७३/७४

यो पनि हेर्ने कि ?

लक्ष्मी लघुवित्तको खुद मुनाफामा ७२ प्रतिशतले वृद्धि

लक्ष्मी लघुवित्तको खुद नाफामा यस्तो छलाङ, विबरण सार्वजनिक गर्नेमा पहिलो

वित्तीय विवरण सार्वजनिक गर्नेमा लक्ष्मी लघुवित्त पहिलो, नाफामा गर्यो उल्लेख्य प्रगति

Laxmi Laghubitta earns Rs 10.71 crore in 2073/74; EPS at Rs 48.69

४० प्रतिशत हकप्रद (RIGHT) सेयर निष्काशनको अनुमति प्राप्त विकास बैंकको के कस्तो अवस्था छ त? लगानी गर्नु अघि हेरिहाल्ने कि?

मुक्तिनाथ विकास बैंक लि. (Muktinath Bikas Bank Ltd., MNBBL) ले ४० प्रतिशत (४०%) अर्थात १० बराबर ४ को (१०:४) अनुपातमा हकप्रद निष्काशन तथा विक्री गर्ने अनुमति पुँजी बजार नियामक निकाय नेपाल धितोपत्र बोर्डबाट केही दिन अघि मात्र हाल सालै प्राप्त गरेको छ । बैंकले २०७४ साउन २ गते सोमबार अनुमति प्राप्त गरेको हो । पुँजी वृद्धिको चटारोमा रहेको मुक्तिनाथले अब छिटै नै हकप्रद सेयर निष्काशन गर्नेछ । बैंकले दर्शौ बार्षिक साधारण सभाबाट ४० प्रतिशत हकप्रद बिक्री गर्ने प्रस्ताव पारित गरेको थियो । यसरी नयाँ आर्थिक वर्ष सुरु भएपछि हकप्रद निष्काशनको अनुमति पाउने पहिलो कम्पनी मुक्तिनाथ विकास बैंक बनेको छ । गत आर्थिक वर्षमा प्राइम कमर्शियल बैंकले पहिलो पटक हकप्रद निष्काशनको अनुमति पाएको थियो ।

ShareUpdateNepal

मुक्तिनाथको यस सेयर निष्काशन तथा बिक्री प्रबन्धकको काम एनआइबिएल क्यापिटल लिमिटेडले गर्ने भएको छ । कम्पनीले अब एनआइबिएल क्यापिटल मार्फत हाल कायम पूँजीको ४० प्रतिशतले हुने एक सय रुपैयाँ अंकित मूल्यमा ६१ करोड ७० लाख ८६ हजार ५०४ रुपैयाँको ६१ लाख ७० हजार ८६५.०४ कित्ता हकप्रद सेयर निष्काशन गगर्न लागेको हो । बैंकले गत आर्थिक वर्षमा ५० प्रतिशत हकप्रद बिक्री गरेको थियो भने अघिल्लो आर्थिक वर्षको मुनाफाबाट ३४ प्रतिशत बोनस सेयर गरी ८४ प्रतिशतले पूँजी बढाएको थियो ।

बैंकले गत आर्थिक वर्षमा सबै सूचकमा राम्रो प्रगति गरेको वित्तीय विबरण निकालेको छ । बैंकले गत आर्थिक वर्षमा अघिल्लो आर्थिक वर्षको तुलनामा ३८.२९ प्रतिशतले खुद नाफामा बढोत्तरी गरेको छ । गत आर्थिक वर्षमा बैंकले ४९ करोड ६३ लाख १६ हजार रुपैंया खुद नाफा कमाएको छ । जबकी अघिल्लो आर्थिक वर्षमा उसले ३५ करोड ८८ लाख ७९ हजार रुपैंया मात्र खुद नाफा कमाएको थियो । समिक्षा अवधिमा बैंकले १३ करोड ७४ लाख ३६ हजार रुपैंयाले खृुद नाफा बढाएको हो ।

बैंकले ११ अर्ब २७ करोड रुपैंयाको निक्षेप संकलनलाई बढाएर समिक्षा अवधिमा १६ अर्ब ७७ करोड रुपैंया पुर्याएको छ । त्यसै गरी समिक्षा अवधिमा नौ अर्ब ९० करोड रुपैंयाको कर्जा प्रवाहलाई बढाएर १५ अर्ब ३१ करोड रुपैंया पुर्याएको छ । यसरी निक्षेप र कर्जा प्रवाहमा उल्लेख्य सुधार गर्दा पनि उसले निष्कृय कर्जा अनुपातलाई अझै सुधार गरेको छ । अघिल्लो आर्थिक वर्षमा ०.०९ प्रतिशत रहेको निष्कृय कर्जा अनुपात अहिले ०.०२ प्रतिशतमा सिमित बनेको छ ।

निष्कृय कर्जामा देखिएको सुधार, निक्षेप तथा कर्जा परिचालनमा आएको बढोत्तरीले बैंकको खुृद व्याज आम्दानी ६९ करोड आठ लाख रुपैंयाबाट बढेर एक अर्ब तीन करोड आठ लाख रुपैंया पुगेको छ । कर्मचारी खर्च तथा अन्य सञ्चालन खर्च बढेको बैंकले सम्भावित जोखिमका लागि पाँच करोड ६७ लाख रुपैंया रकम छुट्याएको छ ।

झण्डै ६० लाख रुपैंया राइट व्याक गरेको बैंकले कर तथा कर्मचारीका लागि छुट्याएको बोनसको आकार बढ्दा पनि खुद नाफामा भने उल्लेख्य प्रगति गरेको हो । समिक्षा अवधिमा बैंकले ८३ करोड ८४ लाख ३२ हजार रुपैंयाको चुक्ता पूँजी हकप्रद र बोनसबाट ८४ प्रतिशतले बढाएर एक अर्ब ५४ करोड ५८ लाख ३७ हजार रुपैंया पुर्याएको छ । बैंकको पूँजी र खुद नाफा वृद्धिको अनुपातलाई हेर्दा प्रतिसेयर आम्दानी सन्तुलन हुन नसकेको देखिन्छ ।

बैंकको प्रतिसेयर आम्दानी ३२ रुपैंया ११ पैसा रहेको छ । अघिल्लो आर्थिक वर्षको यसै अवधिमा बैंकको प्रतिसेयर आम्दानी ४२ रुपैंया ८० पैसा थियो । बैंकको मूल्य आम्दानी अनुपात ३०.२४ गुणा बढी रहेको छ भने प्रतिसेयर नेटवर्थ १४९.८ रहेको छ ।

