सहमत छ भने १ क्लिक तल ठोकौं !
This is an interactive blog page on the information on Nepal Stock Exchange (NEPSE) online update. This site will also contains videos and slides on lessons for learning for stock investment as well as interviews too.
Showing posts with label Market. Show all posts
Showing posts with label Market. Show all posts
Wednesday, September 13, 2017
बढ्नु र घट्नु सेयर बजारको नियमित चक्र !
Saturday, September 9, 2017
दशैंसँगै साधारण सभाको चटारो, लगानीकर्तालाई भ्याईं नभ्याईं ! (हेरौं, कुन कम्पनीका कहिले के के प्रस्ताव ?)
आर्थिक बर्षको समाप्तीसँगै र नजिकिदो दशैंसँगै विभिन्न कम्पनीहरुले आ-आफ्नो साधारण सभाको मिति तय गरेका छन् । दशैं अघि मात्रै १६ कम्पनीले साधारण सभाको घोषणा गरेका छन् । यसरी कम्पनीले साधारण सभाको घोषण गरे सँगै लगानीकर्तालाई भने कुन कम्पनीको के के प्रस्ताव पारित हुँदैछ भन्ने तर्फ ध्यान जाने गरेको पाइन्छ ।
नेपाली सेयर बजारमा नगदभन्दा सेयर लाभांशमा लोभीने लगानीकर्ता धेरै छन् । त्यसैले कुन कम्पनीले धेरै बोनस दिन्छ र सेयर किनौँला भनेर प्रतिक्षा गर्नेको पनि कमि छैन ।
फलत: लाभांश घोषणा गर्ने वित्तिकै जुनसुकै कम्पनीहरुको सेयर मूल्य बढ्ने गरेको देखिन्छ । खासगरी नयाँ लगानीकर्ता लाभांश घोषणा हुने वित्तिकै सेयर खरिद गर्ने तर्फ लाग्ने गरेको ब्रोकरहरु बताउँछन् ।
हालसम्म ३ बाणिज्य बैंक, ३ माइक्रोफाइनान्स कम्पनी, २ जलविद्युत् कम्पनी, ५ इन्स्योरेन्स कम्पनी, २ क्यापिटल र नेपाल क्लियरिङ हाउसले साधारण सभाको मिति तय गरेका छन् ।
भदौभित्र साधारणसभा गर्ने कम्पनी ६ रहेका छन् । जसमध्ये एनआईसी एसिया क्यापिटलले भदौ २२ गते, प्राईम लाईफ इन्स्योरेन्सले भदौ २७ गते र नेपाल इन्स्योरेन्सले भदौ २९ गते साधारणसभा आह्वान गरेका छन् ।
भदौ ३० गते नेपाल इन्स्योरेन्स, एनआईसी एशिया र अरुण भ्याली हाइड्रोपावर गरि ३ कम्पनीले साधारणसभा बोलाएका छन् । ङादी ग्रुप पावरले असाेज ४ गते तथा असोज ६ गते सानीमा क्यापिटल, प्रभु क्यापिटल र नेपाल क्लियरिङ हाउस गरि ३ वटा कम्पनीले साधारणसभा बोलाएका छन् ।
आउनुहोस् हेरौं, यस दशैंसँगै कुन कुन कम्पनीका कुन मितिको साधारण सभामा के के प्रस्ताव गर्दै छन् त?
आर्थिकन्यूज |
उल्लेखित १६ विभिन्न कम्पनीका साधारण सभा सम्बन्धित सूचना हेर्न निम्न लिंक्समा क्लिक गर्नुहोस् !
श्रोत: आर्थिकन्यूज, २०७४ भदौ २४ शनिबार ।
यो पनि पढ्ने कि !
Labels:
Announcement,
Annual General Meeting (AGM),
Bonus,
Capital,
Cash,
Commercial Banks,
Company,
Dashain,
Declare,
Dividend,
Hydroelectricity,
Insurances,
Market,
Microfinance,
Nepse,
Proposal,
Right,
Share
Friday, September 1, 2017
आरएसडीसी लघुवित्त (RSDC) को २००% हकप्रद कहिले देखि त? लगानी गर्नु पूर्ब कम्पनि विश्लेषण र बित्तिय प्रतिबेदन एक पटक हेर्ने कि?
आरएसडिसी लघुवित्त वित्तीय संस्था लिमिटेड (RSDC Laghubitta Bittiya Sanstha Ltd., RSDC) ले असोज २ गतेदेखि २०० प्रतिशत बराबरकोे २३ करोड रुपैयाँको हकप्रद निष्काशन गर्ने भएको छ । लघुवित्तले एक बराबर दुई कित्ता अनुपातमा २३ लाख कित्ता हकप्रद सेयर बिक्री गर्न लागेको हो ।
ShareUpdateNepal |
लघुवित्तको सेयर निष्काशन तथा विक्री प्रबन्धक एनआईबिएल क्यापिटल रहेको छ । हकप्रदमा भदौ १५ गतेसम्म कायम रहेका सेयरधनीले सेयर विक्री प्रबन्धकको कार्यालय लाजिम्पाट, आरएसडीसी लघुवित्तको कार्यालय बुटवल, र इन्भेष्टमेन्ट बैंकको उपत्यका बाहिरका सम्पुर्ण शाखा कार्यालयबाट कात्तिक ५ गते गतेसम्म आवेदन दिन सक्नेछन् ।
ShareUpdateNepal |
हाल ११ करोड ५० लाख रुपैयाँ चुक्ता पूँजी रहेको लघुवित्तको हकप्रद निश्कासनपछि चुक्तापुँजी ३४ करोड ५० लाख रुपैयाँ पुग्नेछ ।
राष्ट्र बैंकको निर्देशन अनुसार थोक लघुवित्त कर्जा प्रदान गर्ने संस्थाले २०७५ असार मसान्तसम्ममा न्यूनतम ६० करोड रुपैयाँ चुक्ता पूँजी पुर्याउनुपर्ने भएपछि लघुवित्तले भारी मात्रामा सेयर विक्री गर्न लागेको हो । कम्पनीलाई २५ करोड ५० लाख रुपैँया पूँजी अझै अपुग हुनेछ ।
गत आर्थिक वर्षमा आरएसडीसीले एक करोड ९६ लाख ८७ हजार रुपैयाँ खुद नाफा कमाएर प्रतिसेयर आम्दानी १७ रुपैयाँ १२ पैसा कायम गरेको छ । कम्पनीको सेयर नेप्सेमा विहीबार प्रतिकित्ता ३१२१ रुपैयाँमा कारोबार भएको छ ।
लघुवित्तमा ग्रामीण स्वावलम्बन विकास केन्द्र र लुम्विनी बैंकको मुख्य लगानी रहेको छ । बुटवलमा केन्द्रिय कार्यालय रहेको यो संस्थाले आयआर्जन र रोजगारी सिर्जना गरि आर्थिक विपन्नता र पछौटेपन कम गर्नमा आफ्नो लगानी केन्द्रित गर्दै आएको छ ।
आरएसडीसीको आर्थिक वर्ष २०७३/७४ को चौथो त्रैमासिक बित्तिय प्रतिबेदन एबं कम्पनि विश्लेषण हेर्न र डाउनलोड गर्न निम्न लिंक्समा क्लिक गर्नुहोस् !