बैंकले पूँजी वृद्धि गर्दै गर्दा पनि जगेडा कोषको आकार उल्लेख्य मात्रा बढाउन सकेको छ । अघिल्लो आर्थिक वर्षमा ५० करोड ३३ लाख ८३ हजार रुपैंया रहेको जगेडा कोषलाई बैंकले यस पटक ७७ करोड ६० लाख ८८ हजार रुपैंयाको बनाएको छ ।

मुक्तिनाथको हाल चुक्ता पूँजी एक अर्ब ५४ करोड ५८ लाख रुपैयाँ रहेकामा यस हकप्रद सेयर निष्कासनपछि चुक्ता पुँजी २ अर्ब १५ करोड पुग्ने छ । राष्ट्र बैंकले तोकेको पूँजी पुर्याउन बैंकले चालु आर्थिक बर्षको अन्त्य सम्ममा दुई अर्ब ५० करोड पुर्याउनु पर्ने हुन्छ । अन्य संस्थासँग मर्जर तथा एक्विजिसनमा नगई आफैँ चुक्तापुँजी पुर्याउन कम्मर कसेको यस बैंकले यसरी नपुग पूँजी गत चालु आर्थिक बर्षको कमाईबाट ३४ करोड रुपैंया बराबरको बोनस सेयर बितरण गर्नु पर्ने हुन्छ ।

बैंकको सेयर साताको अन्तिम कारोबार दिन २०७४ साल साउन ५ गते बिहिबार नेप्सेमा प्रतिकित्ता १०१० मा खुल्ला भई १००९ रुपैयाँसम्मको हाराहारी पछि ९९५ रुपैयाँमा अन्तिम कारोबार भई बन्द भएको थियो ।

यस विकास बैंकको सेयरमा लगानी गर्ने सोच्दै हुनुहुन्छ कि ? लगानी गर्नु पूर्व र यस कम्पनीको सेयर भएका लगानीकर्ताले समेत, एक पटक हेरी हाल्ने कि? कम्पनीको आर्थिक बर्ष २०७३/७४ को चौंथो त्रैमासिक बित्तिय प्रतिबेदन, कम्पनी विश्लेषण र दर्शौ बार्षिक साधारण सभा २०७३ हेर्न निम्न लिंक्समा क्लिक गर्नुस !

बित्तिय प्रतिबेदन लिंक

कम्पनी विश्लेषण लिंक

बार्षिक साधारण सभा लिंक
हकप्रद निष्काशन तथा विक्री अनुमति लिंक

गत सालको शत प्रतिशत पश्चात यस सालमा पनि ८० प्रतिशत हकप्रद (RIGHT) सेयर निष्काशन गर्न लागेको कम्पनीको के कस्तो अवस्था छ त? नउचालिकन हेरिहाल्ने कि?

सिन्धु विकास बैंक लि. (Sindhu Bikas Bank Ltd., SINDU) ले ८० प्रतिसत (८०%) अर्थात १० बराबर ८ (१०ः८) अनुपातमा हकप्रद सेयर निष्काशन तथा विक्री गर्ने अनुमति पूँजी बजार नियामक नेपाल धितोपत्र बोर्डबाट प्राप्त गरेको छ । बैँकले अब छिटै निकट भविष्यमा हाल कायम चुक्ता पूँजीको ८० प्रतिशतले हुने प्रति कित्ता रु १०० अंकित २० लाख ९७ हजार ५ सय ४० कित्ता बराबर २० करोड ९७ लाख ५४ हजार रुपैयाँको हकप्रद सेयर निष्काशन गर्न लागेको छ ।

गत साल शत प्रतिशत हकप्रद सेयर निष्काशन पश्चात कात्तिक ५ गते बसेको बैंकको सञ्चालक समितिको बैठकले उक्त १० कित्ता बराबर ८ कित्ताको अनुपातमा हकप्रद सेयर निष्काशन गर्ने निर्णय गरेको थियो । बैंकले हकप्रद सेयर निष्काशन सम्बन्धी निर्णय पारित गर्न भन्दै कात्तिक २७ गतेका लागि बिशेष साधारण सभा समेत बोलाएर बैंकको सातौँ साधारणसभाले पारित गरेको थियो भने त्यसै साल फागुन १२ गते बोर्डमा निवेदन दिएको थियो र हाल सालै अस्ति असार १५ गते विहीबार मात्रै हकप्रद सेयर निष्काशन तथा विक्री गर्ने अनुमति प्राप्त गरेको हो ।

सिन्धुको यस हकप्रद सेयर निष्काशन तथा बिक्री प्रबन्धकको काम एनआईबीएल क्यापिटल लिमिटेडले गर्ने भएको छ । चालु आर्थिक बर्षको तेस्रो त्रैमासिकमा बैँकको चुक्ता पुँजी २६ करोड २१ लाख ९२ हजार रुपैयाँ रहेको छ । सो अवधिमा बैँकले जगेडा कोषमा ५ करोड ८२ लाख ९७ हजार रुपैयाँ जम्मा गरेको छ । बैँकले २ करोड ५५ लाख ५० हजार रुपैयाँ खुद नाफा कमाउन सफल भएको छ । बैंकको प्रति सेयर आम्दानी १३ रुपैयाँ र प्रति सेयर नेट वर्थ १२२.२३ रुपैयाँ कायम रहेको छ ।

बैंकले गत आर्थिक वर्ष ७२/७३ को कमाईबाट आफ्ना सेयरधनीलाई १६.८ प्रतिशत बोनस शेयर र कर प्रयोजनका लागि ०.८८ प्रतिशत नगद लाभांश समेत वितरण गरेको थियो । बोनस र यस ८० प्रतिशत हकप्रद निष्काशन पश्चात बैंकको चुक्ता पूँजी ४७ करोड १९ लाख रुपैयाँ पुग्नेछ । राष्ट्र बैंकको निर्देशन अनुसार १ देखि ३ जिल्ले विकास बैंकले चालु आर्थिक बर्षको अन्त्यसम्ममा ५० करोड चुक्ता पूँजी पुर्याउनु पर्ने हुन्छ । हकप्रद निष्काशनपछि अब सिन्धुले आफ्नो चुक्ता पूँजी करिब ६ प्रतिशतले बढाउनु पर्ने हुन्छ ।