यो पनि पढ्ने कि !
Labels:
Asset,
Capital,
double,
Earning,
Financial,
Fiscal Year,
Investor,
Market,
Nepse,
Net Profit,
Net Worth,
NIBL Capital Market Ltd.,
Report,
Right,
RSDC,
RSDC Laghubitta Bittiya Sanstha Ltd.,
Sale,
Share,
Stock,
Trimester
Saturday, August 26, 2017
आकर्षक बोनस पश्चात सर्वाधिक हकप्रद सेयर दिन तत्पर एभरेष्ट इन्स्योरेन्सले मार्यो खुद नाफा छलाङ !
एभरेष्ट इन्स्योरेन्स कम्पनि लिमिटेड (Everest Insurance Company Ltd., EIC) ले गत आर्थिक वर्ष २०७३/७४ को चौथो त्रैमासमा चार करोड ५५ लाख ८९ हजार रुपैंया खुद नाफा कमाएको छ । जुन अघिल्लो आर्थिक वर्षको तुलनामा ६२.१२ प्रतिशत ले खुद नाफा वृद्धि गरेको हो । कम्पनीले अघिल्लो समीक्षा अवधि वर्षमा दुई करोड ८१ लाख २१ हजार रुपैंया खुद नाफा कमाएको थियो । समीक्षा अवधिमा इन्स्योरेन्सको खुद नाफा ६२.१४ प्रतिशतले बढेको हो ।
ShareUpdateNepal |
एभरेष्टले २६ करोड ३३ लाख २१ हजार रुपैयाँ कुल बिमा शुल्क आर्जन गरेको छ । यो अघिल्लो वर्षको भन्दा ४५.३३ प्रतिशत धेरै हो । एभरेष्टले पुनर्बिमा कमिशनबाट ४ करोड ५१ लाख ९१ हजार रुपैयाँ आम्दानी गरेको छ । यो इन्सुरेन्सले गत वर्ष २४ करोड १९ लाख ८३ हजार रुपैयाँ कुल दाबी भुक्तानी गरेको छ । एभरेष्टले १८ हजार पाँच सय ५५ वटा बीमालेख जारी गरेको छ भने २३६ वटा बीमालेख नवीकरण गरेको कम्पनीले एक हजार तीन सय ८० वटा बीमा दाबी भुक्तानी गरेको छ । अब एभरेष्टले १३ करोड ८५ लाख ९३ हजार रुपैंयाको छ सय ६५ वटा बीमा दाबी भुक्तानी गर्न बाँकी छ ।
लगानी कर्जा तथा अन्य आय झण्डै दोब्बरले बढाएर एक करोड १२ लाख १३ हजार रुपैंया पुर्याएको कम्पनीको व्यवस्था फिर्ता वापतको रकम ३० लाख ३० हजार रुपैंयाबाट बढेर तीन करोड ४८ लाख ६० हजार रुपैंया पुगेको छ । व्यवस्था फिर्ताबाट ठूलो रकम उठाएका कारण एभरेष्टको खुद नाफामा भारी वृद्धि आएको हो । यस इन्सुरेन्सको जगेडा कोष अघिल्लो वर्षको तुलनामा ३२.७२ प्रतिशत घटेको छ । अघिल्लो वर्ष १७ करोड ७ लाख रुपैयाँ रहेको जगेडा कोष घटेर ११ करोड ४८ लाख रुपैयाँमा आएको छ । बिमा कोष भने २११.६९ प्रतिशत वृद्धि भएर १५ करोड २३ लाख ३७ हजार रुपैयाँ सञ्चित गरेको छ । बिमा कोषमा अघिल्लो वर्ष ४ करोड ८८ लाख ७३ हजार रुपैयाँमात्र थियो । कम्पनीको खुद नाफामा आएको बढोत्तरीले प्रतिसेयर आम्दानी ३७ रुपैंया ५२ पैसा र प्रतिसेयर नेटवर्थ तीन सय ८१ रुपैयाँ ५३ पैसा कायम भएको छ ।
एभरेष्टको आर्थिक वर्ष २०७३/७४ को चौथो त्रैमासिक वित्तीय प्रतिवेदन प्रगति बिबरण तथ्याँक तालिका हेर्न र डाउनलोड गर्न निम्न लिंक्समा क्लिक गर्नुहोस् !
ShareUpdateNepal |
बिमा समितिले तोकेको चुक्ता पुँजी एक अर्ब पुर्याउन एभरेष्टले बोनस र हकप्रदको बाटो रोजेको हो । २० प्रतिशत बोनस पश्चात एभरेष्टको चुक्ता पुँजी १२ करोड १५ लाख रुपैयाँ कायम भएको हो । त्यस पछि कम्पनीको गएको साधारणसभाले छ सय प्रतिशत हकप्रद बिक्री गर्ने प्रस्ताव पारित गरेर बिक्रीको प्रक्रिया अगाडि बढाएको छ । कम्पनीले उक्त कायम रहेको चुक्ता पूँजी बराबर रकमको प्रत्येक १ कित्ता साधारण सेयर बराबर थप छ नयाँ कित्ता (१:६) को अनुपातमा हकप्रद सेयर निष्काशन तथा बिक्रि वितरणको प्रक्रिया अगाडि बढाउने क्रममा त्यसका लागि कम्पनीले सिद्धार्थ क्यापिटल लिमिटेडलाई बिक्री प्रबन्धक समेत नियुक्त गरी सकेको छ । यसै क्रममा शेयर निष्काशन सम्बन्धी सम्झौतापत्रमा एभेरेष्ट इन्स्योरेन्स कम्पनी लिमिटेडका तर्फबाट प्रमुख कार्यकारी अधिकृत कमल गौतम र सिद्धार्थ क्यापिटल लिमिटेडका तर्फबाट प्रमुख कार्यकारी अधिकृत ध्रुव तिमिल्सिनाले गत साता बुधबार मात्रै हस्ताक्षर पनि गरिसकेको छ ।
तर कम्पनीको उक्त ७२ करोड ९० लाख रुपैयाँ बराबरको ७२ लाख ९० हजार कित्ता अर्थात् छ सय प्रतिशत हकप्रद शेयर बिक्री पश्चात पनि कम्पनीको चुक्ता पुँजी भने ८५ करोड ५ लाख रुपैयाँ मात्र पुग्ने छ । चुक्ता पूँजी ८५ करोड ५ लाख पुग्नेछ ।
लामो समय विवादमा फसेर स्वस्थ बन्दै गरेको कम्पनीले विगतको जस्तो समस्या झेल्न नपरेको अवस्थामा प्रगतिको क्रमलाई राम्राे बनाउँदै लैजाने देखिन्छ ।
साथै यस कम्पनीको सेयर भएका लगानीकर्ताहरुले एक पटक हेरी हाल्ने कि ? कम्पनीको आर्थिक बर्षहरु २०७३/७४ र २०७२/७३ को चौंथो त्रैमासिक बित्तिय प्रतिबेदन र विश्लेषण हेर्न निम्न लिंक्समा क्लिक गर्नुहोस् !