ठुलो मात्रामा हकप्रद निष्काशन गर्दा प्रतिसेयर आम्दानीमा आउने गिरावट हेरेर विवेकपुर्ण तवरले सेयर खरिद गर्नु उचित देखिन्छ । हकप्रदमा उचालिएर सेयर किन्दा लामो समयका लागि लगानी फस्नेतर्फ सचेत हुनु पर्छ । लगानी गर्नु पहिले यो कुरामा ध्यान पुर्याउन जरुरी छ ।

यस सिन्धु विकास बैंकको सेयरमा लगानी गर्ने सोच्दै हुनुहुन्छ कि ? लगानी गर्नु पूर्व र यस बैंकको सेयर भएका लगानीकर्ताले समेत, एक पटक हेरी हाल्ने कि? बैंकको आर्थिक बर्ष २०७३/७४ को तेश्रो त्रैमासिक बित्तिय प्रतिबेदन, कम्पनी विश्लेषण र सातौँ बार्षिक साधारण सभा २०७३ हेर्न निम्न लिंक्समा क्लिक गर्नुस !

बित्तिय प्रतिबेदन लिंक

कम्पनी विश्लेषण लिंक

बार्षिक साधारण सभा लिंक

सिन्धु विकास बैंकले बोनसपछि ८० प्रतिशत हकप्रद जारी गर्ने, यस्तो छ ५० करोड पुर्याउने योजना ! यो पनि हेरिहालौं कि?

पूर्णिमा विकास बैंक (PURBL) को २५% हकप्रद (RIGHT) खुल्यो, सेयर भर्ने होइन त? कहिलेसम्म, कहाँ, कति र कसरी भर्ने, बिस्तृत लिंक्स सहित !

पूर्णिमा विकास बैंक लिमिटेड (Purnima Bikas Bank Ltd., PURBL) ले २०७४ साल असार १९ गते सोमबारदेखि २५ प्रतिशत अर्थात २५% हकप्रद (Right) सेयर निष्कासन तथा बिक्री आवेदन खुल्ला गरेको छ । बैंकको चार कित्ता साधारण सेयर बराबर नयाँ एक कित्ता साधारण सेयर (४:१) को अनुपातमा हुने आठ करोड ८० लाख ९६ हजार २८२ रुपैयाँ बराबरको एक सय रुपैयाँ अंकित दरका मूल्यमा आठ लाख ८० हजार नौ सय ६२ दशमलव ८२ कित्ता हकप्रद सेयर निष्काशन तथा बिक्रि वितरण गर्दै छ । बैंकको पुस २३ गते सम्पन्न नवौं साधारणसभाले २५ प्रतिशत हकप्रद जारी गर्ने प्रस्ताव पारित गरेको थियो । २५ प्रतिशत हकप्रद बिक्री पछि बैंकको सेयरमूल्य समायोजन ३४० रुपैयाँ कायम भएको छ । बैंकको औसत आधारमूल्य ३६२ रहेको छ । बैंकले गत आर्थिक वर्षको कमाईबाट आफ्नो सेयरधनीलाई २६% बोनस पनि वितरण गरिसकेको छ ।

यस हकप्रद प्रयोजनका लागि बैंकको सञ्चालक समिति बैंठकले गत मिति २०७४ साल जेठ १६ गते मंगलबार नै सेयरधनी दर्ता पुस्तिका समेत बन्द गरिसकेको छ । यसको अर्थ जेठ १५ गते सोमबारसम्म बैंकको सेयर किनेर कारोबार भई नेपाल स्टक एक्सचेन्ज लि.मा बैंकको सेयरमा आफ्नो नाममा नामसारी गरी स्वामित्व कायम गरेका साविक शेयरधनीहरुले मात्र हकप्रदका लागि आवेदन दिन पाउने छन् । यसरी बैंकको यस हकप्रद सेयरमा मिति २०७४ साल जेठ १५ गते सोमसम्म सेयर किनी सकेका कायम सेयरधनीले मात्र आवेदन दिन सक्नेछन् । बैंकको यो हकप्रद सेयर आगामी साउन २२ गते आइतबारसम्म भरी सक्नुपर्ने छ ।

हाल तेस्रो त्रैमाससम्ममा पूर्णिमा विकास बैंकको चुक्तापूँजी ३५ करोड २३ लाख ८५ हजार १३१.६७ रुपैयाँ रहेको छ । नेपाल राष्ट्र बैंकले तोकेको चुक्ता पुँजी पुर्याउन बैंकले २५% हकप्रद सेयर बिक्री खुला गरेको हो । यो हकप्रद बिक्रीबाट बैंकको चुक्तापुँजी थप २५% बृद्धि हुनेछ । यस हकप्रद सेयर निष्कासन बाँडफाँट गरे पश्चात बैंकको चुक्ता पूँजी ४४ करोड चार लाख ८१ हजार ४१४ रुपैयाँ पुग्नेछ । बैंकले नेपाल राष्ट्र बैंकको निर्देशन अनुसार थप रुपैंया पूँजी बिस्तार गर्नु पर्ने हुन्छ । बैंकको सेयर असार १९ गते सोमबार नेप्सेमा प्रतिकित्ता २९२ रुपैयाँसम्मको हाराहारीमा बढेर पछि २८५ रुपैयाँमा अन्तिम कारोबार भई बन्द भएको थियो ।

बैंकले चालु अर्थिक वर्षको तेस्रो त्रैमासमा गत बर्षभन्दा खुद नाफा ७९.६२ प्रतिशतले बढाएर सात करोड ५३ लाख रुपैयाँ कमाएको छ । बैंकको प्रतिसेयर आम्दानी वार्षिक २८ रुपैयाँ ५२ पैसा कायम गरेको छ । बैंकको प्रतिसेयर नेटवर्थ १३३ रुपैयाँ ८३ पैसा छ ।

बैंकको यस हकप्रद सेयर निष्काशन तथा बिक्री प्रबन्धकको काम सिद्धार्थ क्यापिटल लिमिटेडले गर्दै छ । लगानीकर्ताले बैंकको हकप्रद सेयर सिद्धार्थ क्यापिटल लिमिटेड नारायणचौर, नक्साल, काठमाडौं र सिद्धार्थ बैंकको देशभरिका सबै शाखा कार्यालयबाट आवेदन फारम भर्न र बुझाउन सकिने छ । यसैगरी, लगानीकर्ताले पूर्णिमा विकास बैंकको भैरहवा, रुपन्देहीलगायत यसका सम्पूर्ण शाखा कार्यालयबाट पनि हकप्रद दरखास्त फारम प्राप्त गरि भर्न र बुझाउन सक्नेछन् ।

पूर्णिमा विकास बैंकको आइतबारदेखि निष्काशन गरेको यस हकप्रद सेयर बारे बिष्तृत सूचना, जांच र फाराम डाउनलोड गर्न निम्न लिंक्समा क्लिक गर्नुहोला !