सेयरअपडेटनेपाल: शनिबार १० भदौ २०७४
Labels:
Adjust,
AGM,
Analysis,
Annual General Meeting,
Bonus,
Book Close,
Capital,
EIC,
Everest Insurance Company Ltd.,
Financial Report,
Fiscal Year,
Market,
Nepse,
Price,
Proposal,
Right,
SEBON,
Share,
Shareholders,
Suspend
Wednesday, August 16, 2017
१७ वाणिज्य बैंकमा कुन देखियो तगडा ? हेर्नुहोस प्रतिसेयर आम्दानी, पूँजी, जगेडा तथा प्रतिसेयर नेटवर्थ ! (तथ्याङ्कमा सहित !)
गत आार्थिक बर्षको बित्तीय विवरण प्रकाशन गर्ने क्रममा शुक्रबारसम्म २८ मध्ये १७ बाणिज्य बैंकले आफ्नो बित्तीय विवरण प्रकाशित गरेका छन् । यस अवधिमा १७ बाणिज्य बैंकले कुल २६ अर्ब ८० करोड ४७ लाख रुपैयाँ खुद नाफा गरेका छन् । १७ मध्ये नबलि बैंकले सबैभन्दा धेरै खुद नाफा कमाएको छ भने सबैभन्दा थोरै कमाउनेमा मेगा बैंक रहेको छ ।
सबै बैंकको कुल चुक्ता पूँजी एक खर्ब १२ अर्ब ६० करोड ७५ लाख तथा कुल जगेडाकोष ६२ अर्ब ५४ करोड ६३ लाख रुपैयाँ बराबर छ ।
गत आर्थिक बर्षको बित्तीय बिवरण प्रकाशित गरेका बैंक मध्ये तीन अर्ब ६२ करोड रुपैयाँ खुद नाफा कमाएर प्रतिसेयर आम्दानी ५८ रुपैयाँ ५४ पैसा कायम गर्दे नबिल बैंक सबैभन्दा अब्बल बनेको छ । सबैभन्दा कम प्रतिसेयर आम्दानी रहेको बित्तीय बिवरण सनराईज बैंकले प्रकाशित गरेको छ । सनराईजले एक अर्ब १६ करोड ६९ लाख खुद नाफा गर्दा प्रतिसेयर आम्दानी १६ रुपैयाँ ६६ पैसा कायम भएको हो ।
हेर्नुहोस १७ वाणिज्य बैंकको प्रतिसेयर आम्दानी, पूँजी, जगेडा तथा प्रतिसेयर नेटवर्थ कति छ ? हेर्न निम्न लिंक्समा क्लिक गर्नुहोला !
केही बैकहरूले प्रतिसेयर आम्दानी हिसाव गर्ने क्रममा एकरुपता नदेखिएकाले लगानीकर्ता अन्यौलमा परेका छन् । १७ मध्ये केही बैंकले यस्तो बिवरण फरक ढंगले प्रस्तुत गरेका छन् ।
चुक्ता पूँजीको आधारमा सबैभन्दा बढी ग्लोबलआई बैंकको ८ अर्ब ८ करोड रुपैयाँ पुगेको छ । ग्लोबल आईएमई बैंकले रिलायबल डेभलपमेन्ट बैंकलाई प्राप्ति गरी राष्ट्र बैंकले तोकेको चुक्ता पूँजी पुर्याएको हो । सबैभन्दा थोरै चुक्ता पूँजी मेगा बैंकको छ । मेगाले धितोपत्र बोर्डबाट ६५ प्रतिशत हकप्रद बिक्री गर्ने अनुमति शुक्रबार मात्रै पाएको छ । हकप्रद जारी गर्दा उसको चुक्ता पूँजी सात अर्ब ५६ लाख रुपैयाँ पुग्नेछ ।
जगेडा कोषको आधारमा सबैभन्दा अगाडि कृषि विकास बैंक देखिएको छ । बैंकको जगेडा कोषमा ९ अर्ब ८८ करोड रुपैयाँ सञ्चित रहेको छ । सबैभन्दा कमजोर जगेडा कोष मेगा बैंकको रहेको छ । उसको जगेडाकोषमा जम्मा एक अर्ब २८ करोड रुपैयाँ मात्र रहेको छ ।
माथि उल्लेखित तथ्याङ्क बैकहरुले प्रकाशित गरेका चौथो त्रैमासको बित्तीय बिवरण अनुसार तयार पारिएको हो ।
(श्रोत: मेरोलगानी ; २०७४ साल साउन २८ शनिबार )
यो पनि पढ्ने कि !
आठ अर्ब पूँजी पुर्याउन अझै कुन - कुन बैकलाई समस्या ?
एक्सक्लूसिभ: १७ वाणिज्य बैंकमध्ये को रोगी, को स्वस्थ ? (विश्लेषणात्मक अध्ययनसहित)
के तपाईंको बोनस सेयर खातामा अझै आएन? कर तिर्नु पर्ने हो कि? कसरी थाहा पाउने त ? बिष्तृत जानकारीको लागि यहाँ विबरण हेर्नुहोस् अझै कुन कुन बैकलाई समस्या आठ अर्ब पूँजी पुर्याउन ? कतिसम्म बोनस दिन सक्छ त? (तालिका सहित)
न्युुनतम चुक्ता पूँजी कायम गर्ने समय सिमा सकियो, क कसले के के गरे त? (तालिका एबं सम्बन्धित अन्य लिंक्स सहित)
नेपाल राष्ट्र बैंकको मिसन ८ अर्बको परीक्षामा २८ बाणिज्य बैंकहरु सफल, यसरि पुग्ने छ तोकिएको चुक्ता पुंजी (रिपोर्ट)
लगानीकर्तालाई कुन बैंकले कति प्रतिफल दिन्छन् ?
एक्सक्लूसिभ: १७ वाणिज्य बैंकमध्ये को रोगी, को स्वस्थ ? (विश्लेषणात्मक अध्ययनसहित)
के तपाईंको बोनस सेयर खातामा अझै आएन? कर तिर्नु पर्ने हो कि? कसरी थाहा पाउने त ? बिष्तृत जानकारीको लागि यहाँ विबरण हेर्नुहोस् अझै कुन कुन बैकलाई समस्या आठ अर्ब पूँजी पुर्याउन ? कतिसम्म बोनस दिन सक्छ त? (तालिका सहित)
न्युुनतम चुक्ता पूँजी कायम गर्ने समय सिमा सकियो, क कसले के के गरे त? (तालिका एबं सम्बन्धित अन्य लिंक्स सहित)
नेपाल राष्ट्र बैंकको मिसन ८ अर्बको परीक्षामा २८ बाणिज्य बैंकहरु सफल, यसरि पुग्ने छ तोकिएको चुक्ता पुंजी (रिपोर्ट)
लगानीकर्तालाई कुन बैंकले कति प्रतिफल दिन्छन् ?
Labels:
Bonus,
Capacity,
Cash,
Commercial Banks,
Company,
Declare,
Dividend,
EPS,
Financial Analysis,
Fiscal Year,
Fourth Quarter,
Market,
Nepal Rashtra Bank,
Nepse,
PaidUpCapital,
Publication,
Right,
Share,
Statistics,
Stock
Sunday, August 13, 2017
एक्सक्लूसिभ: २८ बाणिज्य बैंक मध्य कुन बैंकको लाभांश क्षमता कति ?
नेपाल स्टक एक्सचेन्जमा सुचिकृत बैंक तथा वित्तीय संस्थाहरुले गत आर्थिक बर्षको चौथो त्रैमासको वित्तीय विवरण प्रस्तुत गर्ने क्रममा छन। यसै सन्दर्भमा नेप्सेमा सुचिकृत २८ मध्य १७ बाणिज्य बैंकहरुले गत आर्थिक बर्षको वित्तीय विवरण सार्वजनिक गरिसकेको छन भने एनआईसी एसिया बैंकले गत आर्थिक बर्षको कमाईबाट लाभांश समेत घोषणा गरिसकेको छ।
लगानीकर्ताले संस्थाहरुको वित्तीय विवरणलाई आधार मानेर लगानीको निर्णय गर्ने भएकाले नेप्सेमा सुचिकृत कम्पनीहरुको वित्तीय विवरणले बिशेष महत्त्व राख्दछ। कम्पनीहरुले प्रस्तुत गर्ने चौथो त्रैमासको वित्तीय बिबरणको आधारमा उनीहरुको वित्तीय सबलता र लाभांश क्षमता थाहा हुने भएकाले पनि यसको झनै महत्त्व हुने गर्दछ।
केहि पहुँचवाला ठुला लगानिकर्ताहरु सूचनाको पहुँचमा भएपनि अधिकांश सर्वसाधारण लगानीकर्ताहरु भने यो अवसरबाट बन्चित नै रहेका छन। सर्वसाधारण लगानीकर्ताको आवश्यकतालाई महसुस गर्दै बिजपाटी डटकमले पछिल्लो समय नेप्सेमा सुचिकृत संस्थाहरुको वित्तीय विवरण तथा लाभांश क्षमता प्रक्षेपण गर्दै आएको छ।
यही क्रमलाई निरन्तरता दिने सन्दर्भमा हामीले यहाँ २८ बाणिज्य बैंकहरुको लाभांश क्षमता र उनीहरुले दिन सक्ने लाभांशको प्रक्षेपण गरेका छौं। प्रस्तुत छ २८ बाणिज्य बैंकको लाभांश क्षमता र दिन सक्ने लाभांशको प्रक्षेपण रिपोर्ट:
*Report Yet to Publish; ** 12% Right Adjusted. |
गत आर्थिक बर्ष कृषि बिकास बैंकले २ अर्ब ७७ करोड खुद मुनाफा आर्जन गरेको छ। यस अवधिमा बैंकको प्रति सेयर आम्दानी ३९ रुपैयाँ १८ पैसा रहेको छ। बैंकसंग ४१ दशमलब २० प्रतिशत लाभांश क्षमता रहेको छ। यद्दपी बैंकले १५ प्रतिशत बोनस सेयर र १६ दशमलब ५० प्रतिशत नगद लाभांश वितरण गर्ने अपेक्षा गरिएको छ।
लुम्बिनी र बैंक अफ काठमान्डू मिलेर बनेको बैंक अफ काठमांडूले गत आर्थिक बर्ष १ अर्ब २३ करोड ९० लाख ७५ हजार खुद मुनाफा आर्जन गरेको छ। यस अवधिमा बैंकको प्रति सेयर आम्दानी २२ रुपैयाँ ०१ पैसा रहेको छ। बैंकले राष्ट्र बैंकले तोकेको चुक्ता पुंजी पुर्याउन २ अर्ब ३७ करोड पुंजी थप गर्नुपर्नेछ। बैंकसंग १७ दशमलब ९० प्रतिशतको लाभांश क्षमता रहेको छ। बिओकेले १७ दशमलब ५० प्रतिशत बोनस सेयर वितरण गर्ने अपेक्षा गरिएको छ।बिओकेसंग थप निष्काशन गरी अपुग पुंजी पुरा गर्न ३ बिकल्प रहेको छ।
सिभिल बैंकले गत आर्थिक बर्षको वित्तीय विवरण सार्वजनिक गर्न बाँकी रहेको छ। राष्ट्र बैंकले तोकेको चुक्ता पुंजी ८ अर्ब पुर्याउन बैंकले ४० प्रतिशत हकप्रद बिक्रीको अनुमती माग्दै धितोपत्र बोर्डमा आबेदन दिएको छ। हामा मर्चेन्ट , युनिक फाइनान्स लगायतका संस्था प्राप्ती गर्दा बैंकलाई ५९ करोड स्वापबाट आम्दानी भएको छ। सिभिल बैंकले गत आर्थिक बर्ष न्युनतम २० करोड खुद मुनाफा गरेको अवस्थामा पनि १४ दशमलब ५० प्रतिशत बोनस सेयर वितरण गर्ने अपेक्षा गरिएको छ।
सेन्चुरी बैंकले पनि गत आर्थिक बर्षको वित्तीय विवरण सार्वजनिक गरेको छैन। बैंकले ३ प्रतिशत बोनस सेयर र ५ प्रतिशत नगद लाभांश दिने अपेक्षा गरिएको छ। बैंकले प्राप्त गरेका संस्था सगरमाथा फाइनान्स, अरनिको डेभलपमेन्ट बैंक, इन्नोभेटीब डेभलपमेन्टको स्वापबाट आएको आम्दानी र अल्पाइन डेभलपमेन्ट तथा सेती फाइनान्सलाई पुंजीकृत गरी देखाइएको, अवितरित हकप्रद लिलाम मार्फत बिक्री गर्दा प्राप्त आम्दानी र गत आर्थिक बर्षको कमाईबाट बैंकले ३ प्रतिशत बोनस सेयर दिने अपेक्षा गरिएको हो।
ग्लोबल आइएमई बैकले गत आर्थिक बर्ष २ अर्ब ३ करोड खुद मुनाफा आर्जन गरेको छ। यस अवधिमा बैंकको प्रति सेयर आम्दानी २५ रुपैयाँ २२ पैसा रहेको छ भने चुक्ता पुंजी ८ अर्ब ८ करोड रहेको छ। ग्लोबल आइएमई बैंक पुंजी वृद्धि तथा कारोबार बिस्तार गरी अग्रणी बाणिज्य बैंक बन्ने लक्ष्य सहित अघि बढेको हुनाले यस बैंकले गत आर्थिक बर्षको कमाईबाट सेयरधनीहरुलाई २० प्रतिशत बोनस सेयर दिने प्रक्षेपण गरिएको छ। त्यसो त बैंकसंग २५ दशमलब २२ प्रतिशत बोनस सेयर दिने क्षमता रहेको छ।