हकप्रद सेयर जांच लिंक

हकप्रद सेयर सूचना लिंक

हकप्रद सेयर फाराम डाउनलोड लिंक

हकप्रद सेयर निष्काशन सम्बन्धी व्यवस्था तथा विवरणहरु लिंक

साथै यस बैंकको सेयर भएका लगानीकर्ताहरुले एक पटक हेरी हाल्ने कि ? बैंकको आर्थिक बर्ष २०७३/७४ को तेश्रो त्रैमासिक बित्तिय प्रतिबेदन, कम्पनि विश्लेषण र सेयरधनी दर्ता पुस्तिका बन्द सूचना हेर्न निम्न लिंक्समा क्लिक गर्नुहोस् !

कम्पनि विश्लेषण लिंक

बित्तिय प्रतिबेदन लिंक

दर्ता पुस्तिका बन्द सूचना लिंक

गुडविल फाइनान्स (GFCL) को ६०% हकप्रद (RIGHT) खुल्यो, सेयर भर्ने होइन त? कहिलेसम्म, कहाँ, कति र कसरी भर्ने, बिस्तृत लिंक्स सहित !

गुडविल फाइनान्स लिमिटेड (Goodwill Finance Company Ltd, GFCL) ले २०७४ साल असार १८ गते आइतबारदेखि ६० प्रतिशत अर्थात ६०% हकप्रद (Right) सेयर निष्कासन तथा बिक्री आवेदन खुल्ला गरेको छ । फाइनान्सको १० कित्ता साधारण सेयर बराबर नयाँ ६ कित्ता साधारण सेयर (१०:६) को अनुपातमा हुने २७ करोड २२ लाख ५० हजार रुपैयाँ बराबरको एक सय रुपैयाँ अंकित दरका मूल्यमा २७ लाख २२ हजार पाँच सय कित्ता हकप्रद सेयर निष्काशन तथा बिक्रि वितरण गर्दै छ । ६० प्रतिशत हकप्रद बिक्री पछि फाइनान्सको सेयरमूल्य समायोजन २२४ रुपैयाँ कायम भएको छ । जसको आधारमूल्य २६५ रहेको छ।

यस हकप्रद प्रयोजनका लागि गुडविल कम्पनीको सञ्चालक समिति बैंठकले गत मिति २०७४ साल असार २ गते शुक्रबार सेयरधनी दर्ता पुस्तिका समेत बन्द गरिसकेको छ । यसको अर्थ असार १ गते विहीबारसम्म गुडविलको सेयर किनेर कारोबार भई नेपाल स्टक एक्सचेन्ज लि.मा गुडविलको सेयरमा आफ्नो नाममा नामसारी गरी स्वामित्व कायम गरेका साविक शेयरधनीहरुले मात्र हकप्रदका लागि आवेदन दिन पाउने छन् । यसरी गुडविलको यस हकप्रद सेयरमा मिति २०७४ साल १ गते विहीबारसम्म सेयर किनीसकेका कायम सेयरधनीले मात्र आवेदन दिन सक्नेछन् । फाइनान्सको यो हकप्रद सेयर आगामी साउन २२ गते आइतबारसम्म भरी सक्नु पर्ने छ ।

हाल तेस्रो त्रैमाससम्ममा गुडविल फाइनान्सको चुक्तापूँजी ४५ करोड ३७ लाख ५० हजार रुपैयाँ रहेको छ । नेपाल राष्ट्र बैंकले तोकेको चुक्ता पुँजी पुर्याउन गुडविलले ६०% हकप्रद सेयर बिक्री खुला गरेको हो । यो हकप्रद बिक्रीबाट गुडविलको चुक्तापुँजी थप ६०% बृद्धि हुनेछ । यस हकप्रद सेयर निष्कासन बाँडफाँट गरे पश्चात फाइनान्सको चुक्ता पूँजी ७२ करोड ६० लाख रुपैयाँ पुग्नेछ । गुडविलले नेपाल राष्ट्र बैंकको निर्देशन अनुसार थप सात करोड ४० लाख रुपैंया पूँजी बिस्तार गर्नु पर्ने हुन्छ । गुडविल फाइनान्सको सेयर असार १८ गते आइतबार नेप्सेमा प्रतिकित्ता २११ रुपैयाँसम्मको हाराहारीमा बढेर पछि २१० रुपैयाँमा अन्तिम कारोबार भई बन्द भएको थियो ।

गुडविल फाइनान्सले चालु अर्थिक वर्षको तेस्रो त्रैमाससम्म आइपुग्दा पाँच करोड ८६ लाख ६४ हजार रुपैयाँ खुद नाफा कमाएको छ । गुडविलको प्रतिसेयर आम्दानी वार्षिक १७ रुपैयाँ २४ पैसा र प्रतिसेयर नेटवर्थ १३४ रुपैयाँ २६ पैसा छ ।

फाइनान्सको यस हकप्रद सेयर निष्काशन तथा बिक्री प्रबन्धकको काम एनआइबिएल क्यापिटल लिमिटेडले गर्दै छ । फाइनान्सको हकप्रद सेयर एनआईबिएल क्यापिटल मार्केट्स लिमिटेड, लाजिम्पाट, काठमाडौंका साथै नेपाल इन्भेष्टमेण्ट बैंकका शाखा कार्यालयहरु बीरगञ्ज, बिराटनगर, चिप्ले ढुंगा पोखरा, बुटवल र धनगढीबाट आवेदन फारम भर्न र बुझाउन सकिने छ । त्यसै गरी गुडविल फाइनान्सको केन्दीय कार्यालय, हात्तिसार, कमलपोखरी, काठमाडौ तथा सबै शाखा कार्यालयहरु, डिल्लीबजार, इन्द्रचोक, भक्तपुरको तौमदी, ललितपुरको कुमारीपाटी, सुनसरीको इटहरी, झापाको विर्तामोड, नेपालगंज बाँके, दाङ घोराही, इलाम प्रकाशपथ र फिदीम मेनरोडबाट पनि हकप्रद दरखास्त फारम फारम प्राप्त गरि भर्न र बुझाउन सक्नेछन् ।

गुडविल फाइनान्सको आइतबारदेखि निष्काशन गरेको यस हकप्रद सेयर बारे बिष्तृत सूचना, जांच र फाराम डाउनलोड गर्न निम्न लिंक्समा क्लिक गर्नुहोला !

हकप्रद सेयर जांच लिंक

हकप्रद सेयर सूचना लिंक

हकप्रद सेयर फाराम डाउनलोड लिंक

हकप्रद सेयर निष्काशन सम्बन्धी व्यवस्था तथा विवरणहरु लिंक

साथै यस फाइनान्सको सेयर भएका लगानीकर्ताहरुले एक पटक हेरी हाल्ने कि ? गुडविलको आर्थिक बर्ष २०७३/७४ को तेश्रो त्रैमासिक बित्तिय प्रतिबेदन, कम्पनि विश्लेषण र सेयरधनी दर्ता पुस्तिका बन्द सूचना हेर्न निम्न लिंक्समा क्लिक गर्नुहोस् !

कम्पनि विश्लेषण लिंक

बित्तिय प्रतिबेदन लिंक

दर्ता पुस्तिका बन्द सूचना लिंक

शत प्रतिशत बम्पर उपहार स्वरुप हकप्रद (RIGHT) सेयर दिने तयारीमा लागेको कम्पनीको के कस्तो अवस्था छ त? नउचालिकन हेरिहाल्ने कि?

सानिमा माई हाईड्रोपावर कम्पनी लि. (Sanima Mai Hydropower Company Ltd., SHPC) ले शत प्रतिशत (१००%) अर्थात एक बराबर एक (१:१) अनुपातमा हकप्रद निष्काशन तथा विक्री गर्ने अनुमति पुँजी बजार नियामक नेपाल धितोपत्र बोर्डबाट प्राप्त गरेको छ । कम्पनीले असार १५ गते विहीबार अनुमति प्राप्त गरेको हो । अब कम्पनीले छिट्टै हकप्रद निष्कासन प्रक्रिया अघि बढाउने छ ।

सानिमा माईको यस सेयर निष्काशन तथा बिक्री प्रबन्धकको काम सनराईज क्यापिटल लिमिटेडले गर्ने भएको छ । कम्पनीले अब सनराईज क्यापिटल मार्फत एक सय रुपैयाँ अंकित दरको एक करोड पाँच लाख ५० हजार कित्ता सेयर दुई महिनाभित्रै विक्री गर्नेछ । पहिलो चरणमा संस्थापक र दोस्रो चरणमा सर्वसाधारण सेयरधनीलाई लक्षित गरेर निष्कासन गर्ने तयारी गरिएको छ ।

कम्पनीको चुक्ता पूँजी एक अर्ब पाँच करोड ५० लाख रुपैयाँ रहेकामा हकप्रद विक्रीपछि दुई अर्ब ११ करोड रुपैयाँ पुग्नेछ । चालु आर्थिक बर्षको तेस्रो त्रैमासमा कम्पनीले २६ करोड ९५ लाख रुपैयाँ खुद नाफा कमाएर प्रतिसेयर आम्दानी २४ रुपैयाँ ६७ पैसा र प्रतिसेयर नेटवर्थ १ सय २५ रुपैयाँ ५३ पैसा कायम गरेको छ । यस हाइड्रोपावरको रिजर्भ कोषमा २६ करोड ९५ लाख ९६ हजार रुपैयाँ छ । त्यस्तै, कम्पनीले तेस्रो त्रैमासमा ६३ करोड ८२ लाख ८० हजार रुपैयाँ कुल आम्दानी गरेकोमा बिजुली बिक्रीबाट मात्रै ६३ करोड ३४ लाख ५४ हजार रुपैयाँ कमाउन सफल भएको छ । बिजुली बिक्रीको आम्दानी गत वर्ष भन्दा १४१.७७% ले धेरै हो । गत वर्ष कम्पनीले बिजुली बिक्रीबाट २६ करोड २० लाख ५ हजार रुपैयाँ मात्र आम्दानी गरेको थियो ।

कम्पनीको सेयर बुधबार धितोपत्रको दोस्रो बजारमा प्रतिकित्ता ११८० रुपैयाँमा कारोबार भएको छ । सानिमा माईले हकप्रद विक्री गरेर चुक्ता पूँजी बढाउने भयो भन्दैमा उचालिएर सेयर किन्नु चाँही घातक हुनसक्छ । जलविद्युत्त आयोजनामा लगानी दिर्घकालिन हुने भएकाले तत्कालै ठुलो प्रतिफल पाउन सकिन्न । यो कम्पनीले हाल पूर्वी नेपालमा २२ मेगावाटको माई हाइड्रो इलेक्ट्रिक प्लान्ट र ७ मेगावाटको अर्को जलविद्युत आयोजना संचालन गरिरहेको छ । सेयर विक्रीबाट जम्मा भएको पुँजीबाट ५४ मेगावाटको मध्य तामोर र २८.१ मेगावाटको तल्लो लिखु जलविद्युत आयोजना गरी करिब ८२ मेगावाट क्षमताको दुई महत्त्वपूर्ण निर्माणमा लगानी गर्न आवश्यक पुंजी जुटाउन तयारी गरिएको छ । नेपालको एक मात्र क्रेडिट रेटिङ एजेन्सी इक्रा नेपालले यो कम्पनीको हकप्रदलाई ग्रेड थ्रीको रेटिङ प्रदान गरेको छ । यसको अर्थ यो कम्पनीको आधारभूत अवस्था औसत र सन्तोषजनक छ भन्ने हो ।

धितोपत्र बोर्डले प्रतक्ष्य नियमनकारी निकाय नभएका कम्पनीहरुलाई हकप्रद र थप साधारण सेयर (एफपीओ) विक्री गर्न कठोर मापदण्ड लागु गरेकाले त्यो पुरा गरेपछि सानिमाले हकप्रद विक्री गर्ने स्वीकृति पाएको हो ।

यस सानिमा माई हाइड्रोपावर कम्पनीको सेयरमा लगानी गर्ने सोच्दै हुनुहुन्छ कि ? लगानी गर्नु पूर्व र यस कम्पनीको सेयर भएका लगानीकर्ताले समेत, एक पटक हेरी हाल्ने कि? कम्पनीको आर्थिक बर्ष २०७३/७४ को तेश्रो त्रैमासिक बित्तिय प्रतिबेदन, कम्पनी विश्लेषण र पाँचौं बार्षिक साधारण सभा २०७३ हेर्न निम्न लिंक्समा क्लिक गर्नुस !