कुमारी बैंकले पनि गत आर्थिक बर्षको वित्तीय बिबरण सार्वजनीक गर्न बाँकी नै रहेको छ। चुक्ता पुंजी ८ अर्ब पुर्याउने योजना अन्तर्गत कुमारीको साधारणसभाले २० प्रतिशत हकप्रद बिक्री गर्ने प्रस्ताब पारित गरिसकेको छ भने केहि दिनमै निष्काशन अनुमतीका लागि धितोपत्र बोर्डमा आबेदन दिने तयारीमा छ। कुमारीले १५ प्रतिशत बोनस सेयर दिने प्रक्षेपण गरिएको छ।
मेगा बैंकले गत आर्थिक बर्ष ७९ करोड १४ लाख रुपैयाँ खुद मुनाफा आर्जन गरेको छ। मेगा बैंकको ६५ प्रतिशत हकप्रद धितोपत्र बोर्डबाट स्वीकृत भईसकेको अवस्था छ भने टुरिजम डेभलपमेन्ट बैंकलाई प्राप्ती गर्ने तयारीमा रहेको छ। मेगा बैंकले १० प्रतिशत बोनस सेयर र ४ प्रतिशत नगद लाभांश दिने प्रक्षेपण गरिएको छ। यद्दपी टुरिजमलाई प्राप्ती गर्ने प्रक्रिया सफल भएको अवस्थामा बैंकले नगद लाभांश मात्र वितरण गर्न सक्ने अपेक्षा गरिएको छ। यद्दपी बैंकसंग १५ दशमलब ५० प्रतिशत लाभांश क्षमता रहेको छ।
एनसीसी बैंकले पनि गत आर्थिक बर्षको वित्तीय विवरण सार्वजनिक गर्न बाँकी नै रहेको छ। बैंकलाई सुप्रिम लगायत ४ बिकास बैंकलाई प्राप्ति गर्दा स्वापबाट ९४ करोड प्राप्ती भएको छ। बैंकले ५० प्रतिशत हकप्रद बिक्री गर्ने एजेन्डा राखेर साधारणसभा आब्हान गरेको छ। साधारण सभा प्रयोजनका लागि बुक क्लोज समेत भईसकेको छ। बैंकलाई स्वापबाट प्राप्त भएको आम्दानीलाई मात्र आधार मानेर उसले २१ प्रतिशत बोनस सेयर दिने प्रक्षेपण गरिएको हो। गत आर्थिक बर्षको कमाईबाट २१ प्रतिशत बोनस सहित नगद लाभांश समेत दिने अपेक्षा गरिएको छ ।
एनएमबि बैकले गत आर्थिक बर्ष १ अर्ब ५१ करोड खुद मुनाफा आर्जन गरेको छ। यस अवधिमा एनएमबि बैंकको प्रति सेयर आम्दानी १९ रुपैयाँ ८८ पैसा रहेको छ। बैंकसंग ४४ प्रतिशत लाभांश दिने क्षमता रहेको छ। बैंकले १५ दशमलब बोनस सेयर र १६ दशमलब ५० प्रतिशत नगद लाभांश दिने प्रक्षेपण गरिएको छ। बैंकले प्रिमियममा १ करोड १४ लाख कित्ता एफपीओ बिक्रि गर्दै छ। उक्त एफपीओलाई समेत पुन्जिकृत गरी यो लाभांश प्रक्षेपण गरिएको हो।
प्रभु बैंकले गत आर्थिक बर्ष १ अर्ब ७५ करोड खुद मुनाफा गरेको छ। यस अवधिमा बैंकको प्रति सेयर आम्दानी २९ रुपैयाँ ७८ पैसा रहेको छ। प्रभु बैंक ४० प्रतिशत हकप्रद बिक्री गर्ने तयारीमा रहेको छ। उल्लेख्य प्रगती गरेको उत्साहजनक वित्तीय विवरण प्रस्तुत गरेकाले अर्को बर्ष प्रभु बैंकले आकर्षक बोनस सेयर दिन सक्ने अपेक्षा गरिएको छ। तर यस बर्ष बैंकसंग बोनस दिन सक्ने क्षमता छैन।
नोट: बैंकहरुको गत आर्थिक बर्षको कमाई, अघिल्लो आर्थिक बर्षको रिटेन अर्निङ,उनीहरुको ब्यापार बिस्तार योजना, अन्य बैंक तथा वित्तीय संस्था प्राप्ति तथा मर्ज गर्दा स्वापबाट प्राप्त आम्दानीलाई आधार मानेर बैंकहरुको लाभांश क्षमता र दिन सक्ने लाभांश प्रक्षेपण गरिएको हो।
(श्रोत: बिजपाटी, बैंकिङ ; २०७४ साल साउन २८ शनिबार )
(श्रोत: बिजपाटी, बैंकिङ ; २०७४ साल साउन २८ शनिबार )
यो पनि पढ्ने कि !
Labels:
Bonus,
Capacity,
Cash,
Commercial Banks,
Company,
Declare,
Dividend,
EPS,
Financial Analysis,
Fiscal Year,
Fourth Quarter,
Market,
Nepal Rashtra Bank,
Nepse,
PaidUpCapital,
Publication,
Right,
Share,
Statistics,
Stock
Thursday, August 3, 2017
"धैर्य गरौँ, सेयर बजारमा सोच्दै नसोचेका कुराहरु एकदिन 'एकादेशको कथा'बन्नेछ" (रोहन शर्माको ब्लग)
सेयर बजारमा NRN भित्राउन स्पष्ट निती नियम बन्नु पर्ने, सेयर बजारलाई देशभर रहेका सर्वसाधारणको पहुँचमा पुर्याउनु पर्ने , अनलाईन ट्रेडिङलाई जतीसक्दो चाँडो लागु गर्नुपर्ने , यसो भएमा सेयर बजारले चाँडैनै नयाँ रेकर्ड राख्नेछ। भन्ने हिजोको मेरो SHARE BAZAAR ग्रुपमा गरिएको पोष्टमा एक मित्रले कमेण्ट गर्दै लेख्नु भयो," यि सबै कुराहरु एकादेशको कथा जस्तै भैसके!" -रोहन शर्मा, FB
मेरो उत्तर ठिक बिपरित छ, "भैसकेको छैन, तर भबिश्यमा निश्चयनै यि कुराहरु एकादेशको कथा जस्तै हुनेछ!"
------------------------------
एक दशक अगाडी दैनिक औसत ५ करोडको कारोबार हुने, बजारमा बुलिस प्रबृती आउँदा १८/२० करोडको कारोबार हुँदा अचम्म मान्ने हामी अहिले दैनिक १ अर्बको कारोबारलाई सामान्य रुपमा लिन्छौं । ५ करोडको कारोबार अहिले एकादेशको कथा जस्तै भैसकेको छ ।
सिंहदरवार स्थित स्टक एक्स्चेन्ज परिसर बाहिर भेला भएर भिडमा तछाँड मछाड गर्दै ओपन क्राई सिस्टमबाट कारोबार गर्ने हामी अहिले पल पलको कारोबार मोबाईलबाट अवलोकन गर्दै फोनबाटै कारोबार गर्ने अवस्थामा पुगेका छौं।
त्यतिबेला स्टक एक्स्चेन्जको सानो झ्यालनै लगानिकर्ताको लागी बजारको गहिराई (MARKET DEPTH) को रुपमा रहेको थियो, जहाँबाट MARKET DEPTH हेर्न ताना ताननै हुन्थ्यो। ओपन क्राई अहिले एकादेशको कथा जस्तै भैसकेको छ।
अहिले राष्ट्रीय दैनिकहरुमा कारोबार भएका कम्पनीहरुको सुची पानानै भरिभराउ देखिने गरेकोमा त्यतिबेला पत्रीकाको कुनै कुनामा देखिने १०/१५ कम्पनीको सुची अहिले एकादेशको कथा जस्तै भैसकेको छ ।
ब्रोकरले मात्र हेर्न पाउने अझै भन्नै पर्दा ब्रोकरले आफुसँगै ठुला लगानिकर्ता र आफन्तलाई मात्र कारोबार कक्षमा राखेर देखाउने बजारको गहिराई (MARKET DEPTH) मा अहिले आम सर्वसाधारणको पहुँच पुगिसकेको छ। ब्रोकरको पेवाको रुपमा रहेको MARKET DEPTH अहिले एकादेशको कथा जस्तै भैसकेको छ ।
अधिकतम १.५ % र न्युनतम १% महँगो ब्रोकर कमिसन कमिसनमा कारोबार थालेका हामी अहिले अधिकतम ०.६% र न्युनतम ०.४% मा काम गर्दै रमाउँदा पुरानो ब्रोकर कमिसन एकादेशको कथा जस्तै भैसकेको छ।
अहिले बजारबाट भैतिक रुपमा रहेका सेयर प्रमाणपत्रको अन्त्य हुने क्रममा छ । बजारमा पुर्णरुपमा अभैतिक कारोबार हुने गरेको छ । यतिबेला कुनै जमानामा लेमिनेसन गरेर फ्रेमिङ गरी भित्तामा टाँगिएका सेयर प्रमाणपत्र एकादेशको कथाजस्तै भैसकेको छ।
आफुले किनेको सेयर अहिले चार दिनमै आफ्नो खातामा स्वामित्व परिवर्तन भएर आईसक्दा पहिले खरिद गरेको सेयर ६ महिनासम्म पनि प्रमाणपत्र हातमा नपर्ने हुँदा बुक क्लोज अगाडीसम्म लामो समय ब्रोकरको बाक्सामै BT(BLANK TRANSFER"आफुले सेयर खरिद गरिसकेता पनि सेयरको स्वामित्व नामसारी नभएसम्म बिक्रेताकै नाममा हुने अवस्था") मा राख्नु पर्ने बाध्यता अहिले एकादेशको कथा जस्तै भैसकेको छ।
प्राथमिक निश्काशनका सम्बन्धमा कुरा गर्ने हो भने कुनै समय म स्वयं बिहान ९ बजे देखी बेलुकी ६ बजे सम्म लाईन बसेर IPO भरेको घटना अहिलेसम्म ताजै छ । पर्ने नपर्ने सुनिश्चितता थिएन । बाँडफाँडको लागी ३ महिना बढी समय लाग्ने गर्दथ्यो । कुनै पनि कम्पनीको हकप्रद भर्न, बोनस लिन राजधानीनै आउनुपर्ने थियो । उपत्यका बाहिरका लगानिकर्ता हकप्रद भर्न र बोनस सेयर लिन राजधानी आउँदा आफुले पाएको प्रतिफल भन्दा बढी खर्च गरेर घाटा को ब्यापार गरी फर्कन्थे ।आफुले प्राप्त गर्ने हकप्रद र बोनसको लागी घण्टौ लाईन बस्नु पर्ने थियो।
सेयर बजारको जानकारी आम लगानिकर्ताको पहुँचमा पुर्याउनको लागी अहिले जस्तो मिडियाहरु थिएनन् । भएकाले पनि सेयर बुझ्ने थिएनन्, अलि अलि बुझेकाले पनि महत्व दिने थिएनन् ! अहिले कुनै फरक उदेश्यबाट सँचालित मिडिया पनि सेयर बजारको बारेमा लेखेनन् भने मिडियानै अधुरो/अपुरो हुन्छ । अहिले यि सबै कुराहरु एकादेशको कथा जस्तै भैसकेको छ।
धान रोपेपछी बाली भित्राउन ६ महिना लाग्छ । पैसा खर्च गरेर पनि चाहे जस्तो सामान पाउन निकै गाह्रो हुन्छ । किनेर घर ल्याएको खाध्यान्न पनि खानको लागी तयार पार्न समय लाग्छ। सेयर बजारमा चाहिं हामीलाई सबै कुरा छु मन्तर हुनु पर्ने ?
बिगत देखी अहिलेसम्मको अवस्थालाई मध्यानजर गर्दै धैर्य गरौं, क्रमिक रुपमा सेयर बजारमा हामीले सोच्दै नसोचेका कुराहरु एकदिन "एकादेशको कथा" जस्तै हुँदै जानेछन्।
Source: bizpati, 04 Aug, 2017
Thursday, July 27, 2017
अझै कुन कुन बैकलाई समस्या आठ अर्ब पूँजी पुर्याउन ? कतिसम्म बोनस दिन सक्छ त? (तालिका सहित)
राष्ट्र बैंकले तोकको आठ अर्व चुक्ता पूँजी पुर्याउन अझै केही बाणिज्य बैकलाई मुस्किलको सामाना गर्नुपरेको देखिएको छ । चारवटा वाणिज्य बैंकहरुले चुक्तापूँजी आठ अर्ब नघाएर ढुक्कले कारोबार बिस्तारमा ध्यान केन्द्रित गर्दा एक दर्जन भन्दा बढी बैक चुक्तापूँजीकै चिन्तामा रुमल्लिएका देखिएको छ ।
राष्ट्र बैंकले वाणिज्य बैंकहरुलाई गत आर्थिक वर्षको असार मसान्तसम्ममा पूँजी पुर्याउनु पर्ने व्यवस्था गरेको थियो । यस व्यवस्था अनुसार वाणिज्य बैंकहरुले सार्वजनिक गर्ने चौथो त्रैमासिक वित्तीय बिवरणमा चुक्ता पूँजी आठ अर्ब रुपैंया पु्गेको हुनु पर्ने हो । तर एक दर्जन बाणिज्य बैकहरुले चौथो त्रैमासको वित्तीय बिवरणमा त्यसलाई स्पष्ट पार्न नसक्ने देखिएको छ ।
राष्ट्र बैंकले चुक्ता पूँजी नपुर्याएका बैंक तथा वित्तीय संस्थाहरुलाई गत आर्थिक बर्षको वित्तीय विवरण सार्वजनिक गर्दा तोकिएको पूँजी पुगेको व्यहोरा लेखा सम्बन्धि टिप्पणीमा उल्लेख गर्नु पर्ने व्यवस्था गरेको छ । यो ब्यवस्था अनुसार असार मसान्तसम्म पूँजी नपुगेको खण्डमा बाँकी पूँजीको स्रोत पनि प्रष्ट रुपमा खुलाउनु पर्ने हुन्छ ।
नेपाल इन्भेष्टमेण्ट बैंक (NIB), सेयर बजारमा सूचीकृत नभएको राष्ट्रिय वाणिज्य बैंक (RBB), ग्लोबल आईएमई बैंक (GBIME) र नेपाल बैंक (NBL) को चुक्ता पूँजी आठ अर्ब माथि पुगिसकेको छ ।