बित्तिय प्रतिबेदन लिंक

कम्पनी विश्लेषण लिंक

बार्षिक साधारण सभा लिंक

लिलाममा सेयर बिक्रीको ओईरो लाग्दा आयो सस्तोमा किन्ने अवसर, कति मूल्यमा सकार्ने ?

कम्पनीहरुले हकप्रद जारी गर्दा बिक्री नभएका सेयरहरु लिलाममार्फत बिक्रीमा आउने क्रम तीब्र हुँदा लगानीकर्तालाई सस्तोमा सेयर किन्ने अवसर सिर्जना हुँदै गएको छ । लिलाममा आईरहेका र आउने सेयरको आँकडा हेर्दा लाग्छ, सस्तोमा सेयर किन्ने सुवर्ण अवसर यही हो । तर यस्तो बेलामा पनि उचालिएर बजार मूल्य भन्दा बढीमा लिलाम सकार्ने मुर्खहरु पनि हुन्छन् ।

सेयर लिलामको सूचना हेरौं 

प्रभु ईन्स्योरेन्स (PRIN) को ४२ हजार कित्ता साधारण र पाँच हजार कित्ता संस्थापक सेयर असार ७ गतेसम्म नबिल ईन्भेष्ट मार्फत आबेदन गर्न सकिने गरी लिलाममा आएको छ ।

एनआईसी एशिया बैंक (NICA) ले दुई लाख ९८ हजार कित्ता साधारण सेयर एनआईसी एशिया क्यापिटल मार्फत असार ८ गतेसम्म लिलाममा राखेको छ ।

टुरिजम डेभ्लपमेन्ट बैंक (TDBL) को चार लाख ३८ हजार संस्थापक र दुई लाख ६६ हजार कित्ता साधारण सेयर एनआईबीएल क्यापिटलमार्फत असार १५ गतेसम्म लिलाममा आएको छ ।

नेरुडे लघुवित्त (NLBBL) को झण्डै १५ हजार कित्ता साधारण र ९४ हजार कित्ता संस्थापक सेयर सनराईज क्यापिटलमार्फत असार २० गतेसम्म लिलाम सकार्न सकिने गरी आएको छ ।

सिटिजन्स बैंक (CZBIL) को चार लाख २० हजार साधारण र एक लाख ९९ हजार कित्ता संस्थापक सेयर सानिमा क्यापिटल मार्फत असार २१ गतेसम्म आबेदन गर्न सकिने गरी लिलाममा आएको छ ।

डिप्रोक्स लघुवित्त (DDBL) ले १५ हजार भन्दा कित्ता साधारण सेयर लिलाम गर्दैछ । डिप्रोक्सको सेयर लिलाम सकार्न असार ११ गते भित्रमा नबिल ईन्भेष्टमेन्ट बैंकिड.मा सम्पर्क गरी आबेदन बुझाउन सकिने छ ।

गरिमा बिकास बैंक (GBBL) को तीन लाख ३६ हजार कित्ता साधारण र झण्डै १० हजार कित्ता संस्थापक सेयर असार २३ गतेसम्ममा एस क्यापिटल मार्फत लिलाममा आएको छ ।

नेपाल ग्रामिण बिकास बैंक (NGBBL) ले आफ्नो नाममा रहेको रुरल माईक्रोफाईनान्स डेभ्लपमेन्ट सेन्टर (RMDC) को ८५ हजार कित्ता संस्थापक सेयर लिलाममा निकालेको छ । एनएमबी क्यापिटल मार्फत असार १२ देखि १९ गतेसम्म प्रति कित्ता ५०१ रुपैयाँ वा सो भन्दा बढीमा मूल्य कबुलेर लिलाम सकार्न सक्नेछन् । याद गर्नुपर्ने कुरा के हो भने यी सेयरहरु संस्थापक समूहमै रहने छन् र सकार्न चाहनेले निश्चित प्रक्रिया पुरा गर्नुपर्नेछ ।

नेपाल बैंक (NBL) ले हकप्रदमा नबिकेको एक लाख ८९ हजार कित्ता साधारण सेयर सिभिल क्यापिटलमार्फत बिक्रीमा ल्याउँदैछ । सो सेयर सकार्न चाहनेले असार १९ गतेभित्र आबेदन गरिसक्नुपर्नेछ ।

अरु पनि आउँदैछन्

हालै हकप्रद जारी गरिसकेका, गरिरहेका वा गर्ने तयारीमा रहेका यी कम्पनीका लाखौं कित्ता साधारण र संस्थापक सेयर लिलाममा आउँदैैछन्: 

सिद्धार्थ ईन्स्योरेन्स (SIL)

ज्योति बिकास बैंक (JBBL)

सिद्धार्थ बैंक (SBL)

सनराईज बैंक (SRBL)

एभरेष्ट बैंक (EBL)

एसबीआई बैंक (SBI)

सिद्धार्थ डेभ्लपमेन्ट बैंक (SDBL)

लक्ष्मी बैंक (LBL)

नेपाल बंगलादेश बैंक (NBB)

सानिमा बैंक (SANIMA)

एनबी ईन्स्योरेन्स (NBIL)

फस्ट माईक्रोफाईनान्स (FMDBL)

सहयोगी बिकास बैंक (SBBLJ)

गोर्खाज फाईनान्स (GUFL)

हिमालयन जनरल ईन्स्योरेन्स (HGI) 

माछापुच्छ्रे बैंक (MBL)

कामना बिकास बैंक (KMBL)

लुम्बिनी जनरल ईन्स्योरेन्स (LGIL)

युनाईटेड फाईनान्स (UFL)

रिलायबल माईक्रोफाईनान्स (RMFL)

पूर्णिमा बिकास बैंक (PURBL)

कन्काई बिकास बैंक (KNBL)

कन्चन डेभ्लपमेन्ट बैंक (KCDBL)