उल्लेखित तालिकाको क्रम संख्या १२ सम्मका बैंकहरुले बोनसबाटै पूँजी आठ अर्ब पुर्याउने लक्ष्य लिएका छन् । तर एनआईसी एशिया (NICA), हिमालयन (HBL), प्राइम (PCBL), नबिल (NABIL) र स्टाण्डर्ड चार्टर्डले (SCB) आठ अर्ब पूजी पुर्याउन कुनै विकल्प अघि सारेका छैनन् । यसको अर्थ यी बैंकहरुले कमाई तथा जगेडाको सदुपयोग गरेरै बोनस बाँडेर पूँजी आठ अर्ब पुर्याउन खोजेको देखिन्छ ।
सिद्धार्थ बैंक (SBL) ले १० प्रतिशत हकप्रद सेयर निष्काशन गर्ने र नपुगेको पूँजी जगेडा कोषबाट जुटाउने रणनीति बनाएको देखिन्छ । माछापुछ्रे बैंक (MBL) ले पनि अहिले निष्काशन गरिरहेको १२ प्रतिशत हकप्रद पछि अपुग पूँजी जगेडा कोषबाट थप्ने लक्ष्य लिएको देखिन्छ । एनएमबी बैंक (NMB) ले थप नयाँ साधारण सेयर ( एफपीओ) जारी गर्ने प्रस्ताव स्वीकृत भएको खण्डमा एक अर्ब १४ करोडले पूँजी बिस्तार गर्ने र त्यसबाट नपुगेको पूँजी बोनसबाट पुर्याउन खोजेको देखिन्छ ।
कुमारी बैंक (KBL) ले अहिले कायम पूँजीको २० प्रतिशत हकप्रद निष्काशन गर्ने निर्णय गरिसकेको छ । यो हकप्रदपछि बाँकी रहने पूँजी पनि बोनसबाटै पुर्याउनु पर्ने हुन्छ । बैंक अफ काठमाण्डु (BOKL) झण्डै ६२ करोड रुपैंयाको थप नयाँ संस्थापक सेयर (एफपीओ) निष्काशन गर्ने प्रकृयामा छ । उक्त सेयर निष्काशन भएपछि कायम हुने पूँजीलाई १७६ अर्ब रुपैयाको बोनसबाट आठ अर्ब पुर्याउने लक्ष्यमा वैंक रहेको भएपनि संस्थापक एफपीओ निस्कासन सम्बन्धि कानून नभएकाले उस्को प्रस्ताव अन्यौलमा परेको छ ।
सेञ्चुरी कमर्शियल बैंक (CCBL) ले साउन १६ देखि ४० प्रतिशत हकप्रद निष्काशन गर्दैछ । हकप्रदपछि सेती फाइनान्स (SETI) र अल्पाइन डेभलपमेण्ट बैंक (ALDBL) आफूमा विलय गराएर प्राप्त हुने रकममा अपुग हुने १७ करोड हाराहारीको रकम बोनस वितरण गरेर आठ अर्बको पूँजी तयार पार्दै छ ।
मेगा बैक (MEGA) ले ६५ प्रतिशत हकप्रद सेयर जारीबाट गर्ने र टुरिजम डेभलपमेण्ट बैँक (TDBL) सँगको मर्जर पश्चात चुक्ता पूँजी आठ अर्ब माथि पुर्याउने लक्ष्य लिएको छ ।
एनसीसी बैक (NCCB) ले ५० प्रतिशत हकप्रद निष्काशन गरेर पनि एक अर्ब बराबरको बोनस वितरण गर्दा मात्र आठ अर्ब रुपैंयाको पूँजी तयार हुन्छ ।
एभरेष्ट बैंक (EBL) ले अहिले निष्काशन गरिरहेको ३० प्रतिशत हकप्रद पश्चात पनि दुई अर्ब १२ करोड रुपैंया पूँजी थप गर्नु पर्ने हुन्छ । मर्जरको प्रकृयाका सम्बन्धमा हल्लामात्र बढी भएकाले बैंकले के गर्छ भन्न सक्ने अवस्था छैन ।
स्टाण्डर्ड चार्टर्ड (SCB) ले निष्काशन गरेको एफपिओको प्रिमियमबाट पूँजी दोब्बर बनाउने उद्घोष गरेको छ । यो बाहेक उसँग अन्य विकल्प छैन ।
ShareUpdateNepal: 2017 July 27th |
(श्रोत नेपाल राष्ट्र बैंक; मेरो लगानी)
यो पनि हेर्ने कि ?
न्युुनतम चुक्ता पूँजी कायम गर्ने समय सिमा सकियो, क कसले के के गरे त? (तालिका एबं सम्बन्धित अन्य लिंक्स सहित)
आऊ हेरौं, अब मात्र केहि दिनको छोटो अवधि भित्रमा नेपाल राष्ट्र बैंकले तोकेको चुक्ता पुंजी ८ अर्ब पुर्याउन बाणिज्य बैंकहरुले थप बोनस, हकप्रद या मर्जर; के, कुन, कस्तो, कति, कसरि गर्छ ? बिष्तृत जानकारीको लागि निम्न लिंक्समा क्लिक गर्नुहोला !
बिष्तृत जानकारी लिंक
Labels:
Asset,
Banks,
Bonus,
Commercial,
Deadline,
Details,
Download,
FPO,
Links,
Market,
Merger,
Nepal,
Nepal Rashtra Bank,
Nepse,
PaidUpCapital,
Publication,
Right,
Share,
Statistics,
Stock
Monday, July 24, 2017
एनबी इन्स्योरेन्स (NBIL) को शत प्रतिशत हकप्रद (RIGHT) सेयर सुरक्षित गर्ने आज सोमबार अन्तिम दिन, कहिलेसम्म, कहाँ, कति र कसरी भर्ने, बिस्तृत लिंक्स सहित !
एनबी इन्योरेन्स कम्पनी लिमिटेड (NB Insurance Company Ltd., NBIL) ले २०७४ साल असार ५ गते सोमबारदेखि २०७४ साउन ९ सोमबारसम्म शत प्रतिशत (१००%) अर्थात एक बराबर एक (१:१) नयाँ कित्ताको अनुपातमा एक सय रुपैयाँ अंकित मूल्यमा २७ करोड रुपैयाँ बराबरको २७ लाख कित्ता हकप्रद सेयर बिक्रि तथा निष्काशन खुल्ला गरेको हो ।
कम्पनीले जेठ ४ गते आईतबार नै सेयरधनी किताब बन्द गरी सकेकाले त्यसभन्दा अघिल्लो दिन जेठ ३ गते बुधबारसम्म सेयर किनेका कायम सेयरधनीले मात्र सो १०० प्रतिशत हकप्रद सेयर भर्न पाउनेछन् ।
कम्पनीको हकप्रद शेयर निष्काशन तथा बिक्री प्रबन्धकमा ग्लोबल आईएमई क्यापिटल लिमिटेड रहेको छ ।
कम्पनीको शेयर मूल्य पनि जेठ ४ गते समायोजन गरी सकेको छ । कम्पनीको समायोजन पछिको मूल्य एक हजार रुपैयाँ छ भने आधारभूत मूल्य पाँच सय ५० रुपैयाँ छ ।
यसको बिष्तृत जानकारीको लागि निम्न लिंकमा क्लिक गरी हेर्नुस् !
ShareUpdateNepal |
कम्पनीले जेठ ४ गते आईतबार नै सेयरधनी किताब बन्द गरी सकेकाले त्यसभन्दा अघिल्लो दिन जेठ ३ गते बुधबारसम्म सेयर किनेका कायम सेयरधनीले मात्र सो १०० प्रतिशत हकप्रद सेयर भर्न पाउनेछन् ।
कम्पनीको हकप्रद शेयर निष्काशन तथा बिक्री प्रबन्धकमा ग्लोबल आईएमई क्यापिटल लिमिटेड रहेको छ ।
कम्पनीको शेयर मूल्य पनि जेठ ४ गते समायोजन गरी सकेको छ । कम्पनीको समायोजन पछिको मूल्य एक हजार रुपैयाँ छ भने आधारभूत मूल्य पाँच सय ५० रुपैयाँ छ ।
यसको बिष्तृत जानकारीको लागि निम्न लिंकमा क्लिक गरी हेर्नुस् !
ShareUpdateNepal: २०७४ साउन ९ सोमबार !
Not To Miss Current THIRTEEN Right Shares of These Companies !!! (Details with Right Checks, Financial Analysis and Download Links)
Labels:
Asset,
Capital,
Earning,
Financial,
Fiscal Year,
Global IME Capital,
Investor,
Market,
NB insurance Company Ltd.,
NBIL,
Nepse,
Net Profit,
Net Worth,
Report,
Right,
Sale,
Share,
Stock,
Trimester
Friday, July 21, 2017
लक्ष्मी लघुबित्तमा लगानी गर्नु अघि हेरौं यसको प्रगति बिबरण !
लक्ष्मी लघुवित्त वित्तीय संस्था लिमिटेड (Laxmi Laghubitta Bittiya Sanstha Ltd., (LLBS) गत आर्थिक वर्ष २०७३/७४ को चौथो त्रैमासिक वित्तीय विवरण नयाँ आर्थिक वर्ष सुरु भएको पहिलो दिन २०७४ साउन १ गते आइतबार नै सार्वजनिक गरेर लघुवित्त वित्तीय विबरण सार्वजनिक गर्नेमा पहिलो कम्पनी भएको छ । संस्थाले यस आर्थिक वर्षमा खुद मुनाफा ७१ दशमलव ५४ प्रतिशतले वृद्धि गरी १० करोड ७१ लाख १८ हजार रुपैयाँ कमाएको छ । अघिल्लो आर्थिक वर्षको सोही अवधिमा संस्थाले जम्मा छ करोड २४ लाख ४६ हजार रुपैयाँ मात्रै खुद मुनाफा आर्जन गरेको थियो ।
ShareUpdateNepal |
गत आर्थिक वर्षको दुई करोड २० लाख रुपैंया बराबरको नगद लाभांस मात्र वितरण गरेको लघुवित्तको जगेडा कोषको आकार पनि बढेको छ । गत आर्थिक वर्षमा शत प्रतिशत हकप्रद जारी गरेर ११ करोडको चुक्ता पूँजीलाई शत प्रतिशतले बढाई २२ करोड रुपैयाँ चुक्ता पुँजी बनाएको लक्ष्मी लघुवित्तले समिक्षा अवधिमा आफ्नो जगेडा कोष सात करोड ८ लाख ८५ हजार रुपैंयाबाट बढाएर १६ करोड ९५ लाख ६६ हजार रुपैयाँ राख्न सफल भएको छ ।
सदस्यहरुबाट गरिने निक्षेप संकलनको आकार झण्डै दोब्बर मात्रामा बढाएको लघुवित्तले लघुवित्त कार्यक्रमका लागि गरेको ऋण प्रवाह पनि भारी मात्रामा बढाएको छ । यसरी आफ्नो निक्षेप ६६ दशमलव २९ प्रतिशतले वृद्धि गरी ६६ करोड १२ लाख ५३ हजार रुपैयाँ संकलन गरेको छ । अघिल्लो वर्षको सोहि अवधिमा ३९ करोड ७६ लाख ५६ हजार रुपैयाँ निक्षेप संकलन गरेको थियो । जसका कारण उसको खुद व्याज आम्दानी ६४ दशमलव ५७ प्रतिशतले वृद्धि गरी १४ करोड ९१ लाख ५१ हजार रुपैंयाबाट बढेर २४ करोड ५४ लाख ५४ हजार रुपैंया पुगेको छ ।
अन्य सञ्चालन मुनाफामा पनि राम्रो सुधार गरेको लघुवित्तको कर्मचारी खर्च तथा अन्य सञ्चालन खर्च बढेका कारण खुद नाफा व्याज आम्दानीको अनुपातमा बढ्न भने नसकेको हो । सम्भावित जोखिमका लागि समिक्षा अवधिमा केही रकम थप गरेर पनि लघुवित्तले सञ्चालन मुनाफा नौ करोड ५८ लाख आठ हजार रुपैंयाबाट ७२ दशमलव ५४ प्रतिशतले बढेर १६ करोड ५३ लाख आठ हजार रुपैंया पुर्याएको छ । लघुवित्तले प्रोभिजनमा एक करोड १५ लाख ५२ हजार रुपैयाँ राखिएको छ भने कर्जामा ५८ दशमलव शून्य तीन प्रतिशतले वृद्धि गरी दुई अर्ब १८ करोड ७९ लाख ७३ हजार रुपैयाँ लगानी गरेको छ ।
लघुवित्तको जोखिमयुक्त सम्पत्ति १७ दशमलव शून्य सात प्रतिशत रहेको छ । जसको प्रतिसेयर आम्दानी वार्षिक ४८ दशमलव ६९ रुपैयाँ रहेको छ । गत आर्थिक वर्षको यसै अवधिमा उसको प्रतिसेयर आम्दानी ५६ रुपैंया ७७ पैसा थियो । पूँजी अनुसार कमाई नबढेका कारण लघुवित्तको प्रतिसेयर आम्दानीमा भने सामान्य संकुचन देखिएको छ । निष्कृय कर्जा अनुपात शून्य दशमलव ३० बाट बढेर शून्य दशमलव ५० प्रतिशत पुगेको लघुवित्तको मूल्य आम्दानी अनुपात ३८ दशमलव २२ गुणाले बढी छ । प्रतिसेयर नेटवर्थ एक सय ७७ दशमलव आठ रुपैयाँ रहेको लघुवित्तको तरलता अनुपात १४ दशमलव ४९ प्रतिशत रहेको छ ।
पूँजी वृद्धिको अनुपातमा कमाईको अनुपात केही कम भए पनि आफुलाई अब्बल बनाउने बाटोमा लघुवित्त अघि बढेको देखिन्छ । राष्ट्रिय स्तरको थोक कर्जा प्रबाह गर्ने लघुबित्त भएकाले राष्ट्र बैंकद्वारा जारी नयाँ मौद्रिक नीतिअनुसार माइक्रोफ़ाइनान्सले आगामी २०७५ साल असार मसान्तसम्म चुक्ता पूँजी ६० करोड पुर्याउनु पर्ने भएको छ।
लक्ष्मी लघुवित्तको आर्थिक वर्ष २०७३/७४ को चौथो त्रैमासिक वित्तीय प्रतिवेदन प्रगति बिबरण तालिका हेर्न र डाउनलोड गर्न निम्न लिंक्समा क्लिक गर्नुस !
ShareUpdateNepal |
यस लघुवित्तकोको सेयरमा लगानी गर्ने सोच्दै हुनुहुन्छ कि ? लगानी गर्नु पूर्व र यस कम्पनीको सेयर भएका लगानीकर्ताले समेत, एक पटक हेरी हाल्ने कि? कम्पनीको आर्थिक बर्ष २०७२/७३ र २०७३/७४ को चौंथो त्रैमासिक बित्तिय प्रतिबेदन र कम्पनी विश्लेषण हेर्न निम्न लिंक्समा क्लिक गर्नुस !
यो पनि हेर्ने कि ?
लक्ष्मी लघुवित्तको खुद मुनाफामा ७२ प्रतिशतले वृद्धि
Subscribe to:
Posts (Atom)