सप्तकोशी डेभ्लपमेन्ट बैंक (SKDBL)

गुडविल फाईनान्स (GFCL)

यी कम्पनीको पनि हिसाब जोड्नुहोस

हकप्रदको स्वीकृति माग्दै धितोपत्र बोर्डको दैलो चाहारिरहेका यी साना कम्पनीको हिसाब पनि यहाँ जोड्नुपर्छ:

अरुण फाईनान्स (ARUN)

जनरल फाईनान्स (GFL)

ग्रिन डेभ्लपमेन्ट बैंक (GRDBL)

किसान माईक्रोफाईनान्स (KMFL)

माउन्ट मकालु डेभ्लपमेन्ट बैंक (MMDBL)

आरएडडीसी लघुवित्त (RSDC)

जेबिल्स फाईनान्स (JEBL)

अरु बाँकी छन् 

धितोपत्र बोर्डमा आबेदन दिएर स्वीकृति पाउन बाँकी प्रभु बैंक (PRVU), सेन्चुरी कमर्शियल बैंक (CCBL), एशियन लाईफ (ALICL), मुक्तिनाथ बिकास बैंक (MNBBL) को त हिसाब गर्नै बाँकी छ । 

यस बर्ष हकप्रद स्वीकृति पाउनेको हिसाब गर्दा अझै दुई करोड कित्ता हाराहारीमा सेयर लिलाममा आउला कि भन्ने आँकलन सही सावित हुने देखिन्छ । 

ठूला कित्ता सेयरहरु लिलाममा आउने भएकाले सस्तोमा सेयर किन्ने यो नै अन्तिम अवसर हैन । आफ्नो लगानी क्षमता बलियो बनाएर राख्नुस, फाईदा लिने अवसर धेरै आउँदैैछ ।

लिलाम सकार्दा बिचार गरौं

यी सेयरहरु एक सय रुपैयाँ भन्दा बढी मूल्यमा गोप्य सिलबन्दी बोलपत्रद्धारा लिलाम सकार्न सकिने छ र आबेदन गर्दा कम्तिमा एकसय कित्ता र त्यसपछि १० ले भाग जाने गरी माग गर्नुपर्नेछ ।

धेरै कम्पनीको हकप्रद बिक्री नभएर लगानीकर्तालाई सस्तोमा सेयर किन्ने अबसर आउँदै गरेकाले बजार मूल्यको कम्तिमा २० प्रतिशत कम मूल्यमा आबेदन गर्दा फाईदा हुनसक्छ । तर बजार मूल्य हाराहारी वा सो भन्दा माथि गएर लिलाम सकार्ने मुर्खता चाँही कहिल्यै नगर्नुहोस् ।

संस्थापक सेयर भने सम्बन्धित बैंकका संस्थापकले नसकारेको अबस्थामा मात्र सर्बसाधारणले किन्न पाउँछन् र निश्चित प्रक्रिया पुरा गर्नुपर्ने हुन्छ । संस्थापक सेयर १०२, १०३ रुपैयाँ पनि पाईनसक्छ । 

कतिपय राम्रो कम्पनीको साधारण सेयर त आईपीओ लागत मूल्यमै पाईसक्ने संभावना पनि हुन्छ । 

लिलाम सकार्दा पनि जुन पायो त्यही कम्पनीको सेयर हैन राम्रो र आउने साधारणसभामा आकर्षक प्रतिफल दिने सस्तो मूल्यको सेयर छान्नु बुद्धिमानी हुन्छ । खराब कम्पनीको सेयरमा हुने लगानीले फाईदा भन्दा हानी नै बढी गर्ने संभावना हुन्छ । 

लिलाम सकार भई सेयर बाँडफाँड भएको बढीमा एक महिना भित्र सेयर सुचिकरण भईसक्ने गरेको देखिएको छ । त्यस अवधिमा सेयर मूल्यमा हुनसक्ने फेरबदलको अबस्थालाई समेत बिचार गरी सेयर सकार्नु बुद्धिमानी हुनेछ ।

हकप्रदको हल्लामा नउचालिउँ, डुब्न बेर छैन

कुनै पनि कम्पनीको हकप्रद बिक्रीमा आउने भयो भन्दैमा उचालिएर दोस्रो बजारबाट सेयर किन्न भने चटक्कै छाड्नु साना लगानीकर्ताको हितमा छ । जसको जत्ति धेरै प्रतिशत हकप्रद आउने भयो, त्यसको त्यत्ति नै धेरै उचालिएर सेयर किन्नुपर्छ भन्नेहरु नराम्ररी डुब्नेछन् ।

जत्ति खराब कम्पनी भयो, त्यसले त्यत्ति नै धेरै हकप्रद बिक्रीमा ल्याउँछ र लगानीकर्ताबाट पैसा सोहोर्छ भन्ने देखिएकै छ । कम्पनीले हकप्रद दिने हैन, बेच्ने हो । धेरै हकप्रद बिक्री गर्ने कम्पनीको सेयर मूल्य बढ्ने हैन, घट्नुपर्छ किनभने हकप्रद जारी गरेपछि सेयर संख्या बढ्छ र प्रतिसेयर आम्दानी घट्छ, सेयर बजारमा सेयर आपुर्ति बढ्न गई मूल्य पनि घट्छ । 

खराब कम्पनीको सेयर उचालिएर किनी नडुब्नुहोस्, अत्यन्त जिम्मेवारीपूर्वक यो कुरा भनिराखिएकै छ ।

नोटः चित्र ईन्टरनेटबाट लिईएको हो । 

प्रकाशन समयः ३ः०५ बजे, २०७४ असार ५ गते सोमबार

श्रोत: तिलक कोइराला, मेरो लगानी

बीमा कम्पनीको शेयर किन्दै हुनुहुन्छ ? हेर्नुहोस् यस्तो छ जीवन बीमा कम्पनीको पछिल्लो अवस्था !

बजारमा बीमा कम्पनीहरु (INSURANCE COMPANIES) को शेयरप्रति लगानीकर्ताको निकै चासो रहेको हुन्छ । त्यसमा पनि छोटो समयमा शेयर खरिदबिक्री गरेर आफ्नो आम्दानी बढाउने लगानीकर्ता पनि बीमा कम्पनीको शेयरप्रति आकर्षण देखिन्छन् । त्यसमा पनि बीमा समितिले बीमा कम्पनीहरुको पूँजी चार गुणाले बढाउने निर्देशन दिएसँगै यसप्रति लगानीकर्ता थप आकर्षित देखिन्छन् । यस्तैमा आज हामी नेपालमा सञ्चालित जीवन बीमा कम्पनीको पछिल्लो अवस्था केलाउने प्रयास गरेका छौं ।

खुद मुनाफा चुक्ता पूँजी

आर्थिक वर्ष २०७३/७४ को प्रकाशित तेस्रो त्रैमासमा जीवन बीमा कम्पनीहरु मध्ये खुद मुनाफा हेर्दा सबैभन्दा उत्कृष्ट नेपाल लाइफ इन्स्योरेन्स रहेको छ । ४० करोड ९६ लाख रुपैयाँ खुद मुनाफामा कमाएको नेपाल लाईफ इन्स्योरेन्सको चुक्ता पूँजी पनि सबैभन्दा बढी ३ अर्ब ९ करोड ६४ लाख रुपैयाँ रहेको छ । त्यस्तै खुद मुनाफा सबैभन्दा कम राष्ट्रिय बीमा संस्थानको ६६ लाख रुपैयाँ मात्र कमाएको छ । जसको चुक्ता पूँजी पनि सबैभन्दा कम ९३ लाख रुपैयाँ रहेको छ । अघिल्लो वर्षको तुलनामा सबैभन्दा बढी मुनाफा सुर्य लाइफ इन्स्योरेन्स कम्पनीको ६ सय ६२ दशमलव ७५ प्रतिशत र सबैभन्दा कम राष्ट्रिय बीमा संस्थानको २० दशमलव ९१ प्रतिशतले गिरावट आएको छ ।

जगेडाकोष, जीवन बीमाकोष र आम्दानी

जीवन बीमा कम्पनीहरुमध्ये जगेडाकोषमा, बीमा कोष र आम्दानीमा सबैभन्दा बढी नेपाल लाइफ इन्स्योरेन्सको रहेको छ । जगेडाकोषमा सबै भन्दा बढी ४ अर्ब ७३ करोड ३७ लाख रुपैयाँ, बीमाकोषमा ३७ अर्ब १८ करोड ८१ लाख रुपैयाँ र आम्दानी ५४ करोड २१ लाख रुपैयाँ रहेको छ । जगेडाकोषमा सबैभन्दा कम एशियन लाइफ इन्स्योरेन्सको १७ करोड ७४ लाख रुपैयाँ रहेको छ भने बीमा कोषमा सबैभन्दा कम सुर्य लाईफ इन्स्योरेन्सको २ अर्ब १४ करोड ५ लाख रुपैयाँ रहेको छ । आम्दानीमा सबैभन्दा कम राष्ट्रिय बीमा संस्थानको १ करोड ६२ लाख रुपैयाँ रहेको छ ।

प्रिमियम संकलन र जारी बीमालेख संख्या

बीमा कम्पनीहरुको खुद मुनाफा बढ्नु र घट्नुमा प्रिमियम संकलनको प्रमुख भूमिका रहने गर्दछ । नेपाल लाईफ इन्स्योरेन्सले सबैभन्दा बढी खुद प्रिमियम संकलन ७ अर्ब ८१ करोड ७३ लाख रुपैयाँ, जम्मा प्रिमियम संकलनमा पनि सबैभन्दा बढी ४८ अर्ब १० करोड १३ लाख रुपैयाँ र जारी बीमालेख संख्या १० लाख २४ हजार ६ सय ४२ वटा रहेको छ । तेस्रो त्रैमासमा सबैभन्दा कम खुद प्रिमियम गुराँस लाईफ इन्स्योरेन्सको ७० करोड १० लाख रुपैयाँ र बीमा लेख संख्यामा १ लाख ५४ हजार ७७ वटा रहेको छ । जम्मा प्रिमियम संकलनमा सबैभन्दा कम सुर्य लाइफ इन्स्योरेन्सको ८३ करोड ४० लाख रुपैयाँ रहेको छ ।

दाबी भुक्तानी र दाबी भुक्तानी संख्या

चालु आर्थिक बर्षको तेस्रो त्रैमासमा खुद दाबी भुक्तानीको आधारमा सबैभन्दा बढी राष्ट्रिय बीमा संस्थानको २ अर्ब ९३ करोड ३९ लाख रुपैयाँ रहेको छ भने सबैभन्दा कम गुराँस लाइफ इन्स्योरेन्सको ६ करोड ८५ लाख रुपैयाँ रहेको छ । त्यस्तै जम्मा दाबी भुक्तानी र दाबी भुक्तानी संख्यामा सबैभन्दा बढी नेपाल लाइफ इन्स्योरेन्सको रहेको छ । जसको जम्मा दाबी भुक्तानी १ अर्ब ९४ करोड ५७ लाख रुपैयाँ र दाबी भुक्तानी संख्या १७ हजार ८ सय ९५ वटा रहेको छ । जम्मा दाबी भुक्तानी र दाबी भुक्तानी संख्यामा सबैभन्दा कम सुर्य लाइफ इन्स्योरेन्सको १ लाख रुपैयाँ र ५ सय ७४ वटा रहेको छ ।

प्रतिशेयर आम्दानी, प्रतिशेयर नेटवर्थ र बजार मूल्य

तेस्रो त्रैमासमा लाइफ इन्स्योरेन्स कम्पनीमा प्रतिशेयर आम्दानी र प्रतिशेयर नेटवर्थमा सबैभन्दा बढी प्राइम लाइफ इन्स्योरेन्सको २९ दशमलव ३५ रुपैयाँ र २६५ दशमलव ७५ रुपैयाँ रहेको छ । त्यस्तै प्रतिशेयर आम्दानीमा सबैभन्दा कम राष्ट्रिय बीमा संस्थानको ४ दशमलव ९१ रुपैयाँ भने प्रतिशेयर नेटवर्थमा लाइफ इन्स्योरेन्सको १२५ दशमलव ७२ रुपैयाँ रहेको छ ।

प्रतिशेयर बजार मुल्यको आधारमा सबै भन्दा बढी लाइफ इन्स्योरेन्सको २ हजार १ सय ७० रुपैयाँ र सबैभन्दा कम गुराँस लाइफ इन्स्योरेन्सको १ हजार २ सय २५ रुपैयाँ रहेको छ ।

श्रोत: आर्थिकन्यूज, जेष्ठ २० गते शनिबार ।